Розыск о раскольнической брынской вере — Димитрий Ростовский (Туптало), XVII век
Diese Übersetzung wird von den Nutzern von bibleox.com erstellt.
Sie können helfen, diesen Text zu verbessern! Registrieren Sie sich und beteiligen Sie sich an der Übersetzung.
Wie die Inhalte der Wikipedia wird das Ergebnis frei unter der Lizenz CC BY-SA verbreitet.
и от святых Его Апостолов ю прияхом, и седьми вселенскими Соборами в ней утвердихомся: та верует во единого невидимого Бога, в веществах же видимых и осязаемых Божества не ищет.
Почитаем мы Иконы святые, лобызаем, поклоняемся им, но не боготворим, не сказуем, яко икона есть Бог, но изображение подобия Христова, или Богородична, или коего Святого.
Яснее же со святым Иоанном Дамаскиным речем: яко икона есть повесть о Христе Господе и о Святых Его, живописным художеством сказуемая, якоже и словописным повествуемая.
Сице той Святой в слове своем на неделю православную глаголет: и словописцы, и живописцы написуют, овии слово красяще, овии же на дсках начертавающе 28.
Подобне и живописец сотвори, написав на дсце церковное благолепие от первого Адама даже до Христова Рождества, и все плотское смотрение Христово, и мучения Святых, предаде и той церкви.
очима же на изображенная воззрев, вся та абие умом объемлет, разумеет, познавает, и есть живописное художество скорейшая, внятнейшая и вразумительнейшая повесть, паче повести книжныя.
начен от рождества Ея, введете в церковь Господню, Благовещение, и како Сына Божия от нея рожденного пеленами повит, и в яслех положи, и на руку держащи сосцами питаше.
како во гроб положи Его, и воскресша виде, и возносящася на небо любезными проводи очима; како послежде и сама преставися к Сыну своему и Богу, и предста на небеси одесную престола Божия.
иконописным изображением повествуемая, всякому вразумительна суть: Петрово покаяние, Фомино уверение, Стефаново каменное побиение, Савлово на пути от Христа звание, и прочая прочих.
не веществу, но повествованию преклоняюще наша главы, по словеси тогоже святого Иоанна Дамаскина, глаголющего о том сице: рцы ми, кому покланяешися в Евангелии, мшелю ли (веществу), или повести?
ни вапам, ни переводам, ни ветхости, ни новости, понеже не вещества во иконе ищем, ни вещество во иконе почитаем; но на святыню взираем, святыню почитаем, и изображению начертанного покланяемся.
и поклоняюся Тому пред иконою Его: и тако почесть, иконе Спасителевой творимая мною, восходит на первообразное, сие есть на самого Спасителя, царствующего на небеси.
и покланяюся той пред иконою ея; и восходит почесть, иконе мною творимая, на первообразное свое, еже есть самая пречистая Дева Богородица, на небеси одесную престола Божия предстоящая.
и о нас к Богу молящемуся: и тако почесть, иконе мною творимая, восходит на первообразное свое, на самого (глаголю) того Святого, егоже умом моим созерцаю, и покланяюся ему.
Ищай же во иконе ветхости и переводов, вещества ищет, веществу поклоняется, а не Тому, Иже есть на небесех; и есть таковый яко кланяяйся делу рук человеческих, понеже вещество боготворить.
Таково поклонение есть злочестивое, а не благочестивое, еже седьмым вселенским Собором отсечеся, на немже благочестивое иконам святым поклонение утвердися.
И положиша на том собор Святые отцы сугубо проклятие: аще кто иконам святым не поклоняется буди проклят; такожде, аще кто иконы святые боготворит, проклят.
Сице в неделю первую великого поста, на велицей вечерни в Славнике воспевает: Нам слава зрак воплотившегося, благочестно покланяемый, а не боготворимый.
пред действом на еретики проклятия поемом, в песни 5-й, стихе 2, сице чтется: На икону зряще, распятие почитающе, любим лобызающе Христа, и Того знамения, и покланяемся им не яко боги почитающе.
