This text is available in other languages:
В конец, о сынех Кореовых, псалом.
1 Вси языцы, восплещите руками, воскликните Богу гласом радования:
2 яко Господь Вышний страшен, Царь велий по всей земли:
3 покори люди нам и языки под ноги наша:
4 избра нам достояния Свое, доброту Иаковлю, юже возлюби.
5 Взыде Бог в воскликновении, Господь во гласе трубне.
6 Пойте Богу нашему, пойте: пойте Цареви нашему, пойте.
7 яко Царь всея земли Бог, пойте разумно.
8 Воцарися Бог над языки: Бог седит на престоле святем Своем.
9 Князи людстии собрашася с Богом Авраамлим: яко Божии державнии земли зело вознесошася.
← Backward The end of
46
psalm
Forward →
Highlight a verse by clicking on its number. Works
Shift
and
Ctrl