Այս տեքստը հասանելի է նաև այլ լեզուներով՝
В конец, псалом Давиду.
1 На Господа уповах, како речете души моей: превитай по горам, яко птица?
2 Яко се, грешницы налякоша лук, уготоваша стрелы в туле, состреляти во мраце правыя сердцем.
3 Зане яже Ты совершил еси, они разрушиша: праведник же что сотвори?
4 Господь во храме святем Своем. Господь, на небеси престол Его: очи Его на нищаго призираете, вежди Его испытаете сыны человеческия.
5 Господь испытает праведнаго и нечестиваго: любяй же неправду ненавидит свою душу.
6 Одождит на грешники сети: огнь и жупел, и дух бурен часть чаши их.
7 Яко праведен Господь и правды возлюби: правоты виде лице Его.
← Նախորդ Ավարտ
10ը
սաղմոս
Հաջորդ →
Ընդգծեք հատվածը՝ սեղմելով դրա համարի վրա։ Գործում է
Shift
և
Ctrl