яко в последняя времена отступят нецыи от веры, внемлюще духовом лестным, и учением бесовским, и прочая; и паки к Галатом: нецыи суть смущающе вас, и хотяще превратити благовествование Христово.
Та словеса кривотолки Брынские ложне обращают на нас православных, акибы мы сотворихомся нецые, отступлении от веры, и аки бы мы есмы нецые смущающии и превращающии благовествование Христово.
но и в странах Греческих, и Аравитских, и Сирских, и Египетских, и в Сербских, и в Болгарских, и в Далматии, и в Молдовлахии, и просто реши, по вселенней:
ваша же Брыня в едином токмо угле государства Российского, и столь есть велика противу всей соборной православной Апостольской церкви, сколь велика есть едина горсть воды противу великого моря.
вы же с своими скитами якоже зверие по дубравам и лесам крыетеся, исходяще же от мест своих в грады и веси, не явь себе творите, но якоже мыши в подполиях сокрываетеся в домах от вас прелыценных.
не мнози сущии, аще бо и десять тысящь, или двадесять тысящь вас соберется, обаче противу всея по вселенней сущия церкве, есте ниже тысящная часть, но весьма ничтоже, разве токмо нецыи.
О вас убо, а не о нас апостольская преждереченная словеса написана суть: отступят нецыи от веры; и паки: нецыи суть смущающе, вас и хотяще превратити благовествование Христово.
и едва имя Христово проповедию святого апостола Андреа древле в сих странах слышашеся, и то не на многих местах, и писмена азбучная славянского языка еще тогда не быша изобретена.
И како не стыдятся Брынские кривотолки наводить на нас та апостольская словеса, яже не к нам писашася, ни о книгах наших, ни о речениях наших старых или новых.
Во Антиохии между веровавшими во Христа Иудеи и Еллины сотворися пря о обрезании: овым глаголющим, яко не возможно спастись Христианам без обрезания, овым же обрезание тяжко себе вменяющим.
заповедаша же токмо отгребатися от идоложертвенных снедей и от блудных дел, и еже ни в чесом же обидети ближнего: и отпустиша с тем ко Антиохии Павла и Варнаву, а с ними и Иуду и Силу.
Тии же, достигше Антиохии, и апостольское соборное послание церкви антиохийской о упразднении обрезания предложивше, разлучистася от себе на проповедь во языки. Павел убо святой,
а не жидовский, повелев не обрезываться, ни субботствовать, ниже иных коих обрядов (церемоний) жидовских ветхозаконных держаться, но токмо веровать во Христа Бога благочестно, и жить богоугодно.
но подобает и Моисеов закон хранить, еже обрезываться, и субботствовать, и новомесячия совершать и прочие чины и обряды (церемонии) ветхозаконные исполнять.
То уведав Павел в Риме сый, писа от Рима послание к Галатам, глаголя: аще и Ангел с небесе благовестит вам паче, еже благовестихом вам, анафема да будет.
и яве зрети есть, яко Апостол не к Россиянам та словеса написа, ни о Российских книгах и речениях книжных; но к Галатам о обрезании, возбраняя им жидовствовать.
но Вышний в нерукотворенных церквах живет, якоже пророк (Исаиа) глаголет: небо мне престол есть, земля же подножие ногама моима: кий храм созиждете ми, глаголет Господь, или кое место покоищу моему?
Вышний не в рукотворенных церквах живет, церковь не в бревнах, но в ребрах, (сиесть не в стенах, но в персех или сердце;) довлеет самому в себе на коем-либо месть помолиться к Богу, кроме церкви.
место же невещественное, невидимое, умное обдержит та, яже суть невещественная, невидимая, умная; ниже может естество бестелесное, умное обдержаться и определяться местом вещественным, разве умным.
непостижимый: убо вещественным коим-либо местом не обдержится, ни определяется, везде сый, и вся исполняли, вся обдержай, Сам же ничимже обдержимый, ни небесами, ни поднебесными, ни коими храмами.
но яко вне Божественного существа своего, самою токмо действительною благодатию своею, освящая и исполняя место освященное ему, и присутствуя тому человеколюбною милостию своею.
А наипаче любит Господь Бог жить в сердцах и душах человеческих любящих его, и верне тому служащих, ихже яко нерукотворенную церковь и место селения своего себе имать.
того ради нужда надлежит противу их злоумия толкование таково положити, еже бы было аки некое вещество видимое и осязательное, яве безумие их обличающее.
но понеже и Писание святое, и человецы обыкоша храмы Божия церквами нарицати собирания ради в них людей верных; того ради и зде за едино храм и церковь разумети буди.)
О жидовских церквах он то глагола, Соломона воспоминая, а не о Христианских; ибо во дни его еще не бяху созидаемы церкви Христианские в жидовских убо Вышнему не жительствовати сказоваше.
юже Моисей повелением Божиим содела по подобию шатра, от червленицы, багряницы и виссона, и покры ю кожами, которую церковь святый Первомученик в тойже своей к жидом беседе нарицает сению свидения.
Прешедшим бо седмидесяти летам от разорения Иерусалима и Соломоновы церкве, отпущен бысть от Вавилона Зоровавель князь со многими людьми к разореному Иерусалиму, еже создати паки храм Господень.
Та убо Зоровавелем, праотцем Христовым, созданная церковь бяше во дни Христовы и Апостольские во Иерусалим, юже потом Тит, сын Веспесианов с силою Римскою пришед, разори до основания.
Егда убо рече святый первомученик: Вышний не в рукотворенных церквах живет, рече то о всех тех триех церквах жидовских, о Моисеевой, о Соломоновой и о Зоровавелевой.
