Послание возможно принадлежит святителю Афанасию Великому. Подробнее об этом в статье: https://bibleox.com/ru/ru/w/афанасий-великий-послания-41-42
Перевод послания на русский: https://bibleox.com/ru/ru/w/афанасий-великий-послания-41-42#HH2-Послание-41
Fragment 13
ⲘⲚ̅Ⲛ̅ⲤⲀⲦⲢⲈⲨⲔⲰ Ⲛ̅ⲤⲰⲞⲨ Ⲙ̅ⲠⲈⲒϢⲘ̅ⲘⲈ Ⲛ̅ⲦⲈⲒⲘⲒⲚⲈ. ⲦⲈⲒⲔⲀⲦⲎⲔⲎⲤⲒⲤ Ⲛ̅ⲦⲈⲒⲘⲒⲚⲈ ⲦⲀⲚⲈⲬⲢⲒⲤⲦⲒⲀⲚⲞⲤ ⲀⲚⲦⲈ, ⲀⲖⲖⲀ ϨⲈⲚⲘⲈⲈⲨⲈ Ⲛ̅ϨⲈⲖⲖⲎⲚⲚⲈ ⲘⲚ̅ϨⲈⲚⲪⲀⲚⲦⲀⲤⲒⲀ ⲈⲨϢⲞⲨⲈⲒⲦ. ⲚⲀⲒ̅ ϨⲘ̅ⲠⲦⲈⲢⲈⲨⲈⲒ ⲈϨⲢⲀⲒ̅ ⲈⲢⲞⲞⲨ Ⲛ̅ϬⲒⲚ̅ⲢⲈϤⲔⲰⲢϢ̅ ⲀⲨⲰ Ⲙ̅ⲠⲀⲢⲀⲤⲒⲦⲞⲤ Ⲛ̅ⲦⲈⲨϨⲀⲒⲢⲈⲤⲒⲤ Ⲙ̅ⲘⲈⲖⲈⲦⲒⲀⲚⲞⲤ ⲀⲨϢⲰⲠⲈ Ⲛ̅ⲈⲂⲒⲎⲚ, ⲈⲂⲞⲖ ⲀⲚ Ⲙ̅ⲘⲀⲦⲈ ϪⲈⲀⲨϢⲈⲂⲦ̅ⲠⲢⲀⲚ Ⲙ̅ⲠϪⲞⲈⲒⲤ Ⲓ̅Ⲥ̅ ⲠⲈⲬ̅Ⲥ̅ ϨⲀⲠⲢⲀⲚ Ⲛ̅ⲀⲢⲒⲞⲤ ⲀⲨⲰ ⲀⲨϢⲰⲠⲈ Ⲛ̅ⲀⲢⲒⲀⲚⲞⲤ ⲈⲠⲘⲀ Ⲛ̅ⲬⲢⲒⲤⲦⲒⲀⲚⲞⲤ, ⲔⲀⲦⲀ ⲐⲈ Ⲛ̅ⲦⲀⲒⲢ̅ϢⲢ̅ⲠϪⲞⲞⲤ. ⲀⲖⲖⲀ ⲈⲂⲞⲖ ϪⲈⲤⲈϢⲘ̅ϢⲈ Ⲙ̅ⲠⲤⲰⲚⲦ Ⲛ̅ⲐⲈ Ⲛ̅Ⲛ̅ϨⲈⲖⲖⲎⲚ ⲠⲀⲢⲀⲠⲈⲚⲦⲀϤⲤⲰⲚⲦ̅ Ⲛ̅Ⲛ̅ⲔⲀ ⲚⲒⲘ, ⲈⲦⲈⲠⲚⲞⲨⲦⲈⲠⲈ', ⲈⲨϪⲰ Ⲙ̅ⲘⲞⲤ ϪⲈⲞⲨⲤⲰⲚⲦ̅ⲠⲈ ⲠϢⲎⲢⲈ Ⲛ̅ⲞⲨⲰⲦ Ⲛ̅ⲦⲈⲠⲚⲞⲨⲦⲈ. ⲈⲢⲈⲚⲈⲨϨⲂⲎⲨⲈ ⲄⲀⲢ ⲦⲚ̅ⲦⲰⲚⲞⲨ ⲈⲚⲈⲨⲘⲈⲈⲨⲈ', Ⲛ̅ⲐⲈ Ⲙ̅ⲠⲀⲐⲎⲦ Ⲛ̅ⲦⲀⲠⲈⲮⲀⲖⲘⲰϪⲞⲤ ϪⲞⲞⲤ ⲈⲦⲂⲎⲎⲦϤ̅ ϪⲈⲠⲈϪⲈⲠⲀⲐⲎⲦ ϨⲘ̅ⲠⲈϤϨⲎⲦ ϪⲈⲘⲚ̅ⲚⲞⲨⲦⲈ ϢⲞⲞⲠ'. ⲀⲨⲦⲀⲔⲞ ⲀⲨⲢ̅ⲂⲞⲦⲈ ϨⲚ̅ⲚⲈⲨⲀⲚⲞⲘⲒⲀ'. ϨⲘ̅ⲠⲦⲢⲈⲨⲘⲈⲖⲈⲦⲀ ⲄⲀⲢ Ⲛ̅ϨⲈⲚⲠⲈⲦϢⲞⲨⲈⲒⲦ, Ⲛ̅ⲐⲈ Ⲙ̅ⲠⲒⲖⲀⲦⲞⲤ ⲘⲚ̅ϨⲎⲢⲰϪⲎⲤ Ⲙ̅ⲠⲈⲞⲨⲞⲈⲒϢ, ⲀⲨⲦⲞⲖⲘⲀ ϨⲰⲞⲨ ⲈϮ ⲞⲨⲂⲈⲠϪⲞⲈⲒⲤ ⲀⲨⲰ ⲈⲤⲈϢⲚⲈⲦⲞⲨⲀⲀⲂ Ⲛ̅ⲦⲀⲨⲚ̅ⲔⲞⲦⲔ̅ Ⲙ̅ⲠⲈϤⲢⲀⲚ', ϨⲰⲤ ⲈⲨϬⲞⲚⲦ ϪⲈⲠⲈⲦⲞⲨⲀⲢⲚⲀ Ⲙ̅ⲘⲞϤ Ⲛ̅ⲦⲞⲞⲨ ⲀⲚⲈⲦⲘ̅ⲘⲀⲨ ϨⲞⲘⲞⲖⲞⲄⲈⲒ Ⲙ̅ⲘⲞϤ'. Ⲛ̅ⲤⲰⲘⲀ ⲄⲀⲢ Ⲛ̅Ⲙ̅ⲘⲀⲢⲦⲨⲢⲞⲤ Ⲛ̅ⲦⲀⲨⲀⲄⲰⲚⲒⲌⲈ ⲔⲀⲖⲰⲤ Ⲙ̅ⲠⲞⲨϨⲞⲠⲞⲨ ϨⲘ̅ⲠⲔ̅ⲀϨ, ⲀⲖⲖⲀ ⲈⲨⲈⲠⲒⲬⲈⲢⲈⲒ ⲈⲔⲀⲀⲨ ϨⲒϪⲚ̅ϨⲈⲚϬⲖⲞϬ ⲘⲚ̅ϨⲈⲚⲠⲞϬⲈ Ⲛ̅ϢⲈ ⲈⲦⲢⲈⲚⲈⲦⲞⲨⲰϢ *190 ⲐⲈⲰⲢⲈⲒ Ⲙ̅ⲘⲞⲨ'. ⲈⲨⲈⲒⲢⲈ ⲆⲈ Ⲙ̅ⲠⲀⲒ̅ ϨⲚ̅ⲞⲨⲤⲬⲎⲘⲀ ⲘⲈⲚ ϨⲰⲤ ⲈⲦⲂⲈⲠⲦⲀⲒⲞ Ⲛ̅Ⲙ̅ⲘⲀⲢⲦⲨⲢⲞⲤ, ϨⲘ̅ⲞⲨⲘⲈ ⲆⲈ ⲞⲨⲤⲰϢⲠⲈ ⲠϨⲰⲂ'. ⲈⲨⲈⲒⲢⲈ ⲆⲈ Ⲙ̅ⲠⲀⲒ ⲈⲦⲂⲈⲞⲨϨⲰⲂ Ⲛ̅ϢⲖⲞϤ. ⲔⲀⲒⲠⲈⲢ ⲄⲀⲢ ⲈⲘⲚ̅ⲦⲞⲨ ⲤⲰⲘⲀ Ⲙ̅ⲘⲀⲢⲦⲨⲢⲞⲤ ϨⲚ̅ⲦⲈⲨⲠⲞⲖⲒⲤ ⲀⲨⲰ ⲈⲨⲤⲞⲞⲨⲚ ⲀⲚ ϪⲈⲞⲨⲠⲈ ⲘⲀⲢⲦⲨⲢⲞⲤ, ⲈⲀⲨϢⲞϪⲚⲈ ⲈϪⲒⲞⲨⲈ ⲈⲚⲈⲨⲤⲰⲘⲀ Ⲛ̅ⲤⲈϤⲒⲦⲞⲨ ⲈⲂⲞⲖ ϨⲚ̅Ⲛ̅ⲔⲞⲒⲘⲎⲦⲎⲢⲒⲞⲚ Ⲛ̅ⲦⲔⲀⲐⲞⲖⲒⲔⲎ ⲈⲔⲔⲖⲎⲤⲒⲀ'. ⲚⲈⲚⲦⲀⲨⲞⲨⲰ ⲄⲀⲢ ⲈⲨⲦⲰⲘ̅Ⲥ Ⲙ̅ⲘⲞⲞⲨ ⲤⲈϢⲒⲦⲈ ⲈⲢⲞⲞⲨ ⲀⲨⲰ ⲤⲈⲠⲰⲰⲚⲈ Ⲙ̅ⲘⲞⲞⲨ ⲈⲂⲞⲖ, ϪⲈⲔⲀⲤ ⲈⲠⲈⲒⲆⲎ ⲤⲈϪⲠⲒⲞ Ⲙ̅ⲘⲞⲞⲨ ϨⲰⲤ ⲈⲀⲨⲀⲢⲚⲀ Ⲙ̅ⲠⲈⲚⲦⲀⲘ̅ⲘⲀⲢⲦⲨⲢⲞⲤ ⲈⲦⲞⲨⲀⲀⲂ ϨⲞⲘⲞⲖⲞⲄⲈⲒ Ⲙ̅ⲘⲞϤ ⲈⲨⲈϬⲚ̅ⲐⲈ, ⲔⲀⲚ ϨⲒⲦⲚ̅ⲚⲈⲨⲤⲰⲘⲀ, ⲈⲀⲠⲀⲦⲀ Ⲛ̅ⲚⲈⲦⲞⲨⲠⲖⲀⲚⲀ Ⲙ̅ⲘⲞⲞⲨ'. ⲀⲖⲖⲀ ⲦⲘⲈⲢⲒⲤ Ⲙ̅ⲠⲒ̅Ⲏ̅Ⲗ̅ Ⲛ̅ⲞⲨⲠⲖⲀⲚⲎ ⲀⲚⲦⲈ ⲞⲨⲦⲈ Ⲙ̅ⲠⲈⲚⲈⲚⲈⲒⲞⲞⲦⲈ ϮⲚⲀⲒ Ⲛ̅ⲦⲞⲞⲦⲚ̅', ⲀⲖⲖⲀ ⲀⲨⲈⲠⲠⲈⲒϨⲰⲂ Ⲛ̅ⲦⲈⲒⲘⲒⲚⲈ ϪⲈⲞⲨⲠⲀⲢⲀⲚⲞⲘⲒⲀⲠⲈ.
