ко испытанию, учение их, еже они, врази суще церкве Христовы, исходяще от Брынских сатанинских гнезд, сеют между правоверными по градах и весях отай, яко плевелы посреде пшеницы.
еже видети есть от Деяний Апостольских, от главы 15, идеже пишется сице: служащим им Господеви, и постящимся, рече Дух Святый: отделите ми Варнаву и Савла на дело, на неже призвах их.
(к церкви Антиохийской) с возлюбленныма нашима Варнавою и Павлом, человекома предавшема души своя о имени Господа нашего Иисуса Христа: послахом убо Иуду и Силу, и тех словом сказующих таяжде.
Церкви у них несть; печать дара Духа Святого, при крещении миропомазанием подаваемую, отвергоша, нарицающе то антихристовою печатию, и прочиих таинств Духом Святым навершаемых не имеют.
Не имуще же таинств, не имут Духа Святого, на таинства сходящего; не имеюще же Духа Святого, не поставляются, ниже посылаются на проповедь и учительство от него.
Учение неложное есть то, еже происходит от уст учителей искусных в Божественном Писании, и благоразумия учительского исполненных, ведущих Писания святого силу, и толковати е право могущих.
но и в Писании Божественном неискусни, ни ведущии того силы, ни толковати могущии право, но весьма простые мужики, в коих учителех их многии суть, иже ни азбуки ведят. Не токмо же тии,
жены в церкви да молчат, не повелеся бо им глаголати (сиесть учити), но повиноватися: и паки: жена в безмолвии да учится со всяким покорением; жене же учити не повелеваю.
Добре святой Анастасий Никейский, такоже и святой Иоанн Златоуст глаголют: велико есть зло, еже не ведети Писания, и аки скоту несмысленну быти; бесчисленная бо злая рождаются от неведения Писаний.
А которые в них умеют читать и писать, коим малая некая заря разумения во ум блисну, те себе в великие богословцы ставят, и учителями веры своей непреодоленными быть горделиво высокоумствуются.
имже тайны Божественного Писания откровенны суть, имже совершенный свет разума возсия; тех они нарицают еретиками, заблуждшими, пути истинного неведущими.
Слепые видящим глаголют: не видите вы; и заблуждшие ходящим по истинному пути сказуют: неправо ходите вы; и глупые разумным досаждают: ничтоже весте вы.
той ли, иже токмо читать книгу умеет, мало же разумеет читаемое, или той, иже не токмо читать, но и совершенно разумети весть, и глубину Божественного Писания постигает?
Слышу же некиих глаголющих: Христос Господь некнижных Апостолов собра, простых, неученых, не от книг призва их к себе, но от рыбарския сети, а весь мир теми просветил и научил.
и Писание знати даде им, егда же просвети их ум к разумению Писания, и Духа Святого наполнил их, и странными языки глаголати научил: тогда посла я во вселенную проповедать Божие слово.
Вы же, о Брыняне, неученнии учители, некнижнии мудрецы, рцыте нам, когда со Христом ходисте, когда Духа Святого во огненных языцех приясте, когда странными языки глаголати научистеся, якоже Апостолы?
сан учительский на ся восхищающии, имже довлело бы учениками, а не учительми быть, и от церковных правоверных учителей учиться, а не самим иные учить и изобретать себе новые различные веры.
иже бы был не токмо в Божественном Писании искусен, но и житием непорочен, якоже пишет к Тимофею Павел апостол: образ буди верным, словом, житием, любовию, духом, верою, чистотою.
Раскольнических же учителей каково житие, Бог весть, мы не исследуем; обаче единого их учителя, нарекшагося апостола, разум и подвиг, якоже от иных писано обретохом, зде воспомянем.
в книгохранительнице, обретается книжица писменная, глаголемая Обличение на Соловецкую челобитную, юже сочини в Сибири некий Юрий серблянин, при архиереи Сибирском преосвященном Корнилии.
И некогда у мене Лазарь с гостьми седя, нача проповедати басни и загадки бабия, како-де некая баба, хотя помладети, на пути нага раком ползаше, и прочая.
и меж прочими речами (глаголет Юрий) приведох ему Августина, западного учителя, речь сию: извне церкве и в раздоре может человек вся святости имети, единого токмо спасения не может имети.