меж стенами вмещаяся, Иже невместимый есть небесами: но свыше на ня призирая, присутствоваше им благодатию своею, и Ангелами своими святыми охраняше я, донележе хотяше.
исполняющая храм, и глас Бога, от олтаря к Моисею беседующего, якоже в первой главе Левитстей пишется: воззва Господь Моисеа, и рече ему из храма свидения, глаголя: глаголи сыном Израилевым 139.
чесого бяше знамение облак и слава Господня, исполнившая храм во освящении того: и не можаху стати иереи служити пред лицем облака, яко исполни слава Господня храм.
Живал Бог благодатию своею чудотворною и в церкви, Зоровавелем обновленной, чесого бе знамением вода, во огнь претворшаяся, якоже о том в книге второй Маккавейской, в главе 1-й пишется.
дванадесятолетна бывши, моляшеся в церкви Господней (от Зоровавеля созданной) пред жертвенником, свет возсия неизреченный, и глас слыша от святилища: родиши Сына моего.
яко был Господь Бог в ветхозаконных своих церквах онех, Моисеевой, Соломоновой и Зоровавелевой, благодатию своею присутствуяй дотоль, донележе ему изволися быть.
Сице бо и в видении Соломону Господь глаголал бяше: освятих храм сей, егоже создал еси, еже положити имя мое ту во веки и будут очи мои ту, и сердце мое во вся дни.
и не сохраните заповедей моих, и повелений моих, и поработаете богом другим и поклонитеся им: изрину Израиля из земли, юже дах вам, и храм сей, егоже освятих имени моему, отвергу от лица моего 145.
но с таковым договором, аще вы, и чада ваша от мене не отступите к богом чуждым; аще же отступите от мене, в то время и Аз отступлю от вас, и отвергу от лица моего храм освященный имени моему.
пред нашествием Навуходоносоровым с силою Халдейскою, о чесом зри в житии святого Пророка Иезекииля, Июля месяца в 21 день; такоже и в пророческой его книге: глава 8, 9, 10.
В церкви Зоровавелем праотцем Христовым обновленной, присутствова Бог благодатию своею до того времени, в нейже Христос Господь наш за ны пострадати изволи.
но и ко кресту руками беззаконных пригвождше убиша: тогда отъятся от церкви их благодать Божия, чесого бе знамение завеса церковная, раздравшаяся на двое, с верхнего края до нижнего.
Ефрем же святой в слове о страдании Господнем и сие повествует: яко раздравшейся церковной завесе, голубь от церкве излете, еже бе знамением отшествия Духа Святого.
на крестную смерть предаша: воскресшу же Христу тридневно от гроба, утаити воскресение его тщахуся, и по вознесении того на небеса не любяху воспоминания имене его, и верующия в онь гоняху.
ниже бе иная во всей земли их, ни во всей поднебесной обреташеся кая церковь, небесному Богу созданная, идолопоклонению тогда всю вселенную обдержавшу, точию, та едина во Иерусалиме.
идеже гордостное их о церкви велехваление возражается от Господа словесы сими: не хощите надеяться в словесях лживых, рекуще: храм Господень, храм Господень, храм Господень есть.
И сказует им Господь, в главе оной, яко дотоль токмо в том их храме имать жити, донележе они имут творити добрая дела; а егда уклонятся в развращение, тогда и храма их и самих их отвратится.
сиесть, не определяется Бог рукотворенными стенами церкве, Сый везде, на небеси и на земли, ниже пригвожден есть к единому коему месту, невместимый небесами, ни поднебесными.
А понеже вы оставите Бога, отвергаете Сына Божия, убо и Бог остави вас, и вашу преславную рукотворенную церковь, глаголя: се оставляется вам дом ваш пусть.
отъемши от нея благодать свою за развращение их и злобу, юже они ему содеяша, и уже тогда не живяше благодатно своею Вышний в рукотворенной церкви жидовстей, яже бе во Иерусалиме.
И вправду глагола в той час к ним святый Стефан: Вышний не в рукотворенных церквах живет, сиесть, не в ваших жидовских, имать же жити в церквах Христианских.
кольми паче живет в самых новоблагодатных, в нихже Тело и Кровь Христова священнодействуется, все Таинства Христианские совершаются, Дух Святой на совершаемые Тайны сходит.
и самого себе под видом хлеба и вина священнодействовав, даде святым своим ученикам и Апостолам, рек: приимите, ядите, сие есть Тело мое; пийте от нея вси, сия есть Кровь моя.
В тойже горнице (по сказанию Синаксаря в среду великую) и ученицы Христовы страха ради Иудейска бяху собрани, и Христос предста им дверем затворенным, и Фому увери.
взыдоша на горницу ону, и бяху терпяще единодушно в молитве и молении, с женами и Мариею Матерью Иисусовою, и с братиею его; в коей горнице и Дух Святой на святые Апостолы во огненных языцех сниде.
И единою проповедию святого Апостола Петра три тысящи душ во Христа вероваша и крестишася: и бяху терпяще во учении Апостол, и во общении и в преломлении хлеба (Тело Христово разумей,) и в молитвах.
В той первой рукотворенной церкви Христианской не жил ли Господь Бог невидимо благодатию своею, идеже и пречистые Тайны Христовы совершахуся, и Мати Божия со Апостолы бяше?
голубь явися бел и пресветел, над главою его летаяй; такожде святому Григорию Акрагантийскому, в Риме ставлену бывшу в епископа, голубь седе на главе его: в тех церквах не живяше ли благодать Божия?
исповеда грехи своя, и прииде к нему глас от образа глаголющь: оставляются греси твои, и абие человек бысть той здрав: сие не бяше ли известным знамением Божия в церкви присутствования?
