ноября месяца в 28 день почитаемый, ведомый на истязание к царю Копрониму, испроси на пути у некоего боголюбца едину цату, имущую на себе образ царский, и сию тайно в клобук свой вложи.
убий убо абие: аще же представил мя еси себе того ради, да мя о чесом вопрошаеши, и да что от мене услышиши; то подобает тебе, гнев отложши, с благостию беседовать.
На сие святой он муж отвеща: покланяющеся образу, не веществу почесть или поклонение воздаем: ибо честь образа на первообразное восходит, якоже святой рече Василий.
от вещи сотворенными, написоваться Божества естеству невещественному и всяк ум превосходящему, егоже вид ниже умом описаться может, кольми паче вапы изобразить его не возможно?
но Богочеловечный он вид начертаем, в нагием подобии явленный, и апостольскими руками осязанный, якоже святой Иоанн Богослов рече: еже видехом, и руце наша осязаша.
елико на небеси горе, и елико на земли низу, того самого Моисея являю ти творяща изображение двоих Херувимов златом, о чесом Божественный Апостол повествует сице: Херувими славы осеняющии олтарь.
Но и сосуды освященные, от нас почитаемые, ни един совеети нашей зазор творят; понеже известны есмы, яко та призыванием имене Христова освящаются. Что же более?
имиже изобразуется тожде Тело Христово, еже и страждаше на кресте, и ныне без страдания есть на небеси; им же и покланяемся, и лобызаем, и онех причащающеся наследствуем святыню?
Христову икону не инако, аки Аполлиново подобие, пречистой же Богородицы, аки Артемидино изваяно, идолами нарицати не ужаснустеся, и ногами та попрасте и попалисте.
имущую на себе того злочестивого царя образ, юже грядый у некоего человека испроси, и на то уготова; и показавши цареви, вопрошаше Христовыми словесы, глаголя: чий есть сей образ и написание?
смертного и тленного, великим казнем быти глаголете, то которой казни подлежите вы, иже образ Сына Божия и Матере его пренепорочной попрасте, и огню предати не убоястеся?
запрети им, да не творят Стефану зла никоегоже, аки бы не побежден гневом являлся: обаче повел его связанна отвести в народную темницу, в претор, и тамо его затворить.
неправо Писание святое о святых иконах толкующии, и благочестное икон святых почитание отмещущии, и вопрошающии нас, кто предаде иконное почитание: Пророк ли кой, или Христос, или Апостол?
Апостол и Евангелист Лука иконы святые писать начат; пречистая Богородица похвали; первенствующая церковь прият; отцы Святые возлюбиша и почтоша, и за честь тех многии пострадаша.
рече: И прежде нас святители ношаху иконы, егда прихождаху в соборы, и никтоже от Христолюбец сый благочестив путешествуя без иконы хождаше, яко угодники добрые Богу,241 До зде Григорий.
поидоша в след Калвина, Лютера, Льва Арменина, Копронима, Конона или Льва Исаврянина, в след жидов, и самого сатаны, не велевшего затворнику Елеонскому почитать икону Богородичну.
Отвергающим предания Святых отец, якоже отвергаше Арий, Несторий, Евтихий, Диоскор; и не хотящим прияти та, яже не суть от Божественного Писания им показана, анафема.
яже на святого Евангелиста Матфея, от нравоучения 34, идеже на листу 428 пишется сице: Якоже демоны к гробом текут, сице и мнози от любящих при гробех седяще, всегда демонов прияли бы души, и проч.
И глаголет толкуя той лжеучительный кривотолк: почто имам почитати Святых мощи, и приходить к гробам их на поклонение, егда мене за то Златоуст демоном зовет?
и приходяще на гробы их рыдают и биются: а не о мощах Святых, над нимиже никтоже рыдает о смерти тех, разве славить Бога о прославлены Святых его, и молится спасен быти молитвами оных.
не смущаться, ни рыдать о том, яко умираем, и растлеваются телеса наша во гробех, но радоваться, яко на лучший живот преселяемся; разве о том рыдати, аще бы ведал еси кого отшедша в муку вечную.
Таже изъявляет, яко аще не бы телеса наша приходили во истление во гробех, седмочисленный бы оттуду был вред; тлеющим же сим, седмеричная нам бывает польза.
Аще бо и телесам растлевающимся мнози в поднебесной непщевашася быти боги, (якоже Навуходоносор, и тому подобные): коея бы гордыни не было пребывающу телу нетленну?
Зело любили быхом телеса наша, и плотстейшии были быхом, и любезнее притекали быхом к гробам и телесам сродников наших и другов, аще бы тех нерастленен был телесный образ.
и храмы им создали бы, и демонов бы волхвованием призвали, еже вселитися им в телеса тыя, и глаголати в них, якоже и ныне суть нецыи, иже мертвыми волхвуют; и было бы оттуду велие идолослужения зло.
Вся же та отъемля Бог, повеле тълесам умирающих любимцев наших растлеваться пред очима нашима, да и возлюбивый кто благолепную отроковицу, отбежит от трупа ея гниюща и смердяща.
не похваляя, и отводя от неполезного того обыкновения, уподобляет таковых демоном, любящим жити в Еллинских гробех, якоже оный в земли Гадаринской бесный, иже в храме не живяше, но во гробех.