А Лазарь на то противным разумом отвещал: какова убо польза Никону и его единомысленником, аще и архиерейство имеют и вся святыни, а спасения не могут имети?
Отвещах ему: святейший Никон не отступила от церкве; но ты, отче, отлучавши себе от нея, ты делаеши раздоры, и тебе вяжет речь Августинова. Толико о Лазаре.
того ради аз не по злобе, но по братской любви ко искренним припоминаю о том дивием апостоле оно, о чесом есть свидетель сей град, и не чиню ему в том обиды, и не поношу того без причины всуе.
ему же хотят вси вверити души своя, и на его мысли свое назидать спасение, и по его науке всю Апостольскую церковь осуждать.” До зде от книжицы Юрия серблянина.
Нам же от тоя повести яве известися разум учителя и апостола оного раскольнического Лазаря, в срамотных баснях (а не в святом Писании) искусного, и подвиг его бражнический уведася.
проповедуемое со всяким дерзновением невозбранно; а которое учение втайне, в местах сокровенных кроющися сказуется, то учение несть истинно, но подзора о лжи исполненно.
ниже лицу нашему явитися смеюще; и якоже нетопыри (мыши крылатые) от света дневного по щелях, сице они в тайных местах, от нас хоронящеся, учат, или паче рещи, прельщают простой народ.
Учение истинное должно никаковыяже лжи в себе имети отнюд: аще же в коем учении обретается ложь, то учение не может нарещися учение истинное, но ложное.
и аки бы уже настоит время второго страшного Христова пришествия и дне судного, и по вся нощи чают того, и ждут нецыи от них, возжегше свещу, и не спяще даже до петелева глашения.
Знамения пришествия антихристова и кончины века, яже книжица повелением великого Государя печатана на Москве, в лето от сотворения мира 7212, от рождества же по плоти Бога Слова 1705.
противу обретающихся в Епархии нашей раскольников и учителей раскольнических, кроющихся от нас по домех развращенных ими, и втайне зловерия своего плевелы меж простым народом сеющих.
о Вавилоне, и о Христовом втором пришествии умствование и учение есть ложно по всему, сиесть, от рассмотрения всех окрестностей в Писании святом зримых, и у толкователей святого Писания показуемых.
Образне или уподобительне, по примеру то именование антихрист многим обще есть: по существу же, самою вещию и делом, единому токмо антихристу, на скончании мира приити имущему, свойственно есть.
якоже и в Ветхом Завете, Саул царь Израильский зовом бе христос от Давида, рекшего: не буди мне воздвигнути руку мою нань, яко христос Господень есть сей, си-есть, помазанник Господень есть сей.
Сын Божий, уподобительне всем Христианам есть обще; всяк бо верный может (якоже и прежде рехом) именоватися сыном Божиим по благодати, самому Богу глаголющу: вы будете Мне в сыны и дщери.
противные Христу и правде Его, и ныне суть, якоже святой Иоанн Богослов глаголет: дети, последняя година есть, и якоже слышасте, яко антихрист грядет, и ныне антихристи мнози быша.
ныне же не исповедуют Турки, Татары, и тииже жидове, и елицы суть в поднебесней не знающии Бога,) Божий несть: и сей есть антихристов, о немже слышасте, яко грядет, и ныне в мире есть уже.
разумети есть (по толковников сказанию), яко бяше не в своем си лице, но в предитечах своих, каков бе Симон волхв, нарекий себе Христа быти, и прочие тому подобные антихристовы предитечи.
действоваше тогда, и ныне действует в своих предитечах; и сего ради глаголашеся тогда, и ныне глаголется быти уже антихристу в мир уподобительне, а не существенне.
и бесам себе вдавшие, и с теми противная Христу творящие; суть и гонители церкви Христовы, якоже Агаряне; суть и уклонившиеся в различные ереси, якоже иноверцы и Брыняне.
Всяк бо противляяйся святей церкви, Христу противится; гоняй Христову церковь, Христа гонит; хуляй православные догматы веры и предания церковные, Христа хулит, и есть антихрист уподобительне.
