Ce texte est disponible dans d'autres langues :
В конец, в песнех о осмем, псалом Давиду.
1 Господи, да не яростию Твоею обличиши мене, ниже гневом Твоим накажеши мене.
2 Помилуй мя, Господи, яко немощен есмь: изцели мя, Господи, яко смятошася кости моя,
3 и душа моя смятеся зело: и Ты, Господи, доколе?
4 Обратися, Господи, избави душу мою, спаси мя ради милости Твоея:
5 яко несть в смерти поминаяй Тебе, во аде же кто исповестся Тебе?
6 Утрудихся воздыханием моим, измыю на всяку нощь ложе мое, слезами моими постелю мою омочу.
7 Смятеся от ярости око мое, обетшах во всех вразех моих.
8 Отступите от мене, вси делающии беззаконие, яко услыша Господь глас плача моего,
9 услыша Господь моление мое, Господь молитву мою прият.
10 Да постыдятся и смятутся вси врази мои, да возвратятся и устыдятся зело вскоре.
← Précédent Fin
6-ème
psaume
Suivant →
Vous pouvez sélectionner un verset en cliquant sur son numéro. Fonctionne
Shift
et
Ctrl