наводя на честные Святых мощи: и имиже он глаголами не похваляет рыдающнх безмерно по мертвецах своих, ты теми укоряеши правоверных, почитающих благочестно мощи угодников Божиих.
аще грешничу, аще праведничу, паки возвратиться в землю, и в гробном тлении до дне судного пребыти; обаче не единако бывает умертие грешного, якоже и умертие праведного.
одожденными от облак: и еще брашну (мясному) сущу во устех их, гнев Божий взыде на ня, и уби множайшия их, и прозвася место то гроб похотения, яко тамо погребоша людей похотевших ясти мяса.
Ибо не человеческими, но Ангельскими руками погребен бысть, якоже то яве есть от словес святого Апостола Иуды, глаголюща: Михаил Архангел разсуждая о Моисеове телеси, и прочая.
Зде, о кривотолче, гроб похотения людей похотевших мяс, и гневом Божиим избиенных, соравниши ли с гробом раба Господня святого Моисея пророка, Ангелами погребенна?
царь Иудов, такожде Христов праотец, о егоже кончине смертнъй сам Господь во Иеремиином пророчестве предсказа, глаголющи: погребением ослим погребется, смраден и извержен вне врат Иерусалима.
И иные бесчисленные святые мученики многоразличными смертьми за Христа пострадаша, умроша же и умучившии их: Диоклитиан, Максимиан, Иулиан апостата и прочии мучители.
О костех грешничих глаголет псаломник: разсыпашася кости их при аде 253, сиесть, близ суть мук адских: соединившеся бо с душами своими во общее воскресение, абие пойдут во ад на вечныя муки.
хранит Господь вся кости их, и ни едина от них сокрушится 254; аки сокровище некое драгоценное, в земли сокровенное хранить, хотя е во свое время принести в хранилища небесная.
человека же святого, по исшествии от тела души его, тело есть яко порфира царская, драгоценная, честно хранимая, в нюже паки облещися будет, имущему царствовати с Христом в небесном царствии.
в немже множество древних гробов еллинских бе, и живяху тамо легеоны духов нечистых, чесо ради страшно всем бе то место, и никтоже можаше ити сквозь е великих ради бесовских страхований.
от града Сирского, Гавала Нарицаемаго, за двадесять стадий бяше некая могила велика, и бесовское на ней капище ветхо, и еллинская дневняя гробища, и множество бесов тамо обиташе.
бесове бо не точию мечтаньми и привидении устрашаху, но и человекоубийственне нападающе и поражающе, вреждаху многия человеки же и скоты; о чесом слышав преподобный Фалалей, иде тамо, и вселися.
Преподобный же Макарий Египетский, грядый от скита в Теринуф, и обвечерев, вниде в гробище еллинское спати: беху же ту кости еллинския ветхи, и взем едину, подложи ю возглавие себе.
возопиша убо женским гласом глаголюще: о она, пойди в баню мытися; отзвася же другий демон, от мертвыя кости, под главою старцевою лежащия, глаголя: странного имам верху себе, и не могут прийти.
егда к гробищу древних волхвов Египетских Ианниа и Иамвриа приближися, избегоша противу ему до седмидесяти бесов в различных подобиях, кричаще с велиим гневом: что зде хощеши Макарие?
Близ града Антиохии бе место, нарицаемое Дафни, идеже во идолопоклонническая лета храм идольский бе, и бес во идоле живяше, и даяше ответы людем вопрошающим о чесомлибо.
Егда же во дни царя Константия, сына Константинова, на оное место пренесены быша мощи святого священномученика Вавилы, абие устрашився бес бежа оттуду, и умолче идол.
Такожде и близ Александрии бе место, нарицаемое Мануфин, на нем бяше древнее капище и жилище бесовское, и страшно бысть то место, понеже мнози тамо нечистии живяху дуси.
Святого первомученика Стефана мощи егда из Иерусалима к Царюграду преносимы быша, глас Ангелов славословия Божия поющих над мощьми на воздусе слышашеся, и благоухание велие от ковчега исхождаше.
У гроба святителя Христова Петра митрополита Всероссийскаго, свеща сама о себ возжжеся всем зрящим, еже бе знамением благодати Божией, над гробом угодника своего осиявшей.
Елико убо разнствие недостойного от честного, адского жителя от небесного гражданина, беса темна от Ангела света: толико разнствие гробов и мощей грешничих от гробов и мощей святых угодников Божиих.
Кости грешничи никияже в себе имеют целебные силы: кости же святых подают цельбы верующим, якоже то видети есть в житиях святых на многих местах; и что дивно?
но и убрусцы его, и главотяжи от пота тела его, на недужных полагаемые, недуги целяху; кольми паче по смерти мощи его, и коегождо угодника Божия, сильны суть подавати цельбы.
яко егда труп некоего мертвеца ввержен бе в гроб святого пророка Елиссея, и прикоснуся костем Елиссеовым, абие мертвец оный вверженный оживе, и ста на ногу своею, и пойде жив в дом свой?
егда Архангельския трубы глас всех от века мертвых от сна смертного возбудить, тогда праведных телеса оживше, нзыдут в воскресение живота, грешных же телеса изыдут в воскресение суда.
сице и святых угодников Божиих, сцарственников Христовых быть хотящих, ныне же спящих телесы своими, в чести имети должны есмы; воспрянут бо от сна смертного, и желаем собеседования их сподобиться.