не можаше внити в церковь со входящими, но невидимою силою отреваема бяше от дверей церковных, якоже о том в житии ея пишется: сие не бяше ли знамением Божия в церкви той пребывания?
приидите ко мн вси труждающиися и обремененнии, и аз упокою вы; таже другий глас: ищите человека Божия в дому Евфимиановом: той глас не бяше ли знамением известным Божия в церкви пребывания?
видь Ангела стояща одесную алтаря, иже входящих в церковь имена писаше, исходящих же прежде отпуста заглаждаше: сие не бяше ли знамением Ангельского в церкви по благодати Божией присутствования?
и небеса отверста, и огнь сходящ со множеством Ангел, и отроча мало верху святой трапезы закалаемо, и кровь его в чашу источаему, о чесом и святый Ефрем в слове своем 86 м пишет.
То все несть ли известным знамением, яко живет Господь Бог тайнами Божественными и благодатию своею в рукотворенных церквах Христианских, и Ангелами своими посещает я?
бывшие и бывающие в церквах святых, яже велегласнее труб вопиют присутствовав Богу в храмах своих, в честь и славу пресвятому имени его созидаемых и освящаемых.
Зде убо яве обличается безумие раскольников, сказующих, аки бы Бог вышний не живет в рукотворенных церквах, и возражается лживое их учение, в церковь входити на молитву не велящее.
се от начатка веры Христианской начашася строити храмы Господни, наченши от Стона, от негоже изыде Христианский закон, от Апостолов, и по них от наследников их, такожде и от царей и князей великих.
Толико просияша Святые не точию по иным странам, но и в нашей России: и ни един когда учил тако, якоже вы учите, еже не входити в храмы Божия на молитву.
святой Петр, митрополит Всероссийский созда церковь в царствующем граде Москве; святой Сергий чудотворец созда церковь в Радонеже; святой Зосим в Соловецком острове, и прочие по прочиим местам. Вы же, о противники,
и яже в церквах мольбы, своя же подклеты и подполия, в няже на молитвы ваша собираетеся, честнее церквей Божиих вменяете, и глаголете, яко Вышний не живет в рукотворенных храмах.
а инако во аде; ибо и во аде Бояшо присутствию быти глаголется, якоже пишется во псалмех: аще сниду во ад, тамо еси, на небе царствуяй, во аде же бесов мучай и муки богопротивником готуяй.
моления и мольбы от верных приемляй: инако же в подклетах и подполиях ваших, гнушаяйся службами вашими, яже совершаете втайне, в противность и в раздор святой его церкви.
яко всяк человек правоверный и поистинне Богу угождаяй, и имеяй того в сердце своем, есть храмом Божиим, по апостольскому словеси: не весте ли, яко храм Божий есте, и Дух Божий живет в вас?
а церкве Божия не бегали, но паче придержалися тоя, якоже о них на конце от Луки святого Евангелиа пишется: и бяху выну в церкви, хваляще и благословяще Бога 161.
знатно убо есть, яко несть в сердцах ваших Духа Божия, и несть в ребрах ваших церкве Божия; но суть ребра ваша вертеп разбойником, жилище нечистым духом прельщающим вы, и в погибель влекущим.
и довлеяше им своя внутренняя церковь по вашему глаголющи: не в бревнах, но в ребрах; жительствующим же во градах и весях при множестве церквей, и чуждающимся тех, како возможно снасение получити?
в правилах поместного собора, иже в Гаггре, правило 5: ,,аще кто учит дом Божий, рекше церковь, преобидети, и нерадити о ней, ни собиратися в ней во время молитвы на пение, да будет проклят. “И правило 6 е:
иже изветом писания оного: Вышний не в рукотворенных церквах живет, чуждаются церквей Божиих, своя же особная соборища в тайных неосвященных храминах совершают.
еже не ходити людем в церковь на соборное пение, глаголюще: Христос велит молитися втайне, в клети затворившися; не подобает убо к церквам ходити молитися, идеже многии собираются на пение.
и на трое, и на четверо, да отсюду и отонуду грядущими людьми видими будут, и яко святии почитаемы, кая их лицемерная молитва не угодна бе Богу, но токмо человеком.
яко да явятся человеком; аминь глаголю вам, восприемлют мзду свою 164, (мзду глаголет, тщетную славу человеческую, то бо лицемерным мзда есть): ты же егда молитися, вниди в клеть свою и прочая.
Се яве есть, чесо ради Господь рече словеса оная; рече, поучая бегати лицемерные притворные молитвы, а не церковные соборные, яже уставами уставлена есть.
по четыредесяти днех от рождения своего принесен бысть пренепорочною материю своею, пречистою Девою Богородицею во Иерусалим в церковь, и прият его на руце свои Симеон старец.
По возвращении от Египта, хождаста (от Назарета) родители Его (пречистая Дева и Иосиф мнимый отец) на всяко лето во Иерусалим в праздник Пасхи; хождаста же к церкви Иерусалимской молитвы ради.
В Матфее, в зачале 85-м: вниде Иисус в церковь Божию, и изгна вся продающия и купующии, в церкви, и глагола им: писано есть: дом мой, дом молитвы наречется, вы же сотвористе его вертеп разбойником.
Се коли ко Евангельских свидетельств о сем, яко сам Христос Господь наш в церковь приходить любяше, како убо возбранял бы иным к церкви приходить на молитву?
Кую их ложь и святой Иоанн Златоуст, в беседе 19 на Матфея, на листу 240-м, обличает, глаголя: вниди в клеть твою: что убо, в церкви, рече, не подобает ли молитися?
Паче же и зело, (помолюся): но правою мыслию, яко не явитися человеком; понеже бо место не повреждает, но мысль и разум, и дело: мнози бо и втайне молящеся, на человекоугодие сие творят. До зде Феофилакт.
Где-либо человек есть всегда внутрь его сердце его, в немже может помышления своя собрав, затворитися вниманием себе, и возвед ум свой к Богу, молитися втайне, аще и посреде людей сущи.
Сице святой Амвросий учит: Спаситель глаголет: ,,вниди в клеть твою, не стенами огражденную, в нейже члены твоя затворяются, но в клеть, яже внутрь тебе есть, в нейже затворяются помышления твоя.
не молится, но празднословить, и молитва его в грех..Лгут убо кривотолки, учащие в вещественных токмо клетях затворяяся молиться, пренебрегая церковь, и яже в той от сердца к Богу моления.
в коем слове поношает народу, яко на святую литургию леняхуся приходити; на поучение же его, по литургии бываемое, со тщанием притекаху оставляюще вся, и друг друга угнетающе.
Множество безчисленное (народа) собранное ныне, и с толиким опасством внимающе глаголемым, в страшнейший же час он (в литургии) множицею поискав видети (вас) не возмогох, и вельми постенах.
многое тщание и протяженное усердие бывает, поревающим вам друг друга, и даже до конца (поучения) пребывающим: Христу же хотящу являться в священных тайнах, тща и пуста церковь бывает.
Прельщавши себе человече: помолиться убо в дому возможно, сице же помолитися, якоже в церкви, не возможно, идеже отцев множество толико, идеже вопиение к Богу единодушно воссылается.
Сего ради и священницы предстоят, яко да народныя молитвы немощнейшия сущи, сильнейших сих (священнических) емшеся, купно совзыдут с ними на небо. До зде Златоуст.
сего ради священнпцы предстоять, да народные молитвы немощнейшие сущи, сильнейших священнических емшеся, купно совзыдут с ними на небо; и виждь, коль есть полезно приходить в церковь на молитву.
любимиче, (сиесть, в час литургии,) не человецы точию вопиют страшнейший оный вопль, но и Ангелы припадают Владыце, и Архангелы молятся: имут бо время пособствующее, приношение помогающее. Якоже человецы,
яко о сих молимся, ихже сам предварив сице возлюбил еси, яко и душу твою дал еси о них: о сих проливаем мольбы, о нихже кровь излиял еси; о сих молим, о нихже тело твое пожерл еси.
во нравоучении 56, глаголет: “ тогда (при Апостолах) и домы церкви быша: ныне же и церковь дом, паче же и дома всякого горшия, и корчмы ничтоже разнствуют, яже у нас церкви.
несть церковь постригальня, ниже миропродавница, ни делательница кая от сущих на торжищи, но место ангельское, место архангельское, царство Божие, самое то небо.
Се яве есть, яко святой той учитель, не пособствует хульником церковным, не церковь бо уничижает, но человеков бесстрашных, неблагоговейно в церкви предстоящих и молвящих.
но уже и в домах не молиться с подобающим Богу от нас пред святыми иконами поклонением благоговейным, еже кланяться телом и главою до земли: но токмо умом в себе молиться.
истиннии поклонницы поклонятся Отцу духом и истиною; и толкуют криво словеса та глаголюще: не подобает кланяться телом и главою в землю: Христос не велит, точию духом, аще и лежа.
И шлются на книгу, глаголемую Евангелие учительное воскресное, в коей книге, в неделю яже о Самаряныне, та словеса Христова толкуются сице: истиннии поклонницы кланяются Отцу не телом, но духом.
такожде и паук приползши, туюжде от того же цвета росу собирает; но собранная ими роса не в единакое существо претворяется: в пчеле бо претворяется в мед, в паук же в яд смертоносный. Сице кривотолки,
от цветов словес Божиих, от них же правовернии и добродетельнии мужие, аки пчелы мед, собирают сладкую души пользу: они от тех же Божиих словес, аки пауки, приемлют вред еретичества.
Но первее предложишь вкратце историю о схисме или разделении между Иудеями и Самарянами, да удобнее в разум вместится препростым невежам то, еже рассмотрети предложихом.
начат быти разделение между племенами Израилевыми, и между Иерусалимом и Самариею, (о чесом пространно писано есть в книгах третьих Царских и четвертых), даже до пленения в Вавилон.
жены ради иноплеменнической, юже поят дщерь князя Самарийского, отгнан быв от алтарного служения, пойде от Иерусалима в Самарию к тестю своему, (бысть же то во дни Александра Великого).
Гаризим именуемой, (при коей на подгории бяше град Сихем, прозванный послежде Сихарь) помощью тестя своего созда церковь по всему подобну Иерусалимской церкви, и бысть тамо первый архиерей.
моляхуся с жертвами небесному Богу, и предпочитаху ту свою церковь паче Иерусалимской, аще потом и идолы в себе имевшую: Антиох бо прозываемый Эпифанис, царь Сирский, поставил бе в ней идола Диа.
и гнушахуся едины других, яко ни ясть им с собою, ни пить, ни беседовать; того ради и жена она ко Христу Господу рече: како ты жидовин сый, от мене пити просиши, жены Самаряныни сущей?
Чесо ради и Христос Господь, снисходя злобному жидовскому нраву, повелел бе учеником своим устранятися Самарян, глаголя: на путь язык не идите, и во град Самарянский не внидите 184.
Пророк глаголет; и другой: Господь от Сиона воззовет, и от Иерусалима даст глас свой; и сам Бог рече: аз Господь Бог ваш, вселяяйся в Сионе, в горе моей святей, и будет Иерусалим свят 187.
