Розыск о раскольнической брынской вере — Димитрий Ростовский (Туптало), XVII век
يُعِدّ هذه الترجمة مستخدمو موقع bibleox.com.
يمكنك المساعدة في تحسين هذا النص! سجّل وانضم إلى العمل على الترجمة.
مثل محتوى ويكيبيديا، تُنشر النتيجة بحرية بموجب ترخيص CC BY-SA.
десницею на теле изображаемом, усумневатися, боящеся, да не антихристовою печатию себе знаменают; и уже друзии весьма не крестятся, аще и в церковь кто от них иногда по случаю внидет.
прежде воспомяненными, святого Иоанна Златоустого словесы, на второе послание к Фессалоникийцам, в беседе 4 написанными: предание есть; ничтоже вящше ищи.
на листе 128, глаголющая сице:,,Еже знаменати крест на лице и персех, Апостольское есть древнее предание, поучением, а не писмены нам преданое.» До зде словеса Василиева.
Но понеже слепые проводника и маловернии подлинного указания ищут, укажем убо им и от церковных повествований, коль давно крестное знамение в Христианах начатся.
от самых святых Апостол, научившихся от самого Христа Господа, во оное время, егда по воскресении своем извед их до Вифании, и воздвиг руце свои, благослови их.
От тогда Апостоли святии, якоже сами от Христа благословени быша, сице и они начаша благословляти иныя, и чудеса знамением крестным творити, якоже то абие явленно будет.
некогда (Иоанн святой) обрете при пути лежаща больного человека, люте огнем содержимого, и исцели его крестным знамением; а писал житие Иоанново Прохор ученик его.
В томже житии пишется и сие: Бысть некий Христианин, иже в толикую нищету прииде, яко не имущи чим воздати долгов своих заимодавцем, от зельной скорби умысли сам ся убить.
и даде ему лютейшую отраву, юже прием человек, иде в дом свой, и много мыслящи, егда хоте испить, такожде сотвори знамение креста святого на чащи той, и испит ю, но ничтоже пострада.
да принесет бремя сена, еже Апостол знамением крестным и молитвою в злато претвори; и повеле ему, да тем златом отдаст долги своя заимодавцем, останком же да препитает дом свой.
пишется: Яко повел Апостол некоему мужу, именем Иру, крещением святым просвещенну, да своею рукою крестный образ начертает на Аристархе больном, знаменая врежденные члены его.
Егда святой апостол Павел исхождаше от града Афинейска, слепец некий, егоже знаяху вси, яко от рождения своего не видит, сей моли Апостола, да подаст ему прозрение.
Он же сотворив крестное знамение на очесех его, рече: Господь мой и учитель Иисус Христос, иже брение сотворив, помаза очи слепорожденному, и даде ему прозрети, той и тебе силою своею да просветит.
Святая первомученица Фекла, ученица Павла апостола, егда собрано бысть множество дров и хврастия на сожжение ея, она на все то, знамение креста сотворши, взыде, и ста верху; огнь же ей не прикоснуся.
Святая мученица Василисса Никомидийская, знаменавши себе креста знамением, вниде посреди пламене в пещь разжженную, и стоя на мног час во огни горящем, без вреда соблюдена бысть.
Святии мученицы Авдон и Сеннис, князи Персидские, Декием Римским царем в Рим заведенные, и зверем в снедь за Христа вданные, знамением крестным ограждающеся, от зверей неприкосновенни пребыша.
по многих лютых, за Христа подъятых, ранах, в темницу ввержену бывшу, егда в полунощи явишася ему два Ангела пресветлии в подобии юнош прекрасных, и реша к нему: воззри на ны, и виждь.
прилучися на пути некий идольский храм; бе же вечер, и дождь велий настояше, того ради нужда бысть святому с спутники своими внити в той идольский храм, и обнощевати в нем.