2) Подобает почитать мощи Святых: понеже сам Бог в чести та имать, якоже прежде речеся, Ангелами своими охраняя я, и благодатию своею осиявая, и целебную силу тем подавая.
3) Подобает почитать мощи Святых: понеже тленное их облечется в нетление, и смертное их облечется в бессмертие, и возмутся от земных в небесная со славою, во гласе радования.
сосуды прославленных своих душ, звезды сияющие на тверди небесной, солнца пресветлая, немерцающая, неумаляющаяся, по всегда в полности неотъемлемыя Божия благодати и славы пребывающии.
к ихже душам, на местах светлых упокоеваемым и Богу предстоящим, молимся, да молятся о нас ко Владыце, и веруем, яко молятся, и за то само от нас должни почитаемы быть, яко молятся о нас.
Онию бывшаго архиереа, мужа добраго и благаго, срамлива видением, кротка же образом и беседою лепа, иже от детства прилежаше всем благим, руце воздеюща и молящася за вся люди Иудейския, зряше.
Посем явися инь муж, сединами и славою дивен, и великое благолепие окрест его бысть; и глагола Ониа: сей есть братолюбитель, много молящся о людях и о святом граде, Иеремия Божий пророк.
От сего видения яве есть, яко святые угодницы Божии по кончине своей молятся за ны к Богу, и помоществуют нам, якоже поможе святой Иеремиа Иуде Маккавею на супостаты.
октября в 19 день почитаемаго, иже блаженной Клеопатре, мощей его любительнице и почитательнице, явився, рече: Еда ли забыл есмь добродетелей твоих, яже сотворила ми еси в Египте и на пути?
Первее убо умолих Бога о роде твоем, с нимиже положила мя еси в гроб, да отпущены им будут грехи; таже сына твоего небесному Царю в воинство поях, и прочая.
от нихже овии за Христа кровь свою излияша, овии, повседневным самих себе умерщвлением томяще, самоизвольнии без крове мученики показашася, инии иными праведническими делы любезни Богу сотворишася. Мы же ныне,
коими они в жизни сей Христу Богу угодиша; и приемлем от богоугодного о их жития многую душам нашим пользу, и образом тех возбуждаемся к богоугождению.
иже бе учитель Ефрема святого, яко Ное, входя в корабль пред потопом, взят честные мощи Адамовы от гроба, и внесе в корабль с собою, того молитвами надеяся в потопе спасен быти.
По потопе же раздели я трием сыном своим; Симу убо старейшему сыну даде честнейшую часть – лоб Адамов, и указа тому жити на земли оной, идеже потом создася Иерусалим. Сим же,
идеже име быти Иерусалим, и насыпав над лбом могилу велику, нарече ю лобным местом, от лба Адамова тамо погребеннаго, идеже послежде Христос Господь наш распят быти изволил есть.
в Египте умершего, мощи от Израильтян во мнозем бяху почитании; изнесоша бо я из Египта с собою в землю обетованную, и на селе Иаковли, Сихем именуемом (Сихарь послежде прозванном), честно положиша. Мы же помыслим,
коль многое множество Израильских людей изомроша в Египте, а единого токмо Иосифа мощи оттуду изнесены; понеже той един бе праведен и свят, и велик угодник Божий, якоже житие его являет.
Речеши: не похвали Христос Господь Иерусалимлянам такового дела, но паче укори я, рече бо к ннм: горе вам книжницы и фарисее, яко зиждете гробы пророческия, и украшаете раки праведных, и прочая.
Ответствует на то святой Феофилакт, глаголя: поношает им, не понеже созидают гробы пророков, сие бо добро дело есть; но понеже лицемерием сия творяху. До зде Феофилакт.
но за лицемерие их и злобу, юже имеяху на Христа Господа, и за явную их ложь, яко глаголаху: аще быхом были во дни отец наших, не быхом избили Пророков.
То глаголаху, а на убийство поучахуся, ищуще како бы убитн самого Сына Божия, о немже Пророки прорекоша; того ради к ним рече Господь: горе вам книжницы и Фарисее лицемери.
граду воздая за свое в нем воспитание: и от того времене святая Крестителева рука у Антиохиан верных в велицем храняшеся почитании; ибо и чудеса не мала ею совершахуся.
Како же святого первомученика Стефана честныя мощи обретены быша, и какова чудеса от тех соделовахуся, и кое тем честным мощам почитание от верных бяше, зри Августа месяца во 2 день.
И бесчисленная о чудотворных и цельбоподательных мощах Святых, и о почитании тех, сказания обретаются в житиях Святых, ихже иодробну зде приводити не достанет времене.
и святой великомученицы Евфимии всехвальной, к нимже от вселенной собирахуся верные на поклонение; и о прочих мощах святых, издавна благочестно верными почитаемых, везде в книгах церковных обрящеши.
о гробах и трупиях грешничих реченные, наносит на хуление мощей святых, и на досаду почитающим я, демонами тех нарицая, сам сый демон в плоти и демонов единомысленник.
проповедуют тайными проповедями своими меж простым народом, яко в нынешнее время не возможно уже кому спастись живущему в градах и в селах, разве в их токмо Брынских пустынях.
ни пощения вашего приемлет; и аще бы вы и на уды себе раздробляли, проходяще острое житие и подвизающеся всячески, то не можете Богу угодити, вся бо ваша уже неприятна ему суть.