иже на утрени., пишутся словеса сия: аще кто сим (образам святым) не поклоняется, и не целует любезне, не служебне, не яко бози, но яко образы, первообразных ради любве, буди проклят.
не служебне и разумейте, яко служебный поклон, от Греков латриа нарицаемый, самому токмо Богу, от правоверного человека воздаватися подобает, а не коему созданию и веществу видимому и осязаемому.
Злочестивое же поклонение святым иконам есть, еже икону боготворити, и вещества в ней усматривати, дске же и вапам, и переводам, аки самому Богу кланятися.
носящую манну, и жезл Ааронов и скрижали завета, и херувимы славы осеняющия алтарь, и поклоняющеся тем, не веществу покланяхуся, но самому Богу, в видимых святых вещех почитающе невидимого.
ни молвяху глаголюще: не хощем почитати новые херувимы, но старых Моисеовых держимся; сего не глаголаху, но равно и новые Соломоновы, якоже и старыя Моисеовы почитаху.
в слове на неделю Православную о поклонении икон Христовой написа: не доску (рече) почитаю, ниже стену, ниже мшель шаровный, но воображение тела (Христова) и смотрение Господне.
честные тех иконы почитаю и лобызаю не яко бози, но елико писанием возможно есть, и повестьми воспомянути страдания их, яже претерпеша. До зде Дамаскин.
ни токмо четвероконечия: ибо не веществу крестному поклоняемся, не Древу, не четырем токмо концам, ни осми концам, но Христу Господу нашему, воспоминающе Того на кресте распятие.
Не крест бо, но Христос, на кресте распятый, спасе ны, и не по кресту нарицаемся Христиане, но по самому Христу; и не крест нам Бог, но Христос Бог наш.
Почитаешь бо кресу не ради креста но ради самого на Кресте распятого Христа, и полагаешь надежду спасения нашего не в вещественном кресте, но в распятом на креете Христе.
Слушаем же святого учителя Иоанна Дамаскина, глаголющего: кланяемся образу честного и животворящего креста, аще и из иныя вещи будет, не веществующе, да не будет, но образ 32, яко Христов символ.
Зде внемли всяк сим словесам учителя того: кланяемся образу креста не веществующе, сиесть, не вещество почитающе, но образ креста, яко символ Христова распятия.
И паки тойже на другом месте глаголет: образ Христова крествования видевше, и спасительного страдания в воспомннание пришедше, падше поклоняемся не веществу, но образуемому 33. До зде он.
Слышу же раскольников отверзших злохульные уста свои, и аки псов лающих на четвероконечный крест Христов, нарицающе того антихристовою печатью, и крыжем римским.
на едином, глаголю, агнце таинство совершается, а не на пяти или на седми просфорах, от коих аще вынимаются частицы токмо воспоминания ради поминаемых, а не пресуществления ради.
И в первенствующей церкви, во дни Апостольские, на единой токмо просфор Литургия совершашеся, якоже от самого Христа Господа на тайной вечери предадеся.
Пременение же некиих речей в книгах, несть пременение веры: в тогожде бо Бога и новые книги верити учат, в коего и старые; тыя же догматы веры и новые книги в себе содержат, кои и старые.
Томуже Богу молитися и новые книги велят, Коему и старые; тех же добрых дел и новые книги поучают, коих и старые: и несть никоего противного учения в книгах новых, якоже и в старых.
в царство первого царя Московская Иоанна Василиевича, при митрополите Московском Макарии: но потом в разорение Москвы от Поляков, печатный двор со всем иже в нем заводом разорен бысть.
на кончине царствования его, в патриаршество же святейшего Иосифа обновлен зданием, который и ныне есть; и паки печать книгам начася о лете 7152 (1644), оттоле до ныне книги из печати исходят.
Из начала убо Греки в Россию с Владимиром от Херсона пришедшии, и российского языка поучившиися, и несовершенно российскую речь уразумевшии, преводили своя книги на российский язык.
