Сыном Кореовым, псалом песни.
1	Основания его на горах святых: любит Господь врата Сионя паче всех селений Иаковлих.
2	Преславная глаголашася о тебе, граде Божий.
3	Помяну Раав и Вавилона ведущым мя: и се, иноплеменницы и Тир и людие Ефиопстии, сии быша тамо.
4	Мати Сион речет: человек и человек родися в нем, и Той основа и Вышний.
5	Господь повесть в писании людий и князей, сих бывших в нем.
6	Яко веселящихся всех жилище в Тебе.