ϨⲘ̅ⲠⲈⲞⲨⲞⲈⲒϢ ⲘⲈⲚ Ⲛ̅ϢⲞⲢⲠ̅ ⲀⲠⲚⲞⲨⲦⲈ ϢⲰⲰⲦ ⲈⲂⲞⲖ ⲈϪⲚ̅ⲀϪⲀⲘ ϨⲒⲦⲚ̅ⲞⲨⲀⲠⲞⲪⲀⲤⲒⲤ ϪⲈⲚ̅ⲦⲔ̅ⲞⲨⲔⲀϨ ⲀⲨⲰ ⲈⲔⲚⲀⲔⲞⲦⲔ ⲈⲠⲔⲀϨ'. ⲀⲠⲈⲒϢⲀϪⲈ ⲆⲈ ⲈⲒ ⲈⲂⲞⲖ ⲈϪⲚ̅ⲞⲨⲞⲚ ⲚⲒⲘ, ⲈⲀϤⲈⲒ ⲈⲂⲞⲖ ⲈϪⲚ̅ⲞⲨⲞⲚ ⲚⲒⲘ ϨⲚ̅ⲀϪⲀⲘ ⲀⲨⲰ ⲚⲈⲦⲘⲞⲨ ⲦⲎⲢⲞⲨ ϨⲘ̅ⲘⲀ ⲚⲒⲘ ⲤⲈⲦⲰⲘⲤ̅ Ⲙ̅ⲘⲞⲞⲨ'. ⲦⲀⲒ̅ⲦⲈ ⲐⲈ Ⲛ̅ⲦⲀϤⲀⲀⲤ Ⲛ̅ϬⲒⲀⲂⲢⲀϨⲀⲘ ⲀⲨϢⲰⲞⲠ Ⲙ̅ⲠⲈⲤⲠⲎⲖⲀⲒⲞⲚ Ⲛ̅ⲦⲞⲞⲦϤ Ⲛ̅ⲈⲪⲢⲰⲚ ⲀⲨⲰ ⲀϤⲦⲰⲘⲤ̅ Ⲙ̅ⲠⲘⲀ ⲈⲦⲘ̅ⲘⲀⲨ Ⲛ̅ⲤⲀⲢⲢⲀ ⲦⲈϤⲤϨⲒⲘⲈ'. ⲘⲚ̅Ⲛ̅ⲤⲰⲤ ⲀⲒ̅ⲤⲀⲀⲔ ⲦⲰⲘⲤ̅ Ⲛ̅ⲀⲂⲢⲀⲀⲘ [*191-192]
Fragment 14
*p193
ⲦⲞⲘⲤⲞⲨ Ⲛ̅ⲐⲈ Ⲛ̅ⲚⲈⲦⲞⲨⲀⲀⲂ', ϨⲀⲐⲎ ⲆⲈ Ⲛ̅ⲞⲨⲞⲚ ⲚⲒⲘ Ⲛ̅ⲐⲈ Ⲙ̅ⲠϪⲞⲈⲒⲤ'. ⲀⲖⲖⲀ ⲤⲈⲦⲚ̅ⲦⲰⲚⲞⲨ Ⲙ̅ⲘⲒⲚⲈ Ⲙ̅ⲘⲞⲞⲨ ⲈⲚⲈⲮⲈⲨⲦⲞⲠⲢⲞⲪⲎⲦⲎⲤ'. ⲤⲈⲚⲀϢⲰⲠⲈ ⲄⲀⲢ Ⲛ̅ϬⲒⲚⲢⲰⲘⲈ Ⲛ̅ⲦⲈⲒⲘ<ⲒⲚ>Ⲉ Ⲛ̅ⲦⲞⲞⲨ ⲘⲚ̅ⲚⲈⲚⲦⲀⲨⲞⲨⲀϨⲞⲨ Ⲛ̅ⲤⲰⲞⲨ ⲈⲨⲚⲎϪ ⲈⲂⲞⲖ ϨⲚ̅ⲚⲈϨⲒⲞⲞⲨⲈ Ⲙ̅ⲠⲘ̅ⲦⲞ ⲈⲂⲞⲖ Ⲛ̅ⲦⲤⲎϤⲈ ⲘⲚ̅ⲠϨⲈⲂⲰⲰⲚ ⲀⲨⲰ ⲚϤ̅ϢⲞⲞⲠ ⲀⲚ Ⲛ̅ϬⲒⲠⲈⲦⲚⲀⲦⲞⲘⲤⲞⲨ ⲔⲀⲦⲀ ⲐⲈ Ⲛ̅ⲦⲀϤϪⲞⲞⲤ Ⲛ̅ϬⲒⲒⲈⲢⲎⲘⲒⲀⲤ ⲠⲈⲠⲢⲞⲪⲎⲦⲎⲤ'. ⲀⲨⲰ ⲈⲦⲂⲈ ⲚⲈⲚⲦⲀⲨⲢ̅ⲚⲞⲂⲈ ⲘⲈⲚ ϨⲘ̅ⲠⲖⲀⲞⲤ ⲠⲈϪⲀϤ ϪⲈⲤⲈⲚⲀϢⲰⲠⲈ ⲈⲨⲚⲈϨⲠⲈ ⲈⲢⲞⲞⲨ ⲀⲚ ⲞⲨϪⲈ Ⲛ̅ⲤⲈⲚⲀⲦⲞⲘⲤⲞⲨ ⲀⲚ, ⲤⲈⲚⲀϢⲰⲠⲈ ⲈⲨⲠⲀⲢⲀϪⲒⲄⲘⲀ ϨⲒϪⲘ̅ⲠϨⲞ Ⲙ̅ⲠⲔⲀϨ'. ⲈⲦⲂⲈⲒⲰⲀⲔⲒⲘ ⲆⲈ ⲠⲢ̅ⲢⲞ Ⲛ̅Ⲓ̅ⲞⲨϪⲀ, ⲠⲀⲒ̅ Ⲛ̅ⲦⲀϤⲢ̅ϨⲀϨ Ⲛ̅ⲚⲞⲂⲈ, ⲠⲈϪⲀϤ ϪⲈⲚ̅ⲚⲈⲨⲚⲈϨⲠⲈ ⲈⲢⲞϤ ⲈⲨϪⲰ Ⲙ̅ⲘⲞⲤ ϪⲈⲰ ⲠⲀⲤⲞⲚ, ⲞⲨϪⲈ Ⲛ̅ⲚⲈⲨⲢⲒⲘⲈ ⲈⲢⲞϤ ⲈⲨϪⲰ Ⲙ̅ⲘⲞⲤ ϪⲈⲞⲨⲞⲒ ⲚⲀⲒ̅, ⲠϪⲞⲈⲒⲤ, ⲞⲨⲞⲒ ⲚⲀ[Ⲓ], ⲠⲀⲤⲞⲚ, ⲈⲔⲚⲀⲔⲞⲞⲤϤ̅ Ⲛ̅ⲦⲔⲀⲒⲤⲈ Ⲛ̅ⲞⲨⲈⲒⲰ ⲚϤ̅ⲂⲰⲖ ⲈⲂⲞⲖ Ⲛ̅ⲤⲈⲚⲞϪϤ Ⲛ̅ⲤⲀⲚ̅ⲂⲞⲖ Ⲛ̅ⲦⲠⲨⲖⲎ Ⲛ̅ⲐⲒⲀ̅Ⲏ̅Ⲙ̅'. ⲚⲒⲘ ⲠⲈⲦⲚⲀϢⲘⲞⲤⲦⲈ Ⲛ̅ϨⲀⲒⲢⲈⲦⲒⲔⲞⲤ ⲔⲀⲦⲀⲠⲈⲨⲘ̅ⲠϢⲀ'; ⲚⲒⲘ ⲠⲈⲦⲚⲀⲞⲨⲰϢ ⲔⲀⲚ ⲈⲦⲰⲘ̅Ⲛ̅Ⲧ ⲈⲢⲞⲞⲨ ⲈⲨⲤⲰ[Ϣ] Ⲛ̅Ⲛ̅ⲤⲰⲘⲀ Ⲛ̅ⲚⲈⲦⲞⲨⲀⲀⲂ Ⲛ̅ⲐⲈ Ⲛ̅ⲚⲈⲮⲈⲨϪⲞⲠⲢⲞⲪⲎⲦⲎⲤ: ⲤⲈⲚⲀϢⲰⲠⲈ ⲄⲀⲢ Ⲛ̅ϬⲒⲚ̅ⲢⲰⲘⲈ Ⲛ̅ⲦⲈⲒⲘⲒⲚⲈ Ⲛ̅ⲦⲞⲞⲨ ⲘⲚ̅ⲚⲈⲚⲦⲀⲨⲞⲨⲀϨⲞⲨ Ⲛ̅Ⲥ[Ⲱ]ⲞⲨ ⲈⲨ[Ⲛ]ⲎϪ ⲈⲂⲞⲖ Ⲛ̅ⲦⲈⲒ[ϨⲈ]. *194 ⲚⲒⲘⲚⲈ Ⲛ̅ⲦⲀⲨⲚⲀⲨ ⲈⲚ̅ⲤⲰⲘⲀ Ⲛ̅Ⲙ̅ⲘⲀⲢⲦⲨⲢⲞⲤ ⲘⲚ̅ⲚⲈⲠⲢⲞⲪⲎⲦⲎⲤ ⲈⲨⲚⲎϪ ⲈⲂⲞⲖ ⲀⲨⲰ ⲈⲨϬⲞⲖⲠ̅ ⲈⲂⲞⲖ, ⲚϤ̅ⲦⲘ̅ⲤⲦⲰⲦ'; ⲞⲨϨⲰⲂ Ⲛ̅ⲬⲢⲒⲤⲦⲒⲀⲚⲞⲤ ⲀⲚⲠⲈ ⲠⲀⲒ̅'. Ⲙ̅ⲠⲈⲠⲀⲨⲖⲞⲤ ϮⲠⲀⲒ̅ ⲈⲦⲞⲞⲦⲚ̅'. Ⲙ̅ⲠⲈⲘ̅ⲠⲀⲦⲢⲒⲀⲢⲬⲎⲤ Ⲣ̅ⲠⲀⲒ̅ ⲞⲨϪⲈ ⲚⲈⲠⲢⲞⲪⲎⲦⲎⲤ ⲔⲀⲦⲀⲔⲀⲒⲢⲞⲤ, ⲀⲖⲖⲀ Ⲙ̅ⲘⲈⲖⲈⲦⲒⲀⲚⲞⲤⲚⲈ Ⲛ̅ⲦⲀⲨϢⲞϪⲚⲈ ⲈⲚⲀⲒ̅ ⲈⲦⲂⲈⲞⲨⲘⲚ̅ⲦⲈϢⲰⲦ'. ⲠⲈⲤⲘⲞⲦ ⲄⲀⲢⲠⲈ ⲠⲀⲒ̅ Ⲛ̅ⲦⲘⲚ̅ⲦⲤⲀⲚⲔⲞⲦⲤ Ⲛ̅ϨⲒⲈⲢⲞⲘⲈ, ⲠⲀⲒ̅ ⲈⲦϮϬⲢⲞⲞⲘⲠⲈ ⲈⲂⲞⲖ ⲀⲨ[Ⲱ ⲈϤ]ϪⲒⲔⲞⲖⲨⲘ[ⲂⲞⲚ] ϨⲘⲠⲎⲒ Ⲙ̅ⲠⲚⲞⲨⲦⲈ, Ⲛ̅ⲐⲈ ⲈⲦⲤⲎϨ. ⲀⲖⲖⲀ ⲠϨⲰⲂⲞⲨⲞⲚϨ ⲈⲂⲞⲖ ⲈϪⲚ̅ⲘⲚ̅ⲦϨⲎⲦ ⲤⲚⲀⲨ ϪⲈⲚⲈⲦⲠⲀⲢⲀⲚⲞⲘⲈⲒ Ⲙ̅ⲠⲈⲒⲞⲨⲞⲈⲒϢ ⲀⲨⲰ ⲈⲨϨⲢⲀ Ⲙ̅ⲘⲞⲞⲨ ⲈⲂⲞⲖ ϨⲒⲦ[Ⲛ̅]ⲞⲨⲘⲀⲤⲦⲒⲄⲜ ⲀⲠϪⲞⲈⲒⲤ ϪⲞⲞⲤ ⲚⲀⲨ ϪⲈⲘ̅ⲠⲢ̅ⲈⲒⲢⲈ Ⲙ̅ⲠⲎⲒ̅ Ⲙ̅ⲠⲀⲈⲒⲰⲦ Ⲙ̅ⲘⲀ Ⲛ̅ⲈϢⲰⲦ'. ⲚⲀⲒ̅ ϨⲰⲞⲨ ⲤⲈⲚⲀⲤⲰⲦⲘ̅ ⲈⲢⲞϤ ⲠⲀⲚⲦⲞⲤ ⲈϤϪⲰ Ⲙ̅ⲘⲞⲤ ϪⲈⲘ̅ⲠⲢ̅ϮⲠⲤⲰⲘⲀ Ⲛ̅Ⲙ̅ⲘⲀⲢⲦⲨⲢⲞⲤ ⲈⲂⲞⲖ, ⲀⲨⲰ ⲦⲈⲨϨⲞⲘⲞⲖⲞⲄⲒⲀ ⲈⲦⲎⲀⲚⲞⲨⲤ Ⲙ̅ⲠⲢ̅<Ⲁ>ⲀⲤ Ⲙ̅ⲘⲚ̅ⲦⲈϢⲰⲦ ⲈⲦⲂⲈ ⲞⲨⲘⲚ̅ⲦⲘⲀⲒϨⲞⲘⲚ̅Ⲧ'. ⲚⲈⲦⲚⲀⲢ̅ⲚⲈⲒⲚⲞⲂⲈ ⲄⲀⲢ Ⲛ̅ⲦⲈⲒⲘⲒⲚⲈ ⲀⲚⲀⲄⲄⲎⲦⲈ ⲈⲦⲢⲈⲨϪⲒ Ⲛ̅ⲦⲈⲒ ⲆⲒⲘⲰⲢⲒⲀ Ⲛ̅ⲞⲨⲰⲦ.