Тако той прельщаше, прельщаемое же лице, хранимо Богом, пребысть непрельщенно; и потом нашему смирению то донесено, но уже волк оный сотворися безвестен.
и слезами и сокрушением сердца помолятся человеколюбивому Богу, и той исторгнет их от мреж его, и спасет их от соблазн его лютых, и невидимо покрыет рукою своею достойне и праведне тому припадающих.
Зриши ли, како в пощении своем и молитву творити имут, иже тогда святые: навыкни и сущим во градах и в селах, каково люто время и дние будут. До зде Ипполит.
и молитв наших слушает, и единых токмо нас спасает: а вы, в градах и селах пребывающии, весьма погибли; понеже и молитв ваших Бог не слушает, и подвигов ваших не приемлет.
всю силу церковного нестроения, духовных чинов развращения, и всех, иже во градах и селах жительствующих, акибы неспасения полагают в том едином яко последнее есть время. И на том еднном, аки на основании,
яже деются, но временем глаголемым последним; и не Бог строить вся, яже строит, но время последнее; и не Бог, егоже хощет, спасает или не спасает, но время.
Время есть мера видимого сего мира, и жизни нашея, и всех деемых в поднебесной по Божию устроению, меримая деньми, месяцами, летами, веками сотенными и веками тысящными.
сице настоящее жизни нашея ныне, несть стоящо, но непрестанно текущо, и есть то наше ныне аки предел между мимошедшим и грядущим временем, мимошедшее окончаваяй, грядущее же начинали.
наше же настоящее время, глаголемое ныне, не весть стояти, но выну течет, аки капля некая, в низ текущая, и черту по себе оставляющая, на предняя же простирающаяея, донележе оскудеет и иссохнет.
и яко по морю корабль, ветром женомый, и яко стрела от напряженного лука, или якоже от заряженной пушки ядро испущенное, тако наше течет время, ни на малу чертицу остановляяся.
время садити, и время растерзати сажденное; время разрушити, и создати; время плакати, и время смеятися; время рыдати, и время ликовати; время раскидати камение, и время собирати 282 и проч.
Ответствую: вся в поднебесной деемая деются в свое время, обаче не само собою время делает, но вся содержай и строяй Бог, и созданные Богом человецы делают своя дела в подобающее им время.
Яве убо есть, яко не время что собою делает, но Бог, и по Божию строению человецы в свое время делают, ихже житию и деланиям времена определил есть Создатель.
и людем, во градах и селах живущим, возбранить спасение их, ежебы им не спастись нынешнего времене, якоже в прежняя времена прежние Христиане православные спасахуся?
прелагатае, клеветницы, невоздержницы, некротцы, неблаголюбцы, предателе, нагли, напыщени, сластолюбцы паче нежели боголюбцы, имущии образ благочестия, силы же Его отвергшиися 284, и проч.
времена люта, и человеков злых, в развращение уклоняющихся, сугуб ответ противу неправого умствования, силы словес Апостольских непознавающего, положим.
глаголя: не дни осуждай, глаголет (Апостол), ниже времена, но человеки, тогда сущие: ибо нам сице глаголать обычай есть: времена лукавые и нелукавые, от случающихся в них вещей, от человеков. До зде Златоуст.
но человецы делают время зло и люто; еже и сам Апостол изъяви; рекши бо, яко настанут времена люта, показа вину, чесо ради люта: будут бо (рече) человецы самолюбцы, и проч. Не рече,
будут бо человецы злы: не на времена возлагает вину злобы человеческие, но на человеков возлагает вину времен лютых; не времена бо делают человеков злых, но человецы злые делают времена люта. Коеждо убо время,
Богом созданное, добро есть, ниже вредит кого: человецы же злые, во время жизни своея злая творяще, времени доброму хулу наносят, яко злых ради дел их и времени нарицаему быть злым и лютым временем.
О человецех же известно есть, яко не точию в сия жизни нашея дни и в сия лютая времена, суть (по Апостольскому словеси) человецы самолюбцы, сребролюбцы, величавы, горды, и проч.
но и в прежняя оная, прежде нас бывшая, лютая времена таковых множество бяше: и в самые дни Апостольские, ихже и отвращаться велит Павел Тимофею: сих (рече) отвращайся.
противившихся Моисею; на кое место Златоуст святый пиша глаголет: не от последних токмо, но и от мимошедших сие показует; имже образом (рече) Ианний и Иамврий противистася Моисеови. Почто сие творит?
не все бо суть самолюбцы, не все сребролюбцы, не все величавы, не все горды, не все хульницы, не все родителем противящейся, не все неблагодарны, не все неправедны, не все нелюбовны, и проч.
ни горды, ни хульницы, и прочая: паче же суть смиреные, кротцы, нестяжательны, поистине Богу угождающие, образом и житием благочестивы, и истинные рабы Божии, и спасения вечного достойны.
ни едина бе в поднебесной церковь Божия, но все простые храмы и хлевы; понеже еще от дней Христова на земле с человеки пребывания, и от дней Апостольских начатся последнее время.