Ночуя же тамо Григорий святой, совершаше обычная своя полунощная же и утренняя пения и молитвы, и знаменаше знамением крестным воздух, оскверненный бесовскими жертвами.
прииде, и прельщаше ю многими словесы к браку с нечестивым и блудолюбивым юношею Аглаидом, приводя от Божественного Писания Апостольская словеса: брак честен и ложе нескверно.
притече скоро к пристанищу креста Христова, и положи знамение честное на лице своем, и сердце свое воздвиже к Богу жениху своему, и абие исчезе диавол с большим студом, паче первых.
рече к диаволу: и ты ли девицы тоя победити не возмогл еси, сущи князь сильный, и паче иных в таковом дел искуснейший: то кто от вас сотворит что непобедимому тому девическому сердцу?
Диавол же силою Божиею принужденный, и неволею исповеда: не можем, рече, на знамение крестное зрети, но бежим от него, якоже бо огнь опаляет нас, и далече прогонит.
и всех прелестниче, сокровище всякия нечистоты и скверны, ныне уведах твою немощь, аще бо сени крестныя боишися, и имене Христова трепещеши, что убо сотвориши, егда сам на тя Христос приидет?
и веровав лести твоей, отступи убо от мене прокляте, отступи, подобает ми молити Христианы, да мя помилуют; подобает ми к доброчестивым прибегнут, да мя избавят, и попекутся о моем спасении.
како помощи себ, и извинутися от лютых рук бесовских, и уже еле жив сущи, воспомянув знамение креста святого, имже противляшеся Иустина всей бесовстей силе, и рече: Боже Иустинин помози ми.
Бес же далече от него стоя, и не смея приближитися к нему знамения ради крестного и имене ради Христова, грозно ему претяше, глаголющи: не измет тя Христос от руку моею.
Они же принуждени силою Божиею бывше, и не хотяще исповедаша истину, глаголюще: не можем терпети силы Христовы, и ниже воззрети на знамение крестное, имже себе отрок ограждает.
В житии преподобного Илариона великого пишется: бес приведе полк своих другов, и возопи таковыми гласы, да Иларион, от самых точию гласов их устрашився, оставить пустыню ону, и бежит.
Разумев же Иларион, яко та суть бесовская страшилища, знаменася крестным знамением, и щитом веры вооружився, паде на колена, прилежнее молящися к Богу, да подастся ему от Бога свыше помощь.
нань нападающими, глаголаше: аще что можете, Господу вам область на мя попущшу, се аз есмь, пожрите преданное: аще же не возможете, то почто вотще трудитеся?
овогда в скорпиино подобие и в великия некия плоти, даже до верху храма протязающе главу; и в бесчисленные образы и в воинственная полчища, яже вся по первом креста знамении исчезают.
в детстве того еще некрещена бывша, осля свирепое сверже с себе, и пад отрок со осляте, разбися, и лежаше плачущи, и не могущи востати; понеже боляше бедром ударенным о землю.
им прю от книг с некиим еллинеким философом Евдемоном, виде сына Философова единым оком слепа, знамена убо око его слепое крестным знамением трижды, и абие отверзеся око, и прозре отрок ясно.
имея некий вред лют на персех ея сотворшийся, и не хотя открыти того врачем к целению, моли матерь, да десницу свою положили на вреде ея, знамение крестное на нем сотворит. И егда мати,
вложши руку свою в недра ея, осяза место вредное прекрестящи, не обрете вреда: Божиею бо силою исцеле вред, и болезнь отъиде, токмо оста малое знамение вреда оного в память чудесе Божия.
и смутися мыслию, мня быти привидение: святая Мария, извествуя себе быти плоть, а не дух, ни привидение сущую, знамена крестным знамением чело свое и очи и устне и перси.
патриарха Иерусалимского, пишется о некоем во иноцех пресвитере Кононе, в монастыре Пенфокли, емуже поручено бысть приходящия от еллин к святой вере, крестить мужы и жены.