ⲚⲈⲒϢⲀϪⲈ ⲢⲰϢⲈ ⲈⲦⲢⲈⲨⲞⲨⲰⲚϨ̅ ⲈⲂⲞⲖ Ⲛ̅ⲦⲈⲒⲠⲢⲞϨⲀⲒⲢⲈⲤⲒⲤ Ⲙ̅ⲠⲞⲚⲎⲢⲞⲚ ⲀⲨⲰ ⲈⲦⲘⲈϨ Ⲛ̅ⲔⲢⲞϤ Ⲛ̅Ⲛ̅ϨⲀⲒⲢⲈⲦⲒⲔⲞⲤ Ⲛ̅ⲦⲀⲨϢⲞϪⲚⲈ ⲈⲠⲈⲒϨⲰⲂ'. ⲀⲚⲞⲚ ⲆⲈ Ⲛ̅ϢⲎⲢⲈ Ⲛ̅ⲦⲈⲔⲔⲖⲎⲤⲒⲀ ⲈⲦⲢⲈⲨⲠⲒⲐⲈ Ⲙ̅ⲘⲞⲚ ⲈⲦⲘ̅ϢⲰⲠⲈ ⲈⲚⲦⲚ̅ⲦⲰⲚ ⲈⲚⲀⲒ̅ ⲔⲀⲦⲀ ⲖⲀⲀⲨ Ⲛ̅ⲤⲘⲞⲦ *p195-212
Fragment 7
*p213
Ⲁ]ⲠⲚⲞⲨⲦⲈ Ϣ[Ⲱ]ⲰⲦ ⲈⲂⲞⲖ ⲈϪⲚ̅ⲀⲆⲀⲘ ϨⲒⲦⲚ̅ ⲞⲨⲀⲠⲞⲪⲀⲤⲒⲤ ϪⲈⲚ̅ⲦⲔ̅ⲞⲨⲔⲀϨ ⲀⲨⲰ ⲈⲔ ⲚⲀⲔⲞⲦⲔ̅ ⲈⲠⲔⲀϨ. ⲀⲠⲈⲒϢⲀϪⲈ ⲆⲈ ⲈⲒ ⲈⲂⲞⲖ ⲈϪⲚ̅ⲞⲨⲞⲚ ⲚⲒⲘ ⲈⲀϤⲈⲒ ⲈⲂⲞⲖ ϨⲚ̅ⲀⲀⲆⲀⲘ ⲀⲨⲰ ⲚⲈⲦⲘⲞⲨ [ⲦⲎⲢⲞⲨ ϨⲘ̅ⲘⲀ ⲚⲒⲘ ⲤⲈⲦ]ⲰⲘⲤ̅ Ⲙ̅ⲘⲞⲞⲨ. ⲦⲀⲒⲦⲈ Ⲑ[Ⲉ ⲚⲦⲀϤⲀⲀⲤ ⲚϬⲒⲀⲂⲢⲀϨⲀⲘ] ⲀⲨϢⲰⲠ ⲘⲠⲈⲤⲠⲎⲖ[ⲀⲒⲞⲚ ⲚⲦⲞⲞⲦϤ Ⲛ] [ⲈⲪⲢⲰⲚ] ⲀⲨⲰ ⲀⲨⲦⲰⲘⲤ [ⲘⲠⲘⲀ ⲈⲦⲘⲘⲀⲨ] [Ⲛ]ⲤⲀⲢⲢⲀ ⲦⲈϤⲤϨⲒⲘⲈ. [ⲘⲚⲚⲤⲰⲤ ⲀⲒⲤⲀⲀⲔ] ⲦⲰⲘⲤ ⲚⲀⲂⲢⲀϨⲀⲘ. Ⲁ[ⲨⲰ ⲀⲨⲦⲰⲘⲤ] ϨⲘⲠⲈⲒⲤ ⲠⲎⲖⲖⲒⲞⲚ ⲚⲞ[ⲨⲰⲦ ⲘⲠⲤⲰⲘⲀ] ⲚⲒⲀⲔⲰⲂ. ⲒⲰⲤⲎⲪ Ⲇ[Ⲉ ⲈϤⲚⲀⲘⲞⲨ ⲀϤϨⲰⲚ] ⲈⲦⲂⲈⲚⲈϤⲔⲈⲈⲤ. ⲀⲨⲰ ⲀⲨⲦ[ⲰⲘⲤ ⲘⲘⲞϤ] ϨⲘⲠⲘⲀ ⲈⲦⲘⲘⲀⲨ. ϤⲤⲎϨ [ⲆⲈ ⲞⲚ ⲈⲦⲂⲈ] ⲠⲞⲨⲀ ⲠⲞⲨⲀ ⲚⲚⲈⲚⲦⲀⲨⲔⲰ [ⲘⲠⲈⲨⲤⲰⲘⲀ] ϪⲈⲖⲨⲦⲞⲘⲤϤ ϨⲚϨ[ⲈⲚⲦⲀⲪⲞⲤ. ⲀⲤϢⲀϪⲈ] ⲈⲦⲂⲈⲚⲈⲠⲢⲞⲪⲎⲦ[ⲎⲤ ⲚϬⲒⲦⲈⲄⲢⲀⲪⲎ ϨⲘⲘⲀ] ⲤⲚⲀⲨ ϪⲈⲀⲨⲦⲰ[ⲘⲤ ⲘⲘⲞⲞⲨ ⲈⲤϪⲰ Ⲙ]ⲘⲞⲤ ϪⲈⲞⲨⲞⲒ ⲚⲎ[ⲦⲚ ⲚⲈⲄⲢⲀⲘⲘⲀⲦⲈⲨⲤ ⲘⲚⲚⲈ] ⲪⲀⲢⲎⲤⲀⲒⲞⲤ Ⲛ[ϨⲨⲠⲞⲔⲢⲒⲦⲎⲤ ϪⲈⲦⲈⲦⲚ] ⲔⲰⲦ ⲚⲚⲦ Ⲁ[ⲪⲞⲤ ⲚⲚⲈⲠⲢⲞⲪⲎⲦⲎⲤ ⲀⲨⲰ ⲈⲦⲈⲦⲚⲦⲤ[ⲀⲚⲞ ⲚⲘϨⲀⲀⲨ ⲚⲚⲆⲒⲔⲀⲒⲞⲤ] ⲀⲨⲰ ⲚⲀϢ [ⲚϨⲈ...