(глаголаху жидове) и у нас кланяться и жертвы ему приносить подобает, и несть иного места во всей поднебесной, на житие и поклонение ему избранного, токмо наша Иерусалимская церковь.
и кости Иосифовы, из Египта принесенные, зде положены, по того самого Иосифа заповеди; понеже Иаков, умирая, даде ему в наследие то место. Зде и Иисус Навин,
якоже заповедал бе ему Моисей раб Господень: и написа закон Божий на каменех, и прочте во уши всему сонму сынов Израилевых, и первое зде благослови люди Израилевы.
Зде убо (глаголаху Самаряне) подобает кланяться небесному Богу, и несть иного в поднебесной места, на житие и поклонение ему избраннаго, токмо сия гора и сия наша церковь.
яже суть духовная неведущии, кийждо от них определяху своим местом Бога: овии мняще, яко в их местах токмо живет Бог; овии же, яко в их месте, не ведуще везде сущего и вся исполняющего.
1) Да покажет неправое их о Боге мнение, акибы Бог единым на земли определялся местом, и единым обдержим был храмом; того ради глагола: вы кланяетеся, емуже не весте.
сиесть, и Иерусалимская церковь, о ней же гордятся Иудеи, и ваша церковь, о ней же гордитеся вы, не за долгая времена разорены, и страны ваши опустошены будут, и жертвы ваши престанут.
того ради и Отца воспоминает, да сотворит я чада Богу, и братство между ими устроит, и истинных покажет поклонников от имущих веровать в онь Иудеов и язык.
бывшее по плоти токмо, а не и по духу, того ради глаголет: истиннии поклонницы поклонятся Отцу духом и истиною, а не плотяным токмо поклонением и приносимыми скотскими жертвами.
Аще бо возбранял бы, то не бы приял, в пеленах еще сущи, поклонения всем телом деемого от пастырей, и от трех царей Персидских, иже падше поклонишася ему.
но пришед, возложи на ню руку свою, и оживет; и ученицы Христовы, в корабле бывшии, по избавлении Петра от потопления, пришедши поклонишася ему, глаголюще: воистинну Божий Сын еси. И.
Аще бы возбранял Христос, человеком, еже кланяться телом Богу, не бы сам, в вертоград моляся к Богу Отцу, преклонял колена, и падал на землю, на лице повергался телом в молитве пред Отцом своим.
Аще бы возбранял кланяться, то како бы не возбранил ученикам своим, по воскресении его грядущим в Галилею в гору, им же егда явися, они видевше его, поклонишася ему.
Еще же и на небеси образ поклонения Богу показан бысть святому Иоанну Богослову во Апокалипсисе, в двадесяти четырех старцах, иже падаху пред седящим на престоле, и кланяхуся живущему во веки веков.
Лгут убо кривотолки, новое нечто изобретшии, учащии не кланятися телом, и облыгающии самого Христа, акпбы той не велит кланятися телом, но токмо духом.
глаголемыя Евангелие учительное воскресное, на которую книгу, якоже прежде рехом, шлются кривотолки, акибы учащую не кланяться телом, но токмо духом, и прочтем в той книге толкование.
всяка бо жертва Иудейская сень бяше и проображение истины: истинные же поклонницы кланяются Отцу не телом, но духом, сиречь, не телесными жертвами, но духовными» до зде толкование.
Се смотрите, како та книга сама себе толкует: не телом, сиречь, не телесными Иудейскими и Самарянскими жертвами, но духом, сиречь, духовными Христианскими жертвами.
дабы телом не кланялся человек Богу, но о жертвах ветхозаконных глаголет; то бо бяше ветхозаконный телесный поклон, еже приносити телеса животных, агнцев и тельцев и козлищ на жертву Богу.
Псаломник же глаголет: жертва Богу дух сокрушен; а они с приносимыми жертвами Богу не приношаху духа сокрушенна, того ради поклон их бяше плотян, а не духовен.
паки и паки, колена преклонше, Господу помолимся: а ум дабы мыслию молитвенною небеса проходил, и предстоял Богу; и паки: не духом токмо кланяться, но и телом, якоже святой апостол Павел творяше.
Той, первее к Римлянам пиша, рече: свидетель ми есть Бог, ему же служу духом моим; таже к Ефесеем пишет: преклоняю колена моя ко Отцу Господа нашею Иисуса Христа.
ибо потому и глаголем о добродетельном коем человеке, яко истинный есть раб Божий, егда видим его трудящася в добрых делах, и угождающа Богу житием праведным и преподобным.
сиесть, да кланяемся Богу в Троице единому, Отцу и Сыну и Святому Духу: усердием к Богу, и житием по Бозе, в теплоте духа и в делании истины христианской.
никогдаже слышанное умствование изобретшии, акибы оными вышереченными словесы своими Христос Господь не велит людем, да кланяются ему телом и главою до земли но токмо духом, сиесть умом, аще и лежа.
посадском человеке, Трофиме, что чуждается церкви святой, и не поклоняется иконам святым, прельщен и развращен некими тайными лжеучителями раскольническими.
и толкуяй та неправо, якоже от кривотолков научися: и глагола к нам еретическим лютерскнм и калвинским, купно и жидовским духом от Писания святого. Писано есть:
и паки глаголаше: иконы суть якоже и идолы, дела рук человеческих, уста имут и не глаголют, очи имут и не видят, уши имут и не слышать; подобии им да будут творящии я, и вси надеющиися на ня.
На тая его раскольническая словеса мы смиреннии довольно ответствовавше, увещахом его повинутися святой церкви, и присоединимся оней исповедью, и причащением, и святых икон почитанием.