всяк град беззакония исполненный Вавилоном наречен быти может: существенне же, един токмо Вавилон град, в Писании воспоминаемый обретается, иже в Халдеи, в немже и Персидского царства престол бяше.
владычица чаровников и волхвов; и ветхий Иерусалим (в пророчестве Иеремиином Вавилону в блудех уподоблен), лице ти бысть блудниче; и старый же рим Вавилоном в послании Петрове нарицается.
Вавилоном нарицается: господственне же или существенне един есть Вавилон Халдейский, иже и Персидский, в немже царь Кир Персянин по Дарии Мидском начал бяше Персидскую монархию.
и открыется человек беззакония, сын погибели, противник и превозносяйся паче всякого глаголемого бога, или чтилища, якоже ему сести в церкви Божией аки богу, показующу себе, яко бог есть.
О котором человеце сия глаголет Апостол святой, извествует неложный свидетель, толковник Павловых посланий, святой Иоанн Златоуст, глаголя: о антихристе зде беседует, и велия открываете тайны.
яко соблазнити, аще мощно, и избранныя 103, и человека греха нарицает и; безчисленная бо соделает (злая), и приуготовить иных, да делают лютая, сына же погибели глаголет и, зане и той погибнет. Кто же есть сей?
и святый Андрей, архиепископ Кесарии каппадокийской, в толковании на Апокалипсис в слове 7, сказуют и то, от коего рода антихрист имать востати, яко от Данова племени, еже в еврейском роде.
Святой же Ефрем в вышереченном своем слове, такоже и святой Иоанн Дамаскин и сие сказуют: яко имать родитися не от честного супружества, но от блуда, от жены, блудом растленной.
Зде всяк правоверный здравым разумом суди, кому лучше веру яти: Брынским ли лжеучителем, сказующим не быти самому по существу антихристову пришествию, но токмо мысленне тому царствовати?
и священномученику Ипполиту, и Андрею архиепископу, и преподобному Ефрему и Иоанну Дамаскину, сказующим всячески быти антихристу, и племя того извествующим и образ рождения его являющим?
о немже Христос Господь наш во святом Евангелии рече: он человеко-убийца бе искони, и во истине не стоит: яко несть истины в нем: егда глаголет лжу, от своих глаголет, яко ложь есть, и отец лжи.
Глаголют, паче же блядословят раскольничествующии Брыняне, акибы антихрист царствует на Москве, и нарицают царствующий град Вавилоном, бесчестно того укоряюще.
в немже аще кая яве беззакония деются, Вавилоном мысленне по уподоблению нарицается; и душа грешная Вавилоном нарицаема есть, якоже и Иерусалимом праведная.
И Брыня, мнящаяся быти святая, не безгрешная же: свидетельствуют бо брюха возвращающихся оттуду девиц и жен и стариц нестарых, Вавилоном вправду нарещися может.
(а не в Российской), над рекою Евфратом (а не над рекою Москвою) стоящего произыти подобает, отнюдуже и Немврод столпоздатель, первый в поднебесней мучитель, начат владетельство свое распростирати.
и паки в слове 17 глаголет: антихрист от восточных стран Персския земли, идеже колено Даново, от корене Евреов исходящий, с инемн царьми Евфрат прешед, и прочая.
Убо не о Московском мысленном, но о самом существенном Халдейском, иже и Персидском (бывшем) Вавилоне во Апокалипси писашася: убо и антихристу от оного Вавилона произыти будет, а не от Москвы.
яко воцарится он во Иерусалиме, в нем же издревле бяше царство Иудейское, еже он обновить, и храм по подобию Соломонову на том же месте, на нем же и Соломонов бе, созиждет, и яко бог в нем сядет.
А антихристова царствования святой Ипполит и все прочии отцы Святые сказуют, яко полчетверта лета токмо будет, елико и Христос Господь наш на земли явивши себе мирови проповеда.
яко имать творити дела дивная: попущением бо Божиим, пособием же демонов, имать деяти чудеса великая на прельщение человеков, яже чудеса будут не истинные, но мечтательные, привиденные.