Ⲉ] ϨⲞⲨⲚ ⲈⲠ[…]
ⲠⲈⲦⲢⲞⲤ Ⲇ[Ⲉ...]
ⲘⲎ. […]
ⲘⲚⲚ[…]
ⲔⲞ[…]
[…]
[…]
*p214 ⲤⲒⲆ
ϢⲠⲎⲢⲈ ⲀⲚ ⲈⲢⲈⲠⲦⲞⲠⲞⲤ Ⲙ[ⲠⲂⲞ]Ⲗ ⲚⲀⲢⲘⲚⲦ ⲢⲈ ⲈⲦⲂⲈⲠⲤⲰⲘⲀ ⲘⲠϪⲞⲈⲒⲤ ϪⲈⲀⲨⲔⲀⲀϤ ϨⲚⲞⲨⲦⲀⲪⲞⲤ. ⲀⲨⲰ ⲞⲚ ϪⲈⲀⲚⲈⲘϨⲀⲀⲖ ⲀⲨⲰⲚ ⲀⲨⲦⲰⲞⲨⲚ ⲚϬⲒϨⲀϨ ⲚⲤⲰⲘⲀ ⲚⲚⲈⲦⲞⲨⲀⲀⲂ ⲚⲦ[ⲀⲨⲚⲔⲞⲦⲔ ⲘⲚⲚⲤⲀⲦ]ⲢⲈⲨⲦⲰⲞⲨⲚ ⲀⲨ [ⲂⲰⲔ ⲈϨⲞⲨⲚ ⲈⲦⲠⲞⲖⲒⲤ] ⲀⲨⲞⲚϨⲞⲨ ⲈⲂⲞⲖ Ⲛ [ϨⲀϨ. ⲞⲨⲚϢϬⲞⲘ Ⲉ]ϨⲈ ⲈⲚⲀⲒ ⲈⲂⲞⲖ ϨⲚⲚⲈⲄⲢ[Ⲁ] [ⲪⲎ...] ⲀⲨⲰ ⲚⲈⲚⲦⲀⲨ [ⲚⲔⲞⲦⲔ ⲀⲨϨⲰⲠ ⲘⲘⲞⲞ]Ⲩ ϨⲀⲠⲔⲀϨ. Ⲛ[…]
[…] ⲚⲦⲀⲪⲞⲤ. ⲀⲨⲰ ⲈⲦ
[…ⲦⲀ]ⲪⲞⲤ ϨⲚⲞⲨⲘⲈ. ⲞⲨⲞⲚ
[…] ⲂⲈⲚⲀⲒ. ⲚⲒⲘ ⲠⲈⲚ
[ⲦⲀϤϨⲰⲚ ⲚϨⲈⲚϨ]ⲂⲎⲨⲈ ⲚⲦⲈⲒⲘⲒⲚⲈ ⲈⲦⲞⲞⲦⲞⲨ
[ⲀⲨⲰ ⲞⲚ ⲚⲦⲀⲨ]ϨⲈ ⲈⲢⲞⲞⲨ ϨⲚⲀϢ ⲚⲄⲢⲀⲪⲎ ⲚⲀⲢ
[ⲬⲀⲒⲞⲚ...] ⲔⲀⲦⲀⲔⲀⲒⲢⲞⲤ. ⲀⲨⲰ ⲔⲀⲦⲀ
[…]Ⲉ[…]ⲀⲖⲈⲰⲚ. ⲚⲒⲘ
[…Ϩ]ⲰⲂ ⲚⲦⲈⲒⲘⲒⲚⲈ ϢⲰ
[ⲠⲈ...]ⲀϤⲎⲠ ⲈⲠⲠⲞⲖⲒⲤ
[…Ϫ]ⲞⲞⲤ ϪⲈⲀϤⲚⲀⲨⲈⲠ
[...ⲠⲈ]ⲦⲢⲞⲤ Ⲏ ⲚⲔⲈ
[…] ⲞⲤ ⲈⲨⲦⲞⲘⲤ ⲀⲚ
[…Ϩ]ⲰⲂ ⲚⲒⲘ
[…] ⲠⲤⲰⲘⲀ
[…ⲦⲀ]ⲪⲞⲤ ⲀⲖⲖⲀ
[…] ϢⲀϪⲈ
[…]ⲚⲞⲨⲀ
[…]ⲚⲢⲀⲚ
[…]
Fragment 8