на некоторых местех не против греческого преложиша: такожде и Российскии переводчики греческих некиих речей несовершенно познавшии, на некиих местех не против греческого положиша.
сице и книги наши согласны будут с их книгами, исправляюще же речения книжная, не пременили веры: ибо речения некая книжная, старая ли или новая, не суть вера, но речения, якоже прежде речеся.
А что раскольщики глаголют, яко святые отцы по старым книгам спаслися, то они от неразумия своего лгут: ибо святые отцы не по книжным наречиям и речам спаслися, но по своему добродетельному житию.
то подобаше им по книгам не печатным, но рукописным спастися; понеже рукописныя книги давнее печатных, наченше от Владимира даже до Московского царства.
И вси Российстии святые отцы, во дни великих князей, прежде царей Московских бывшие, не по печатным, но по рукописным книгам читывали, не бывшим еще в России книгам печатным.
И аще бы в тех книгах древних состоялося спасение святых отец, кроме жития их добродетельного; то и ныне бы не подобало по печатным книгам молитися, но по старым рукописным.
состояся убо то во многих описех и погрешениях книжных; понеже преисполнены тех суть древние рукописные книги, от коих едино или два зде да воспомянутся. Октября месяца, в 1 день,
твой пречестный омофор, паче електора просвещаяся; в других же написано, паче алектора просвещаяся; а в печатных исправлено преподобным Максимом Греком, паче илектра просвещаяся.
И возропташа на Максима глупии невежди, еретиком того зовуще, почто (глаголаху) ты, еретиче, дерзаеши переменяти ръчи, по нихже святые наши отцы спаслися?
избирали что или кого; алектор толкуется петух, якоже и в Евангелии пишется: прежде даже не возгласить алектор, трикраты отвержешиея Мене 35; илектр же знаменует блещание злата чиста.
в великой рукописной Минеи Четьи, яже в великом Успенском на Москве соборе, в житии преподобного Паисия, на листе 459 пишется, яко святый пророк Иеремиа преподобному Паисию часто являшеся.
В том письме обретается опись сицевая: и скверными мысльми подвизаше того ум на вожделепие обещанных благ; вместо сокровенными мысльми, написано, скверными.
Лгут убо глаголющии, яко святые отцы по книгам старым спаслися: ни по старым бо речениям книжным, ни по новым кто спасается, но по своим добрым делам и вере непорочной.
А что раскольщики порочат нас, аки бы новыми книгами пременили веру, на то отвещаем: святой апостол Иаков, брат Божий, от самого Христа поставленный первый Епископ Иерусалиму, написа святую литургию.
под правилом 1136: бяху (рече) в древних нецыи обычаи, в церквах бываемые, от нихже убо временем овии забвени быша, инии же отнюдь престаша, другия же правила отсекоша?
якоже видети то есть в правилах шестого вселенского собора, в правиле 1237; ибо и Апостол рече: подобает епископу быти непорочну, единыя жены мужу. Таков бе Херимон,
оба согласно повествуют, яко той Херимон епископ, стар леты, купно с женою своею бежа в гору Аравитскую от рук мучительских во время гонения, еже бе в Декиево царство.
Паки: пресвитеры и диаконы мирские бяху нецыи не женившиися, якоже то видети есть в правиле десятом Агкирского поместного собора, и шестого собора вселенскаго, в правиле шестом.
в главе 19 пишет, яко во дни его в странах Египетских, еще многии градове содержаху сей обычай, еже по трапезовании бывати литургии, и причащению Божественных таин тела и крове Христовы.
и в четверток великий не ядше иереем литургисати, и людем не ядше причащатися повеле, якоже о том пишется в правилах того вселенского шестого собора, в правиле 29, в книзе Кормчии, на листе 186.