подобие же то или человеческо или скотско от поган бывает боготворимо, аще и несть Бог, и поклонением с жертвами аки Бог почитаемо: то идол глаголется, и есть образ или подобие ложного бога.
или пречистой Девы Богородицы, или коего святого угодника Божия, праведно и преподобно жизнь свою проводивша, и царствия небесного сподоблена, и со Ангелы ныне водворяющася.
идеже вещь есть зла, душевредна и возбраненна, тамо и икона вещи тоя зла, душевредна и возбраненна: а идеже вещь есть добра, полезна и невозбраненна, тамо и икона вещи тоя добра.
и добры суть рабы его, и зело нам душеполезны: и не точию невозбраненно, но и повеленно нам чтить Господа и святых его, якоже рече Давид: мне же зело честни быша друзи Твои, Боже.
и честных его другов, к ним же глагола Господь: вы друзи мои есте, суть добры, и зело нам душеполезны, и должни есмы почитати я, ведуще, яко честь, иконам творимая, преходить на лице самого того.
Рцы ми, по Иудеех мудрствуяй, коему идолу кланяюся: Артемидину ли, или образу пресвятой чистой Владычицы нашей Богородицы, и приснодевы Марии, Матере Господа нашего Иисуса Христа ?
И кто дерзнет идолослужением нарещи повесть сию, (живописательством изображенную,) и обесчестить страсти Христовы и святых его, или предавших нам святую Божию церковь?
Аполлиново убо подобие, и Артемидино и Диево, идолы сквернии суть: Христово же подобие и пречистой Девы Богородицы, и святых угодников Божиих подобия, иконы святые суть.
Повествуют нецыи, акибы от Серуха, праотца Авраамля, начашася идолы, но несть тако: Серух бо не бе изобретник идолов, но прежде его изобретенных делатель, яко то рукоделье его бе, от коего питашеся.
той бо, по умершем отце своем жалея и тужа, сотвори подобие его истесано, и постави среде града на столпе в память отца своего, и почитать того аки жива людем повеле.
именем Сирофанис, по умершем сыне своем плача и рыдая, и хотя имети отраду печали своей, сотвори идола в подобие сыновне, и над гробом умершего постави, и взирая нань, утешаше мало тугу свою.
к Моисею на Синаи беседуя и закон дая, повеле сотворить кивот завета и храм свидения от опон, яже от червленицы и багряницы: и поставить над кивотом завета два Херувима изваянна от злата.
Идолов убо делать Бог возбрани, рек: не сотвори себе кумира, ни всякого подобия, еже на небеси горе, сиесть, солнца, луны, звезд: ибо тем служити навыкли бяху в Египте Израильтяне.
То скверное идолотворение возбранив Господь, повеле святые иконы святых Херувимов в храме своем святом изобразить, и в чести та, а не в презрении имети.
спасения себе вечного нечаявшие, ниже ведавшие, есть ли по жизни сей иная жизнь: человецы прельщенные от бесов, волхвованиям вдавшиися, скверное житие проходящие, тии идолопоклонники бяху.
и окружающе того, поклоняхуся небесному Богу, поклоняхуся же пред кивотом завета, и пред Херувимами над кивотом устроенными, и иже на опонах изображенными, почитающе тыя яко святые иконы.
образу и стени служат небесных, (сиесть, Херувимским изображениям,) якоже глаголано бысть Моисею, хотящему сотворить скинию: виждь бо, рече, (Бог) сотвориши вся по образу показанному ти на горе.
но и в благочестие велие поставляшеся, и слава Божия осияваше я, и Бог чрез Ангела своего отвещаваше им от скинии, глаголемой Святая Святых, по второй завесе бывшей.
И Соломон, созда в храм Богу, и Херувимами златыми того украсив, егда ста пред лицом алтаря Господня, и воздвиг руце свои на небо моляшеся; не пред Херувимскими ли изображеньями моляшеся?
Но и пречистая Дева Богородица, в детстве своем воспитываема сущи во Святая Святых, и по второй завесе во дни и в нощи молившаяся, не почиташе ли бывших тамо Херувпмеких изображений?
Кланялся убо пред тиши, не веществу алтарному, ни кивотному, ни херувимскому кланяшеея, но от веществ зримых возвождаше ум свой к невидимому Богу; оная же вещества яко святыню Божию почиташе.
Якоже и мы ныне творим пред святыми иконами молящеся, не веществу иконному зримому покланяемся, но к невещественному невидимому умом взираем; иконы же святые яко святых изображения почитаем.
1) Яко идол несть Бог, но идол, ничтоже сущ, якоже глаголет Апостол: вемы, яко идол ничтоже есть в мире, и поклонение идолом бяше нечестиво и богомерзко.
4) Яко в праздники идольские, в храмех их, прескверная деяхуся беззакония: объядения, пиянства, блудодейства, яве без стыда творимая, и человекоубийства.
насытишася сынов, и оставиша останки младенцем своим, сиесть, от мяса сынов своих, на жертву бесом закланных и испеченных, отцы и матери, сами ядше, оставляху останки прочиим своим младенцем.
и погребение, и воскресение, и на небеса вознесение, еже мы воспоминающе, вземлемся на благодарение велие, и в любовь Божественную распаляемся, и поклоняемся ему смиренно пред иконою его святою.
приводит нам в воспоминание пречистое и пресвятое ея житие, како действием Святого Духа воплотила во утробе своей Божие слово, и пребысть пред рождеством Дева, в рождестве Дева и по рождестве Дева.
Како стояше рыдающи при кресте, и взирающи на толикое его за род человеческий страдание, и снятого с креста слезами омываше, и плащаницею обвита положи в гробе.