*p215
ⲠϪⲞⲈⲒⲤ ⲘⲈⲚ ⲄⲀⲢ ⲀⲨϮⲔⲰϨ ⲚⲀϤ. ⲀⲨϢⲰⲠⲈ ⲆⲈ ⲈⲨϪⲀϨⲘ̅ Ⲛ̅ⲚⲀϨⲢⲚ̅Ⲙ̅ⲘⲀⲢⲦⲨⲢⲞⲤ ⲀⲨⲰ ⲈⲨϮ ⲞⲨⲂⲈⲦⲈⲄⲢⲀⲪⲎ. ⲀⲨⲢ̅ⲀⲦⲤⲰⲦⲘ̅ ⲄⲀⲢ Ⲛ̅ⲤⲀⲦⲈⲤⲘⲎ ⲈⲦϪⲰ Ⲙ̅ⲘⲞⲤ ϪⲈⲘ̅ⲠⲢ̅ϪⲰϨ ⲈⲚⲀⲬⲢⲒⲤⲦⲞⲤ Ⲙ̅ⲠⲢ̅ⲠⲞⲚⲎⲢⲈⲨⲈ ϨⲚ̅ⲚⲀⲠⲢⲞⲪⲎⲦⲎⲤ. ⲞⲨⲠⲞⲚⲎⲢⲒⲀ ⲄⲀⲢ ⲈⲤϢⲀⲀⲦ ⲈⲂⲞⲖⲠⲈ ϢⲒⲦⲈ ⲀⲨⲰ ⲈⲤⲨⲖⲀ Ⲛ̅Ⲛ̅ⲦⲀⲪⲞⲤ Ⲛ̅Ⲙ̅ⲘⲀⲢⲦⲨⲢⲞⲤ ⲀⲨⲰ ⲚⲤⲈⲦⲘⲦⲞⲘⲤⲞⲨ Ⲛ̅ⲐⲈ Ⲛ̅ⲚⲈⲦⲞⲨⲀⲀⲂ, ϨⲀⲐⲎ ⲆⲈ Ⲛ̅ⲞⲨⲞⲚ ⲚⲒⲘ, Ⲛ̅ⲐⲈ Ⲙ̅ⲠϪⲞⲈⲒⲤ, ⲀⲨⲰ Ⲛ̅ⲤⲈⲦⲚ̅ⲦⲰⲚⲞⲨ Ⲙ̅ⲘⲒⲚⲈ Ⲙ̅ⲘⲞⲞⲨ ⲈⲚⲈⲮⲈⲨⲦⲞⲠⲢⲞⲪⲎⲦⲎⲤ.
ⲤⲈⲚⲀϢⲰⲠⲈ ⲄⲀⲢ ⲚϬⲒⲚⲢⲰⲘⲈ ⲚⲦⲈⲒⲘⲒⲚⲈ ⲚⲦⲞⲞⲨ ⲘⲚⲚⲈⲚⲦⲀⲨⲞⲨⲀϨⲞⲨ ⲚⲤⲰⲞⲨ ⲈⲨⲚⲎϪ ⲈⲂⲞⲖ ϨⲒⲚⲈϨⲒⲞⲞⲨⲈ ⲘⲠⲈⲘⲦⲞ ⲈⲂⲞⲖ ⲚⲦⲤⲎϤⲈ ⲘⲠϨⲈⲂⲰⲰⲚ ⲀⲨⲰ ⲚϤⲚⲀϢⲰⲠⲈ ⲀⲚ ⲚϬⲒⲠⲈⲦⲚⲀⲦⲞⲘⲤⲞⲨ, ⲔⲀⲦⲀ ⲐⲈ ⲚⲦⲀϤϪⲞⲞⲤ ⲚϬⲒⲒ<Ⲉ>ⲢⲎⲘⲒⲀⲤ ⲠⲈⲠⲢⲞⲪⲎⲦⲎⲤ. ⲀⲨⲰ ⲈⲦⲂⲈⲚⲈⲚⲦⲀⲨⲢⲚⲞⲂⲈ ⲘⲈⲚ ϨⲘⲠⲖⲀⲞⲤ ⲠⲈϪⲀϤ ϪⲈⲤⲈⲚⲀϢⲰⲠⲈ ⲈⲨⲚⲈϨⲠⲈ ⲈⲢⲞⲞⲨ <ⲀⲚ> ⲞⲨⲦⲈ ⲚⲤⲈⲚⲀⲦⲞⲘⲤⲞⲨ ⲀⲚ ⲤⲈⲚⲀϢⲰⲠⲈ ⲈⲨⲠⲀⲢⲀⲆⲒⲄⲘⲀ ϨⲒϪⲘⲠϨⲞ ⲘⲠⲔⲀϨ ⲦⲎⲢϤ. ⲈⲦⲂⲈⲒⲰⲀⲔⲒⲘ ⲆⲈ ⲠⲢⲢⲞ ⲚⲒⲞⲨⲆⲀ ⲠⲀⲒ ⲚⲦⲀϤⲢϨⲀϨ ⲚⲚⲞⲂⲈ ⲠⲈϪⲀϤ ϪⲈⲚⲚⲈⲨⲚⲈϨⲠⲈ ⲈⲢⲞϤ ⲈⲨϪⲰ ⲘⲘⲞⲤ ϪⲈⲰ ⲠⲀⲤⲞⲚ, ⲈⲨⲚⲀⲔⲞⲞⲤϤ ⲚⲦⲔⲀⲒⲤⲈ ⲚⲞⲨⲈⲒⲰ, ⲚϤⲂⲰⲖ ⲈⲂⲞⲖ ⲚⲤⲈⲚⲞϪϤ ⲚⲤⲀⲂⲞⲖ ⲚⲦⲠⲨⲖⲎ ⲚⲐⲒⲖⲎⲘ.