сведет огнь с небес; сотворит день тьму, а нощь день; солнце бо преобратит аможе хощет, и луну такожде; и вся стихии, землю и море силою мечтаний своих, пред зрящими покажет послушны«. И паки:
Вся бо Писания ветхая и новая учат, и вси толковники и учители утверждают, яко день судный не прежде антихристова пришествия и царствования, но по царствовании и пагубной кончин того имать быть.
Како убо они не стыдятся лгать, аки бы уже настоит время и день Христова пришествия, антихристу еще не пришедшу и летам царствований оного трием и пол не исполнившимся?
идеже Ангел Даниилу царствования антихристова, сказавши число дний сие: 1290, (от коих полчетверта года составляется) приложи рещи: блажен терпяй и постигий в дни 1355117.
и ко исходу быть готову, то нам страшный суд комуждо свой, прежде общего всем суда страшного, а о самом времени самого страшного дне судного не испытывать. Довлеет веровать,
яко будет, и яко близ есть, а не уже настоит; а когда будет, о том не любопытствовать, но слушать словес Господних глаголющих: о дни же том и часе никтоже весть, ни Ангели небеснии 118.
в главе 3, написана суть словеса сия: несть во время сие начальника, ни Пророка, ни вождя, ни всесожжения, ни жертвы, ни приношения, ни кадила, ни места, еже пожрети пред Тобою и обрести милость.
и глаголют, яко в нынешнее настоящее время несть уже жертвы, ни приношения, церкви не церкви, архиереи не архиереи, попы не попы, литургия не литургия, жертва не жертва.
Того ради, яко Иерусалим тогда бе от Халдеев разорен, и уже не бяше в них начальника и вождя; понеже Седекиа, царь Иерусалимский ят, ослеплен, путы железными окован и в Вавилон отведен.
и уставил есть жертву безкровную, под видом хлеба пречистое свое тело, под видом вина пречистую кровь свою, повелев священнодействием то совершати, рек: сие творите в мое воспоминание 121.
по Апостолех учители, святители, священники едини по друзех, и до нас дойде тойже святительского и священнического чина жребий, и по нас до скончания века будет.
глаголя: братие, аз приях от Господа, еже и предах вам, и прочая; таже глаголет: елижды аще ясте хлеб сей, и чашу сию пиете, смерть Господню возвещаете, дóндеже приидет.
и всемощным его повелением дондеже приидет, бывает.» Се яве от Апостола и от Дамаскина свидетельствуется, яко жертва священная совершатися будет даже до второго пришествия Христова, дóндеже приидет.
архиереи и иереи, и прочии духовного чина лица; есть и жертва, по вся дни литургисанием совершаемая; суть и места; еже жертву приносить: храмы Божии повсюду, аможе православное Христианство обитает.
и не собудутся словеса апостольская; глаголет бо святой Ефрем: восплачутся тогда церкви Христовы вся плачем великим, зане не будет службы святой во алтарях, ни приношения?
и престанет приношение; глаголет бо: ,,Священныя церкви яко овощное хранилище будут, и честное тело и кровь Христова во днех оных не имать явитися, служба угаснет.» До зде Ипполит.
ибо тойже святой Ефрем в том же своем слове сказует, яко будут мнози обретаеми тогда угодни Богу, и могущие спастися в горах, и в холмах, и в пустых местех, во многих молитвах и плачах бесчисленных.
Святой же Бог, видя их тако в печали бесчисленней, и в вере святой, помилует их яко отец чадолюбив сердцем, идеже будут крытися. И паки ниже: мнози убо святии,
со слезами молящеся день и нощь, со многим смирением; и дастся им помощь от Бога, и наставит их в места нарочита, и спасутся крыющеся в пропастех (земных) и в вертепех” До зде святой Ефрем.
святого, верховного, апостола Павла, учителя языков, до третьего небеси восхищенна бывша, и на того словесах утверждатися паче, неже на Ипполитовых и Ефремовых.
Святые суть сии, но той святейший, от самого Христа зван бывый, вселенную протекий, бесчисленныя болезни и труды подъемый, и главу свою за Христа мечным усечением положивый.
Сбудутся словеса сих, яко престанет жертва в церквах яве; сбудутся и Павлова, яко не престанет жертва, дóндеже Господь приидет, не престанет же, якоже рех, в пустынях и горах и вертепах земных.
