1	שִׁיר הַֽמַּעֲלוֹת מִמַּעֲמַקִּים קְרָאתִיךָ יְהוָֽה ׃
2	אֲדֹנָי שִׁמְעָה בְקוֹלִי תִּהְיֶינָה אָזְנֶיךָ קַשֻּׁבוֹת לְקוֹל תַּחֲנוּנָֽי ׃
3	אִם ־ עֲוֺנוֹת תִּשְׁמָר ־ יָהּ אֲדֹנָי מִי יַעֲמֹֽד ׃
4	כִּֽי ־ עִמְּךָ הַסְּלִיחָה לְמַעַן תִּוָּרֵֽא ׃
5	קִוִּיתִי יְהוָה קִוְּתָה נַפְשִׁי וְֽלִדְבָרוֹ הוֹחָֽלְתִּי ׃
6	נַפְשִׁי לַֽאדֹנָי מִשֹּׁמְרִים לַבֹּקֶר שֹׁמְרִים לַבֹּֽקֶר ׃
7	יַחֵל יִשְׂרָאֵל אֶל ־ יְהוָה כִּֽי ־ עִם ־ יְהוָה הַחֶסֶד וְהַרְבֵּה עִמּוֹ פְדֽוּת ׃
8	וְהוּא יִפְדֶּה אֶת ־ יִשְׂרָאֵל מִכֹּל עֲוֺנֹתָֽיו ׃