Начатся последнее время от дней жизни Христовы на земле; свидетельствует о том святой Апостол Павел, глаголяй: егда прииде кончина лета, посла Бог Сына своего единородного, рождаема от жены 287. Кончина лета,
дети, последняя година есть: и якоже слышасте, яко антихрист грядет, и ныне антихристи мнози быша; и паки о еамом антихристе глаголет: о немже слышасте, яко грядет, и ныне в мире есть уже.
но всегда пустые храмы и хлевы; и совершаемая в них таинства никогдаже бяху таинства: понеже последнее есть время, наченшееся от дней Христовых и Апостольских даже доселе.
даже доселе благодатию Божиею в Христианских странах строится, и никогдаже кто нарицаше церквей Божиих простыми храмами и хлевами, аще и последнее глаголется быти время.
и есть: дом же аще и не имый в себе живущего кого, обаче заперт, и наблюдаемый, да не кто разоряет того, той дом не глаголется быти пусть, но имый себе господина.
или за оскудение, заперта же и в разорение не попускаема: ту церковь может кто уподобить простому храму, обаче несть самый простый храм, ниже хлев; свыше бо есть призираема и наблюдаема Богом.
без пения стоящии, обаче не суть самыми простыми храминами; понеже всяк храм и место, Богови освященное, от дне освящения своего имать некую себе присутствующую благодать Божию.
но дом Божий, и сия врата небесная: кольми паче в новой благодати, места и храмы, освященные в церкви Божия, аще будут и без пения, обаче не без присутствия благодати Божия.
глаголя: по отгнании Новолавран, Оригенова мудрствующих, от тоя новыя Лавры, вселишася в ню православные отцы, с нимиже и аз вселихся в туюжде новую Лавру.
и вшед видех Ангела, стояща одесную алтаря, и страхом велиим объят быв, возвратихся в келлию мою, и прииде ми глас, глаголяй: отнележе освящен бысть алтарь сей, мне поручено есть пребывати у него. Мы же внемлем:
и свои еретические службы совершаху; обаче алтарь, единою от изначала бывших православных освященный Богови, неотступна име себе Ангела Божия. Паки в тойже книге,
и освяти его; пребыв же в ней лет неколико, преселися в Лавру, Пиргиа глаголемую, (преселися же болезни ради ноги, в нюже унзе терн, и сотворися язва люта, и согниваше нога его).
По отшествии того от пещеры, ин некий отшельник, в пещеру его вселиться хотя, вниде и виде Ангела Божия, во алтаре стояща, и рече ко Ангелу отшельник: что зде твориши?
Се видети есть, яко аще кая церковь и без пения будет по некоему случаю, обаче имать присутствующую себе Божию благодать и Ангела неотступна, храняща ю.
Возможно убо церковь, от пения опустелую, уподобить простому храму, но в самый простой храм ю вменять есть не безгрешно, кольми паче хлевом нарицать ю грех есть.
Ниже бо Ипполит святой церкви Божия, опустети имущия, нарече хлевами, но токмо уподоби я простым храмом, предложив то словце – яко; церкви Божия (рече) яко простые храмы будут.
в нихже повседневные Божии славословия совершаются, и бескровная жертва священнодействуется, и все таинства Христианские деются; тыя церкви раскольщики наипаче нарицают хлевами.
и не суть яко храмы простые, ни хлевы, но храмы Господни святые, Ангелов водворения, святых собрания, прибежища верных, целебницы душевным недугованиям, домы Божия и врата небесная.
или нашествие иноплеменных, грады и веси разоряющих и опустошающих; тогда в правду церкви Божия ограбленные, опустошенные, бывают яко простые храмы; тогда бывают и яко хлевы, конское стоялище.
и алтари Господни обругати; разве токмо некие ереси мало проявляхуся, и хуляху церкви святые, простыми их храминами и хлевами нарицающии, каковы бяху от Пскова Стригольники, о нихже будет ниже.
внутрь Великороссийского государства, милосердием Божиим хранимы, таковых церквям Божиим от иноплеменнического нашествия опустошений еще не видим, аще и брани слышим; Бог весть, что впреди будет.
обаче не все бы повсюду церкви пусты были, ни всегда, разве токмо местами и временем, якоже и туча облачная, с громами и молниями бывающая, временем и местами преходит.
или от нашествия иноплеменнического бывает; но иное некое злоумием своим изобретают, не опустелые, но славословия Божия исполняемые церкви Господни нарицающе простыми храмами и хлевами.
Частию терпит гонение, егда в единой коей стран есть гонима, в другой же в тишине пребывает: в едином коем царстве насилуема, обидима и умаляема, в другом же свободно процветает и умножается.
лет яко триста; по всей бо вселенной тогда церковь Христова бе гонима, утесняема, озлобляема, и премногими мученическими кровьмн обагряема, на востоке и западе, на севере и юге.
время, еще такового на всю по вселенной сущую церковь Божию гонения несть, разве токмо частию, в некиих странах (якоже в Греческих): еще бо и антихристова существенного пришествия не наста время.
и церкви Божия еще неопустелые, простыми храмами и хлевами нарицающим, и Ипполитова словеса ложному своему блядословию акибы в свидетельство приводящим ответствую:
Истинная суть словеса Ипполита святого, яко будет то время, в неже во градах и в селах церкви Божие яко простые храмы имут быти опустошенны, лишенны служб и приношения; тоже и святой Ефрем предрече.
якоже то и первее от них известися; вы же глаголете противно им, яко не чувственно, но мысленно антихристу быти, и уже его сказуете пришедша, и царствующа в Москве.