и како очима своима проводи возносящася на небо, и како во успении своем преселися к Сыну своему и Богу, и предста одесную престола его, и о нас грешных ходатайствует. То воспоминающе,
любовию к ней и к Сыну ея, нашему же Богу возводим сердца наша, и умиляемся, и усердствуем к житию чистому и святому, и в надежде укрепляемся, яко имамы о себе к Богу ходатаицу многомощную.
Иконы прочиих угодников Божиих, егда на ня со вниманием взираем, приводят нам в воспоминание житие их богоугодное, подвиги и труды, и нас к подражанию тех поощряют.
носящия младенца предвечного Господа нашего Иисуса Христа на руку своею, и другие две иконы Богородичны написав, принесе их к Матери Господней, аще угодно ей.
Такожде и святых верховных апостол Петра и Павла изображенья тойже Лука святой на досках написа, и от него по вселенней то доброе и пречестное дело писания икон святых начатся.
Воспомянул есть и Дамаскин святый о Лукином иконописательетве, глаголя: зри ми и благовестника и апостола Луку, не пречистой ли приснодевы Марии честную икону написа, и к Феофилу отпусти?
Пишет о том Георгий Кедрин историограф Цареградский в Синопсии о Юлиановом царстве; и Никифор Каллистов в книге 10-й, глава 30; и Ермий Созомен, книга 5, глава 20.
якоже о том в Деяниях Апостольских повествуется, идеже писано есть: яко и на стогны износити недужныя, и полагати на постелях и на одрех, да грядущу Петру, поне сень его осенит некоего от них?
такожде и во многосложном Свитце пишется о иконе пречистой Девы Богородицы, яже во дни ея, в церкви от святых апостол Петра и Иоанна в Лиде созданной, на столпе невидимою рукою изобразися.
От сих истинных церковных повествований яве показуется, яко в первенствующей церкви от Христа Господа и от Апостол святых предано есть иконное церквам украшение и благочестное тех почитание.
в Вирите от жидов поруганной и прободенной, кровь источившей: кое слово зри в Прологе, месяца октября, в 11 день; и в Минеи Четии печатной, тогоже месяца и дня, лист 179 на обороте и 180.
имущия Божественного младенца во объятиях, и повеле молиться к ней: и сподобися Екатерина дивного видения, и перстень от Христа Господа во обручение прият чувственно.
иногда же к святому Феодору в Евханту, овогда же ко святой Фекле по Иcаврию Селевкийскую, иногда же к святому Сергию в Сарафас, овогда к тому, иногда же к иному святому хождаше.
Исходя убо из келлии, устрояше кандило пред иконою, и возжигаше е, и помолився исхождаше; возвращался же от пути, обреташе кандило не угасшо, аще и долго умедлеваше в пути.
в нюже первее внити не можаше, отрывающей ю невидимой силе от дверей церковных, и паки пред тоюже иконою помольшися, прият Божественную помощь ко исправлению жития своего, и отъиде в пустыню.
молящися пред иконою пречистой Богородицы, получи исцеление; рука бо его отсеченная к составу своему приложена бывши, присоединися, якоже бе и первее, и оживе, и книги полезные церкви написа.
святой Сильвестр Папа Римский, икону святых верховных Апостол Петра и Павла царю Константину Великому, больну бывшу и еще не крещенну, показа, и позна царь явльшияся ему в сонном видении Апостолы.
в руце его держимым, и в едином часе невидимо бысть то иконное на доске писание, токмо самая доска без иконы зряшеся; и по часе паки явися икона на доске со окровавленным копием.
и знаменавше время правоверные Христиане, обретоша, яко в той самый час, в оньже икона мученикова невидима сотворися, Юлиан невидимою рукою и невидимым копием прободен и убиен бысть.
иконного почитания ненавидяй попремногу, якоже то видети есть в Лимонаре, в главе 45, идеже пишется сице: бе некий затворник в горе Елеонстей, иже борим бяше от беса блудного.
и глагола: кленися мне, да никомуже повеси, еже аз реку ти, и потом не борю тя; и клятся ему старец, глаголя: тако ми живущего в вышних, яко никомуже реку, еже ми повеси.
Бе же образ Владычицы нашей пречистой Девы Марии Богородицы, носящия на руку Господа нашего Иисуеа Христа; и глагола к бесу затворник: остави мя, да размышлю.
глаголю же ти: легчайше тебе есть не оставить в граде, аще в кой внидеши, ни единого блудилища, неже да отвержешися кланяться образу Господа нашего Иисуса Христа и пречистой его Богоматери.
и Святыми отцы приятыя, яве показуется, коль ненавидит сатана благочестного икон святых почитания: убо и раскольники, единого с сатаною совета сущии, ненавидят икон святых, и не почитают и хулят.
ложным пророчеством и волхвованием обещаша ему четыредесят лет пребывания и господствия над Аравляны, аще от церквей Христианских по всей области своей святые иконы изметнет и погубит.
На его же месте седши сын его, хотяше жидов оных лютою погубитн смертию, яко ложных пророков и волхвов; они же, ощутивше на ся гнев княжий, и смертной казни убоявшеся, бежаша в Исаврию.
емуже имя Лев, (сице он послежде прозвася, а от рождения имя ему Конон), возрастом велик и красен, иже при томжде источнице восхотев почити, совратися с пути, и седе с теми жидовскими волхвы.
яко имать быть царем в Греции; он же всячески отрицашеся, неудобну вещь мня быти, видящи себе худородна, и проста, и нища, едва питатися, и то от худого некоего рукоделия, (каменосечец бе) могуща.
