Văn bản này có sẵn bằng các ngôn ngữ khác:
В конец, да не растлиши, Давиду в столпописание.
1 Аще воистинну убо правду глаголете, правая судите, сынове человечестии.
2 Ибо в сердцы беззаконие делаете на земли, неправду руки вашя сплетают.
3 Очуждишася грешницы от ложесн, заблудиша от чрева, глаголаша лжу.
4 Ярость их по подобию змиину, яко аспида глуха и затыкающаго уши свои,
5 иже не услышит гласа обавающих, обаваемь обавается от премудра.
6 Бог сокрушит зубы их во устех их: членовныя львов сокрушил есть Господь.
7 Уничижатся яко вода мимотекущая: напряжет лук свой, дондеже изнемогут.
8 Яко воск растаяв отимутся: паде огнь на них, и не видеша солнца.
9 Прежде еже разумети терния вашего рамна, яко живы, яко во гневе пожрет я.
10 Возвеселится праведник, егда увидит отмщение: руце свои умыет в крови грешника.
11 И речет человек: аще убо есть плод праведнику, убо есть Бог судя им на земли.
← Lùi Kết thúc
57
thánh thi
Tiến →
Có thể chọn câu bằng cách nhấn vào số của nó. Hoạt động
Shift
và
Ctrl