яко во дни существенного антихриста церкви Божия опустеют, и яко простые храмы будут; вы же глаголете, яко ныне уже (антихристу чувственно еще не пришедшу), церкви Божия суть яко простые храмы.
не храмы простые, не хлевы, но Господни храмы, хваления Божия исполняемые, бескровную жертву содержания в себе непременно: обаче простыми и пустыми я храминами и хлевами нарицати не ужасаетеся.
И видите, и лжете, сами своим очесам не емлюще веры; ослепи бо вас злоба ваша, да видяще не видите, и слышаще не разумеете, и в злобе вашей еретической погибнете.
еже видети есть от словес самого Господа, в Евангелии чтомых, в Матфее, в зачале 98: седящу ему на горе Елеонстей, приступиша к Нему ученицы на едине, глаголюще, рцы нам, когда сия будут?
В Луке в зачале 105: блюдите, да не прельщены будете: мнози бо приидут во имя мое, глаголюще, яко Аз есмь: и время приближися: не изыдите убо во след их.
в няже по вселенной на церкви Божие гонению и опустошению тех быти, понеже еще и антихрист чувственно не прииде, якоже то прежде изъявися, и Христианство, милосердием Божиим хранимо, еще не оскуде.
овии же имут бежати в горы и пустыни и вертепы, а инии узревше чудеса антихристова прельстятся, и к нему пристанут: тогда и церкви Божия опустеют, и в простые храмины и хлевы претворенны будут.
тогда священные церкви, яко овощное хранилище будут, и честное тело и кровь Христова во днех оных (антихристовых) не имать явитися; служба угаснет, чтение писаний не услышится. До зде Ипполит.
и в простые храмины претворять я: тому же не пришедшу, не прииде время то, еже бы во градах и весях по вселенной церквам Божиим пустыми и простыми храминами и хлевами быть.
разве то в их безумии мнится: в нас же церкви Божия суть яко рай Божий и земное небо, в немже стояще телом, на небеси умом нашим мнимся стояти, горе имуще сердца наша ко Владыке нашему.
о временах по нем грядущих прорече: и сбышася уже та его словеса на некиих пастырях, но не на всех, и ныне сбываются на некиих, но не на всех, и впредь сбыватися имут на некиих, но не на всех.
и велиции святии, якоже святитель Христов Николай, Спиридон, и прочие, иже яко светила в мире просияша, тии пастыри не бяху волцы, но истинные пастыри, душу свою за овцы полагающие.
или еретичествуют и отлучаются от церкви Христовой, и других вводят в ереси, якоже бяху начальники расколов: Капитон, Аввакум, Лазарь, Никита пустосвят, и иные с ними.
и прихожан своих, кии от раскольников прелыценны, укрывают, и потакают им; тии пастыри поистине суть волцы, иже терзают стадо Христово, и снедают души овец Христовых.
благочестивую веру непорочно хранящие, еретикам не согласующие, но и отсецающие тех, аки гнилой уд, от тела церковного; сии пастыри не суть волцы, но пастыри истинные.
и в святой вере укреплять имут: кии убо от духовного чина прельстившеся ко антихристу пристанут, тии пастыри волцы будут; а иже за Христа даже до крове станут, тии истинные пастыри быть явятся.
яко вящше мучеников первых и славнейше и вышше имут показаться; мученицы бо первые того слуг (антихристовых) победиша, сии же самого того сына погибельного поперут и победители будут. До зде Ипполит.
ни имел бы Христос своей церкви на земле, ейже глава сотворися, и была бы та глава без членов своих, без тела церкви своей, начальнейшей той части, духовному чину, в волки претворшейся. Но несть тако, ни будет;
и яко плевелы от пшеницы отлучатся, но не все: плевы с ветром полетят, а пшеница на току останет; якоже и во дни Христовы бысть: мнози от ученик его идоша вспять, и ктому не хождаху с ним.
Другое же время лютое то, еже воздвижет брань не на самого Бога, но на человеки токмо, обаче не без прогневания Бога, понеже противу заповеди Божия, ближнего озлоблять не велящие.
и ижденут, предающе на сонмища и темницы, ведомы к царем и владыкам, имене моего ради, и будете ненавидими от всех имене моего ради; и паки: предадят вы в скорби, и убиют вы.
кождо бо ищет своих си, и хощет быть славою и честью и могутством и богатством более паче иных; того ради восстает язык на язык и царство на царство, и междоусобный брани сотворяются.
В том другом времени тягота бывает народу, утеснение нищим, озлобление неповинным, и деются хищения, грабления, насилия и неправды многие; и того ради время таково есть лютое время.
никтоже за Христа мучит или убивает, никтоже ко отвержению Христа принуждает кого, но вси единогласно славим Христа Бога нашего, со Отцем и Святым Духом царствующего во веки.
грабящее, похищающее, неправды и насилия творящее, то время лютое ныне, якоже видим, настоит, и не дивно: подобает бо сим (по словеси Христову) быти прежде, но не у абие кончина.
чесого Ипполит святой не написа; глаголют бо: во градах и в селах ныне лютое время; убо отвратил есть Бог лице свое от градов и сел, и уже несть во градах и в селах спасения.
Мы же правоверные, подлинный розыск о том творяще, посмотрим на первое оное лютое время, еже брань творяше на самого Христа Бога и на святую его церковь.
