1	הַלְלוּ יָהּ ׀ הַֽלְלוּ ־ אֵל בְּקָדְשׁוֹ הַֽלְלוּהוּ בִּרְקִיעַ עֻזּֽוֹ ׃
2	הַֽלְלוּהוּ בִגְבוּרֹתָיו הַֽלְלוּהוּ כְּרֹב גֻּדְלֽוֹ ׃
3	הַֽלְלוּהוּ בְּתֵקַע שׁוֹפָר הַֽלְלוּהוּ בְּנֵבֶל וְכִנּֽוֹר ׃
4	הַֽלְלוּהוּ בְתֹף וּמָחוֹל הַֽלְלוּהוּ בְּמִנִּים וְעוּגָֽב ׃
5	הַֽלְלוּהוּ בְצִלְצְלֵי ־ שָׁמַע הַֽלְלוּהוּ בְּֽצִלְצְלֵי תְרוּעָֽה ׃
6	כֹּל הַנְּשָׁמָה תְּהַלֵּל יָהּ הַֽלְלוּ ־ יָֽהּ ׃