Но волхвы крепляхуся, глаголюще, яко имать быти царем, точию единого от него искаху дара таковаго, да обещает им с клятвою, яко егда приимет царство, сотворити имать им то, чесого они воспросят.
И посем вскоре юноша той от Сисиниа патрикиа в воинский чин вписан, не в долзем же времени спафарием учннен, таже от Феодосия царя воеводою на востоке поставлен бысть.
Жидове бо тии, иже волхвованием своим прорекоша ему царство, пришедше к нему, молнша его, да иснолнит обещание свое, яко с клятвою обеща им сотворить то, чесого воспросят. Вопрошающу же царю,
они, врази суще Христу и Христианскому благочестию, не просиша злата, ни сребра, ни иных коих сокровищ, но да изметнет от церквей святых иконы святые, и глаголаху: аще сие сотворити, о царю!
и абие яве даде заповедь, да святые иконы от храмов Божиих, и от всех жилищ человеческих изметаемы и попираемы будут, нарицающе их идолами, и поклоняющихся им идолопоклонниками именующе.
И бысть смятение велие Христовой церкви: иные бо повиновахуся заповеди царской, и попираху честные иконы, другие же крепко сопротивляхуся, и многия муки страдаху.
По кончине Конона или Льва Исаврянина, наста на царство сын его Константин Копроним, злого корене злейшая отрасль, той горее церковь Божию смутил бе, гоня и люте убивая правоверных.
на коем соборищи злочестивии нарекше иконы святые идолами, проклятию предаша всех поклоняющихся святым иконам; но соборище то еретическое потом упразднено бысть.
о лете по рождеств Христовом 787, на коем собор упраздниша Святии отцы оное преждебывшее соборище еретическое иконоборное, и проклятию то предаша, благочестивое же святых икон почитание утвердиша.
погибла бе ересь иконоборная от востока и запада, даже до лет Лютера и друга его Калвина, иже по тысящи и пяти стех от рождества Христова летех, начата своя ереси рассевать и отметать иконы святые.
Таже в наша лета в Российском царстве, воставшим многим раскольщиком и расколам, произыде от тех и сия ересь, еже не почитать иконы святые, но в идолы я вменать.
Да смотрят убо нынешнии раскольничествующие иконоборцы, от кого они произыдоша; и наченше отселе, аки по лествице да восходят по именам предводителей и учителей своих.
от Конона или Льва Исаврянина, от жидов, и от самого сатаны, иже требоваше от затворника Елеонского, да не поклоняется икон пречистой Девы Богородицы, младенца Христа во объятиях имущия.
и глагола, яко заповеда Бог не сотворити кумира, ни всякого подобия; тогда Архиерей вопроси его: потопу бывшу во дни Ноевы, которым образом он спасеся?
аще и бездушны суть, обаче прикладны суть нашему спасению; на них бо взирающе, возводим ум наш к первообразному, и вземлемся в Божественное желание и богоугодную ревность.
шарами написуем, человечества его пречистое изобразующе подобие; и в сени телесного подобия покланяемся вкупе и Божеству его, и чтим в нем подобающим поклонением равно Отца и Святого Духа.
Эрван же, еще хуля святые иконы, глаголаше: чуждуся баснем вашим Христианским, глаголющим, яко подает Бог благодать свою иконам, иже на стенах и досках написанным, ниже когда ходившим, ни вещавшим?
Архиепископ сопротивно вопроси: повежд ми, Эрване, почто Бог даде милоти Илииной благодать свою, еяже не даде Елиссееви, и предпочте милоть мертву паче Пророка жива?
ихже бо вод Иорданских Пророк о себе прейти не возможе, тыя милотию раздели и прейде по суху; и которого чудеси живый Елиссей не содела, то содела мертвая милоть.
Но и Моисею, чудеса деющему в земле Египетской, почто не ему, но жезлу его влия Бог чудотворения силу, и тем воды в кровь претвори, море пресече, и ина ужасная и преславная содела?
и скрижали, и жезл Ааронов, и трапеза, и кадильница, и свещник, вся та не имеяху ли великой Божией благодати, аще и мертва бяху, и от видимых и осязательных вещей руками человеческими сотворенна?
обаче славою Господнею бяху осияваема, облаком исполняема и окружаема, и кроме священников и левитов невходна, ниже прикасаема, яко Божественна и свята.
Паки Эрван: пишется в псалмах: идоли язык сребро и злато, дела рук человеческих 232; и иконы убо ваши идолы суть, яко рук человеческих дела. Архиепископ:
и вы тожде сотвористе, поклоньшеся истуканным, и пожросте сыны своя и дщери своя бесовом, пролиясте кровь неповинную, кровь сынов ваших и дщерей, яже пожросте истуканным Ханаанским, то суть идолы.
бесы от человек отгнаша, ихже кончина честна и память хвальна и вечна, честна бо пред Господем смерть преподобных его, и память праведного с похвалами, и в память вечную будет праведник.
Паки Эрвану блядословящу, яко ничимже разнствуют иконы от идол, архиепископ глагола: одежда твоя, Эрване, и сень свидения, обоя от волны и льна сущи, равные ли суть обоя силы?
яко ино есть идол – образ лица пагубного и во аде погруженного; а ино есть икона святого угодника Божия, яко от тоя изливается нам благодать Господня молитвами на ней изображенного.
Глагола же Эрван и о Ангелах, яко суть бесплотны по писанному: творяй Ангелы своя духи; обаче Христиане не срамляются на иконах я писати, и духов плотски образовать.
Аще убо вы бестелесная естества изобразивше почтосте; то почто нас укоряете изображающих и почитающих лица тх святых мужей, иже во плоти Богови благоугодиша?