В то лютое время, уже бы по Брынскому многою глаголати, яко отвратил Господь лице свое от живших во градах и селах; понеже не бежаша в пустыни: но не бе тако.
Смотрим на подвиг святого первому ченика Стефана во Иерусалиме: побивается той камением от жидов, он же видит небеса отверста, и Христа Господа во отверстом небеси стояща, и на подвиг его смотряща.
зань во Иерусалимском граде страждуща; смотря же на него, смотрит купно и на человекоубийственный град Иерусалим; на град, Пророки избивый, сына Божия на смерть предавый; на град, Апостолы убиваяй.
ни скрышася в вертепах; но и паче милостивым лицем на ня призирает, якоже призре на побиваемого камением первомученпка, иже не крыющися дерзновенно ста противу жидов за Господа своего. Что же мним,
егда другий Иаков, брат Господень нареченный, с крила Церковного бе низвергаемый; не смотряше ли Господь с высоты небесной на та деющаяся во Иерусалиме? Смотря же на ня,
на вся верныя и неверныя; на овыя яко на рабы своя, на другия же яко на враги своя; овыя любя, овыя же щадя долготерпением своим; не абие мстя, ни погубляя их, но обращения тех ожидая.
в коих бесчисленнии мученики за Христа страдаша; не смотрел ли Христос Господь в то время свыше зря подвиги тех, и укрепляя их в страданиях, и венцы им небесные славы готуя?
Никакоже; но и паче милостивнее, любезнее, прилежнее на ня обратить лице свое пресветлое и очеса прелюбезная, на яве зань страждущия; неже на тех, иже скрыются в горах и пустынях от страдания.
кровь свою зань изливаяй, неже преподобный в пустыни подвизаяйся, чесо ради вышший, светлейший, честнейший на небеси есть лик мученический, паче преподобнического.
во градах и селах жительствующих, бедами утесняемых, озлобляемых, отягощаемых; но паче милостивнее на ня призирает, неже не крыющияся в пустынях, и никиих же бед и озлоблений подъемлющия.
и болезненну им жизнь творяху в делех жестоких и возстенаша сынове Израилевы от дел: лютого убо ради того времени, отвратил ли бяше Бог лице свое от людей своих?
яко и на нас Бог призирает, и видит всяку тесноту нашу и печаль, и милосердствует о нас, яко отец чадолюбивый, иже лютым настоящим сим временем наказует, ихже любит, и биет, ихже приемлет.
ниже имам от тебе отступити; и паки: еда забудет мати отроча свое, яко не помиловати исчадия чрева своего; аще же и забудет то жена, но аз тебе не забуду, глаголет Господь.
Се какова обещания Божия в писании святом мы правоверные имамы, известно утверждающая ны в надежде нашей, яко Бог в лютом времени страждущие ны не оставит.
Аще же бы, по вашему блядословию, оставил нас Бог правоверных рабов своих, то не истинствовали бы словеса Божия, не оставити нас обещавшая; но удобнее есть вам, да лжете, неже да Бог не истинствует.
сами судите, чии суть еветлейшие венцы: сущих ли безбедных, в тишине пустынной безмятежно пребывающих, или тех, иже в градах и в селах в лютое время беды терпят и озлобления, благодаряще Господа?
Есть пещь или горнило, в немже Бог искушает, и очищает мысленное свое злато, глаголю рабов его, якоже пишется: Бог искуси их и обрете их достойны себе, яко злато в горниле искуси их.
в горниле огнем бед искушаемое и очищаемое; и уповаем, яко не отвратил есть от нас Господь лица своего лютых ради времен, но паче обратил есть на ны лице свое, и зрит терпение наше и благодарение.
Убо и всяк верный, беды и тесноты нань от Бога попущаемые, лютым же временем наносимые с благодарением терпяй, велик бывает пред Богом, и во дворех Бога нашего процветает.
Бедами бо с лютым временем находящими, ово прегрешения Божиих рабов очищаются, и яко плевы от пшеницы истребляются; ово же светлейшие венцы бедствующим и страждущим соплетаются.
во узах держимы, мучимы, озлобляемы, убиваемы, и иже на правежах биеми до смерти; вси тии в неповинности своей мученики суть Христовы, иже аще и не за Христа страждут.
о Брыняне, словес Ипполитовых толкование, самовымышленно сказующее то, чесого святый Ипполит не написа, акибы лютого ради нынешнего времене Бог лице свое от градов и сел отвратил есть.
тии слезами и сокрушением сердца молитися имут человеколюбивому Богу, и той исторгнет их мреж его, и спасет их от соблазн его лютых, и невидимо покрыет рукою своею.
и в пустынях и в вертепах, но во градах и в селах живущие не спасет; убо в единых токмо наших пустынных скитах Бог живет, и молитв наших слушает, и единых токмо нас спасает.
но о самом последнем времени, во дни антихриста существенна быти имущем; они то наводят на нынешнее время, в неже Христова преждереченная словеса еще сбываются: не у кончина, не у абие кончина.
иже в горах, и в пустынях и вертепах скрыются, а иже не скрыются, но в градах и в селах останут, тех не спасет: о сем он не пишет, но лжеучителей раскольнических есть се вымысл. Разумети же буди,
от рук ныне нам невидимых бесовских, мучити грешныя хотящих в безконечные веки; ино же есть спасение тела временное, от мук временных, от рук мучителя видимого временного.
