Αυτό το κείμενο είναι διαθέσιμο σε άλλες γλώσσες:
1 מִזְמוֹר לְאָסָף אֱ‍ֽלֹהִים נִצָּב בַּעֲדַת ־ אֵל בְּקֶרֶב אֱלֹהִים יִשְׁפֹּֽט ׃
2 עַד ־ מָתַי תִּשְׁפְּטוּ ־ עָוֶל וּפְנֵי רְשָׁעִים תִּשְׂאוּ ־ סֶֽלָה ׃
3 שִׁפְטוּ ־ דַל וְיָתוֹם עָנִי וָרָשׁ הַצְדִּֽיקוּ ׃
4 פַּלְּטוּ ־ דַל וְאֶבְיוֹן מִיַּד רְשָׁעִים הַצִּֽילוּ ׃
5 לֹא יָֽדְעוּ ׀ וְלֹא יָבִינוּ בַּחֲשֵׁכָה יִתְהַלָּכוּ יִמּוֹטוּ כָּל ־ מוֹסְדֵי אָֽרֶץ ׃
6 אֲ‍ֽנִי ־ אָמַרְתִּי אֱלֹהִים אַתֶּם וּבְנֵי עֶלְיוֹן כֻּלְּכֶֽם ׃
7 אָכֵן כְּאָדָם תְּמוּתוּן וּכְאַחַד הַשָּׂרִים תִּפֹּֽלוּ ׃
8 קוּמָה אֱלֹהִים שָׁפְטָה הָאָרֶץ כִּֽי ־ אַתָּה תִנְחַל בְּכָל ־ הַגּוֹיִֽם ׃
← πίσω Το τέλος του
82
ψαλμός
μπροστά →
Επισημάνετε έναν στίχο κάνοντας κλικ στον αριθμό του. Εργα
Shift
και
Ctrl