Паки древняя правильная рукописная книга сказует, яко в постныя дни исперва сыр, млеко и яйца Христиане ядяху, донележе еще не бяху в пощениях утверждены. И сие пишется,
егда жены и девицы от еллинства ко Христу обращаемыя крещаемы бяху, якоже то видети есть в житиях святых: Киприан святый поставлен быв епископ, Иустину девицу диакониссою постави.
правило 15, в книзе Кормчии лист 99 на обороте, и поместного в Карфагене собора, правило 6, лист 120 на обороте, и шестого вселенского собора, правило 14, лист 181 на обороте.
И сие вестно есть, яко первее святое причащение неосвященным людем подавашеся не лжицею, но особно тело Христово в руку, (якоже ныне антидор подается) особно же кровь Христова от потира.
Зри о том Ноября месяца в 9 день, до жития преподобной Феоктисты Лезвианыни), а потом вся та, и иная многая на Соборах, а наипаче на шестом вселенском собор отставлено.
Два историографа Греческие, цареградцы, Георгий Кедрин и Никифор Каллистов, каждый во свое время пожившие, повествуют, яко в древних церквах изначала не бе в навечерии Богоявления вод освящения.
яко и во дни великих учителей вселенских, Василия Великого, Григория Богослова и Иоанна Златоустого, в четвертом сте лет по рождестве Христове поживших, не бе вод освящения в навечерии Богоявления.
Тии велицые древнейшие святые не уставиша: а последний не святой и не правоверный Архиерей уставил, и приятся церковию уставление его, и даже доселе хранимо есть.
Потом в цареградскую церковь, то по вся дни велегласное, Верую во единого Бога, чтение приятся от патриарха Цареградского Тимофея, якоже о том Феодор чтец Цареградской церкве пишет.
Паки, из начала во святой Литургии не бе поема песнь сия: Единородный Сыне и Слове Божий, и прочая; в царство же Юстиниана великого от самого того царя та приложися.
Паки Георгий Кедрин Цареградец в Синопсии историй пишет, яко в царство Юстиново, иже по великом Юстиниане воцарися, уставися на Литургии пети песнь Херувимская, яже прежде не бе поема.
Еще сказуют, яко Пречистей Богородице песнь: Честнейшую Херувим: Косма Епископ Маиумский, сверстник Дамаскинов, написа и церквам предаде: а прежде та песнь до Космы Маиумского не бяше.
Слышах аз некиих невеждов глаголющих: не подобает что в церкви ново прилагати; пишется бо во Апокалипсии при конце: аще кто приложить к сим, приложить ему Бог язв написанных в книзе сей. Отвещаю:
ниже что от них отставити: а яже к церковных чинов и уставов исправлению и ко умножению хвалы Божия, подобает и должность надлежит, якоже и Давид к Богу вещает: приложу (рече) на всяку похвалу Твою.
Святой Матфей по осми летех вознесения Христова Евангелие писа; святой Марк по десяти летех; святой Лука по пятьнадесяти летех; святый Иоанн по тридесяти и двух летех.
Матфей написа, яко Христос заповедуя Апостолом ничтоже стяжати на путь, рече: ни сапог, ни жезла; а Марко написа: токмо жезл един и обувенны в сандалия. Паки Матфей пишет:
исходящу Иисусу от Иерихона, се два слепца седяща при пути; а Марк единого слепца написа, именно Вартимеа: разделился ли убо Марк с Матфеем верою, единого, а не двух слепцов написавый?
Паки о разбойниках, со Христом распятых, Матфей и Марк пишут, яко оба разбойника поношаста Ему; а Лука глаголет: един хуляше, а другий моляшеся: помяни мя, Господи, егда приидеши во царствии Си.
Паки, Христу воскресшу от мертвых, Матфей и Марк написаста, яко един Ангел явися Мироносицам у гроба; Лука же и Иоани повеетвуют, яко два Ангела явистася.
яко стояста: се мужа два стаста пред ними в ризах блещаищхся; Иоанн же глаголет, яко седяста: два Ангела в белых ризах седяща, единого у главы, а другого у ногу, идеже бе лежало тело Иисусово.