вертепах и пустынях скрыются, Ипполит святой беседует: возвещает о спасении их от мук временных, от рук видимого мучителя антихриста, иже бы хотел мучить плоти их, и бить телеса их.
и в горах и в вертепах скрыются, и слезами и сокрушением сердца помолятся человеколюбивому Богу, и той исторгнет их от мреж его, и спасет их от соблазн его лютых, и невидимо покрыет рукою своею. До зде Ипполит.
или избавлении тела от рук и мук видимого мучителя антихриста, иже восхощет избранные Божии или прельстить в соблазны лютые греховные, в поклонение тому, или мучить и погубить я.
абие услышавше пришествие скверного, пролиют реки слез с воздыханием к Богу святому, избавитися от змия, и побегнут со тщанием великим в пустыни, и скрыются в горах и вертепах.
души же убить не могущего: другим же избранным Божиим, кии вдадут себе небоязненно на муки за Христа, тии спасения или избавления временного плотем своим от мук временных не получат, избиени будут.
в горах и вертепах; будут бо таковые во градах и селах, иже не побегут в горы, в вертепы и пустыни крытися, но дерзновенно станут за Христа Господа своего, души своя зань полагающе.
и древеса польская, восплачутся же и оба светила небесная с звездами за род человеческий, яко вси уклонишася вкупе от Бога святаго, Содетеля всяческих, и лестцу веру яша: и проч.
и множайшее число погибающих, неже спасающихся; того ради глаголется, яко все уклонятся: сие же глаголание по образу Псаломникову, иже рече: вси уклонишася, вкупе непотребны быша, и проч. Се глаголет: вси уклонишася,
остах аз един; Господь же сказа ему, яко имать седмь тысящь сокровенных рабов своих, иже не преклониша колена своего Ваалу; вси отступити от Бога глаголахуся, а мнози неотступльшии обретахуся.
вси за безчисленное число их: меньшее же число не имущих отступити не почитается между множеством отступников; вси убо уклонятся, кроме некиих не уклониться имущих.
яже вышше воспомянухом: блажени (рече) иже тогда подвигнутся на мучителя (сиесть на антихриста), яко вящши мучеников первых, и славнейши и вышши имут показатися, и проч.
то кого будут Ангелы печатлети печатию Бога жива, сиесть, честным крестом на челах их, во еже бы рабом Божиим быти знатным и отменитым от рабов диаволих, от поклонников антихристовых?
яко во антихристовы дни будут мнози во градах и селах избранные рабы Божии, угождающие Владыке своему, и подвизающейся за святое имя его, и спасающие души свои спасением вечным.
то кто возбранит в нынешнее лютое, не антихристово, но антихриста предваряющее время, быть такожде во градах и селах избранным рабом и угодником Божиим, о спасении душ своих пекущимся?
Разумная бо тварь человек, по образу Божию созданный, в произволении спасения своего, якоже прежде бе самовластен, сице и ныне есть самовластен, и впредь будет самовластен.
обаче не во времени, ни в месте спасение состоится; ибо и в безмятежное, тихое время мнози погибают, и в безмолвных пустынных местах мнози греховным падежем велиим падают.
то како бы мученик Африканский, декабря в 8 день в Прологе воспоминаемый, по страдании своем, за Христа от ариан подъятом, пался в грех плотский, и благодати Божия лишился?
той, наставшу времени тиху, мирну, прогнева Христа блудством своим; и иже по урезании языка своего глаголаше ясно, той по грехопадении онеме, отступльшей от него благодати Божией.
Не во временах убо состоится спасение души, ниже может кто рещи, яко в прежняя времена бяше спасение, в нынешнее же время несть спасения, и в предыдущие времена не будет; кто сице рещи дерзнет?
еже чудеса творити сподобльшиеся, таже попущением Божиим запяты бывше от врага, падоша лютым греховным падением, и едва который воста покаянием, инии же и погибоша, лишившеся спасения.
благословлю Господа на всякое время, выну хвала его во устех моих: аще на всякое время благословим Господа, и молимся к нему; убо на всякое время и спасению нашему от Бога устрояему быти веруем.
на всяком месте владычествия его: благослови душе моя Господа: аще на всяком месте благословить и молиться к нему нам свободно; убо и спасению нашему на всяком месте устроятися не возбранено.
Хотяй поистинне спастись может и посреде градов и сел имети себе место удобно ко спасению: мало же радяй о спасении своем, той и посреде пустыни не обрящет места спасающего и.
Не место бо святит и спасает человека, но благодать Божия, содействующая произволению человеческому и произволение человеческо, содействующе благодати Божией.
В пустынях Бог, в пустынях и спасение произволяющему; в градах и селах Бог, в градах и селах и спасение произволяющему; обрящеши ли где место, на немже бы не было Бога?
аще взыду па небо, ты тамо еси: аще сниду во ад, тамо еси: аще возму криле мои рано, и вселюся в последних моря, и тамо рука твоя наставить мя, и удержит мя десница твоя.
глаголет: аще приидут прельстившийся и рекут, яко се прииде Христос, и в пустыни крыется, или в храмине некоей, или в клетех, иже суть внутреннейшая места: сия вся слышаще, да не прельститеся.