ⲚⲒⲘ ⲠⲈⲦⲚⲀϢⲘⲈⲤⲦⲈⲚϨⲀ ⲒⲢⲈⲦⲒⲔⲞⲤ ⲔⲀⲦⲀ ⲦⲈⲨⲘⲠϢⲀ; ⲚⲒⲘ ⲠⲈⲦⲚⲀⲞⲨⲰϢ ⲔⲀⲚ ⲈⲦⲰⲘⲚⲦ ⲈⲢⲞⲞⲨ ⲈⲨⲤⲰϢ ⲚⲚⲤⲰⲘⲀ ⲚⲚⲈⲦⲞⲨⲀⲀⲂ ⲚⲐⲈ ⲚⲚⲈ ⲮⲈⲨⲦⲞⲠⲢⲞⲪⲎⲦⲎⲤ; ⲚⲒⲘ ⲠⲈⲦⲚⲀⲚⲀⲨ ⲈⲚⲤⲰⲘⲀ ⲚⲚⲈⲠⲢⲞⲪⲎⲦⲎⲤ ⲘⲚⲚⲤⲰⲘⲀ ⲚⲘⲘⲀⲢⲦⲨⲢⲞⲤ ⲚⲎϪ ⲈⲂⲞⲖ ⲀⲨⲰ ⲈⲨϬⲞⲖⲠ ⲈⲂⲞⲖ, ⲚϤⲦⲘⲤⲦⲰⲦ; ⲞⲨϨⲰⲂ ⲚⲬⲢⲒⲤⲦⲒⲀⲚⲞⲤ ⲀⲚⲠⲈ ⲠⲀⲒ. ⲘⲠⲈⲠⲀⲨⲖⲞⲤ Ϯ ⲠⲀⲒ ⲈⲦⲞⲞⲦⲚ. ⲘⲠⲈⲘⲠⲀⲦⲢⲒⲀⲢⲬⲎⲤ ⲢⲠⲀⲒ ⲞⲨⲦⲈ ⲚⲈⲠⲢⲞⲪⲎⲦⲎⲤ ⲔⲀⲦⲀ ⲔⲀⲒⲢⲞⲤ. ⲀⲖⲖⲀ ⲘⲘⲈⲖⲒⲦⲒⲀⲚⲞⲤⲚⲈ ⲚⲦⲀⲨϢⲞϪⲚⲈ ⲈⲚⲀⲒ ⲈⲦⲂⲈⲞⲨ ⲘⲚⲦⲈϢⲰⲦ. ⲠⲈⲤⲘⲞⲦ ⲄⲀⲢⲠⲈ ⲠⲀⲒ ⲚⲦⲘⲚⲦⲤⲀⲚⲔⲞⲦⲤ ⲚϨⲒⲈⲢⲞⲂⲞⲀⲘ ⲠⲀⲒ ⲈⲦϮ ϬⲢⲞⲘⲠⲈ ⲈⲂⲞⲖ ⲀⲨⲰ ⲈⲦϪⲒ ⲔⲞⲖⲨⲘⲂⲞⲚ ϨⲘⲠⲢⲠⲈ ⲘⲠⲚⲞⲨⲦⲈ, ⲚⲐⲈ ⲈⲦⲤⲎϨ.
ⲀⲖⲖⲀ ⲠϨⲰⲂ ⲞⲨⲞⲚϨ ⲈⲂⲞⲖ ⲀϪⲚⲘⲚⲦϨⲎⲦ ⲤⲚⲀⲨ ϪⲈⲈⲚⲈⲦⲠⲀⲢⲀⲚⲞⲘⲈⲒ ⲘⲠⲈⲒⲞⲨⲞⲈⲒϢ ⲀⲨⲰ ⲈⲨϨⲢⲀ ⲘⲘⲞⲞⲨ ⲈⲂⲞⲖ ϨⲒⲦⲚⲞⲨⲘⲀⲤⲦⲒⲄⲜ ⲀⲠϪⲞⲈⲒⲤ ϪⲞⲞⲤ ⲚⲀⲨ ϪⲈⲘⲠⲢⲈⲒⲢⲈ ⲘⲠⲎⲒ ⲘⲠⲀⲈⲒⲰⲦ ⲚⲎⲒ ⲘⲘⲀⲚⲈϢⲰⲦ. ⲚⲀⲒ ϨⲰⲞⲨ ⲤⲈⲚⲀⲤⲰⲦⲘ ⲈⲢⲞϤ ⲠⲀⲚⲦⲰⲤ ⲈϤϪⲰ ⲘⲘⲞⲤ ϪⲈⲘⲠⲢϮ ⲘⲠⲤⲰⲘⲀ ⲚⲚⲀⲘⲀⲢⲦⲨⲢⲞⲤ ⲈⲂⲞⲖ ⲀⲨⲰ ⲦⲈⲨϨⲞⲘⲞⲖⲞⲨⲒⲀ ⲈⲦⲚⲀⲚⲞⲨⲤ ⲘⲠⲢⲀⲀⲤ ⲘⲘⲚⲦⲈϢⲰⲦ ⲈⲦⲂⲈⲞⲨⲘⲚⲦⲘⲀⲒϨⲞⲘⲚⲦ. ⲚⲈⲦⲚⲀⲢⲚⲈⲒⲚⲞⲂⲈ ⲄⲀⲢ ⲚⲦⲈⲒⲘⲒⲚⲈ ⲀⲚⲀⲄⲔⲀⲒⲞⲚ ⲈⲦⲢⲈⲨϪⲒ ⲚⲦⲈⲒϪⲒⲘⲰⲢⲒⲀ ⲚⲞⲨⲰⲦ.
ⲚⲈⲒϢϪⲈ ⲢⲰϢⲈ ⲈⲦⲢⲈⲨⲞⲨⲰⲚϨ ⲈⲂⲞⲖ ⲚⲦⲈⲒⲠⲢⲞϨⲀⲒⲢⲈⲤⲒⲤ ⲘⲠⲚⲎⲢⲞⲚ ⲀⲨⲰ ⲚⲔⲢⲞϤ ⲚⲚϨⲀⲒⲢⲈⲦⲒⲔⲞⲤ ⲚⲦⲀⲨϢⲞϪⲚⲈ ⲈⲠⲈⲒϨⲰⲂ. ⲀⲚⲞⲚ ⲆⲈ ⲚϢⲎⲢⲈ ⲚⲦⲈⲔⲔⲖⲎⲤⲒⲀ ⲈⲦⲢⲈⲨⲠⲒⲐⲈ ⲘⲘⲞⲚ ⲈⲦⲘϢⲰⲠⲈ ⲈⲚⲦⲚⲦⲰⲚ ⲈⲚⲀⲒ [… *p217]