яже бе зело доброзрачна; пресвитер же Конон, да не видит в крещении и Миропомазании наготы тоя девицы, взем ризу свою, отъиде оттуду, глаголя: не имам ктому обитати на месте сем.
И егда исходя оттуду, взыде на гору, се святой Иоанн Креститель срете его, и тихим глаеом рече к нему: возвратися в монастырь твой, и облегчу ти брань твою плотскую.
и глагола ему: веру ми ими пресвитере Кононе, яко хотех, дабы еси имел мзду за брань сию; но понеже не хощеши, се уже отъях от тебе брань, мзды же за то лишен будеши.
И возврати вся в монастырь пресвитер, во утрие крести девицу ону, и миром ю помаза, и никакоже ощути похоти в себе от зрения наготы ея, акибы не женск пол крестил есть.
В том же Лимонаре пишется о некоем святом Иулиане епископе Востретем, егоже нецыи от великих и богатых граждане возненавидеша, и умыслиша отравою уморити того.
И наустиша отрока служащего ему, многия дары обещавше, и вдаша отроку зелие смертное, да егда подаст чашу епископу, всыплет в ню яд смертный: и сотвори отрок, якоже научен бысть.
Божиим откровением разумев совет их, взем чашу, постави пред собою; и ничесоже глаголав отроку, посла призвати вся начальный града, в нихже быша и тии, иже совет смертный нань совещаша. Епископ же святой,
испиваю; и знаменав десницею чашу трижды, творя на ней крестное знамение, рече: Во имя Отца, и Сына, и Святого Духа, испиваю чашу сию пред всеми вами, и испив всю, пребысть без вреда.
Подобне и преподобному Венедикту игумену, от некиих возненавидевших его братий, в обедний час, яд смертоносен, с питием смешен, в стеклянице дан бысть.
да якоже Илию возму та на небо, достоин бо еси чести таковыя, святыни ради жития твоего: пришел же есть уже час твой, да трудов твоих плоды снеси, и приимеши венец доброты от руки Господни. Гряди убо не медля,
рабе Господень, да видиши Творца своего, и поклонишися ему, иже тя по образу своему созда: да узрят же и тебе Ангелы и Архангелы с Пророки, Апостолы и мученики, иже тя видети желают.
Подвиже ногу десную, во еже ступити на огненную колесницу, обаче простре и руку десную, знаменаяся крестным знамением, и абие диавол с колесницею и коньми исчезе, яко прах от ветра возметаемый.
и о чудесной силе крестного знамения; и бесчисленная о том свидетельства всюду в книгах Святых обрящеши, яже вся не возможно собрати в малую книжицу, разве бы великою книгою та объяти.
Даст им знамение на руце десней и на челе; да никтоже честный крест сотворит десною своею рукою на челе, но связана рука его будет: и оттоле власти не имать знаменати своя уды. До зде Ипполит. Мы же внемлем:
Ипполит святой о знамении крестном глаголет: Знатно убо есть, яко во дни его бе обычай в Христианах знаменати себе знамением крестным, и на скончании века будет, якоже и ныне есть в православных.
Святой Иоанн Златоуст в беседах на Евангелие Матфеево, во нравоучении 54, глаголет: Яко венец, сице да обносим крест Христов; ибо вся тем совершаются, яже по нам.
аще и яково ни буди ино сотворити, везде одоления (над супостаты) нашего предстоит образование: сего ради и на храмах, и на стенах, и на дверях, и на челе, и в мысли, со многим написуем его тщанием.
Аще бо мы места зряще, на нихже посецаются осужденные, ужасаемся; помысли, что постраждет диавол и бесове, оружие зряще, имже всяку силу их разруши Христос, и дракону (змию) отсече главу. До зде Златоуст.
Святой Ефрем в слове 103 глаголет: На дверех животворящего креста знамение да полагаем, на челе же, и на персех, и на устех, и по всем удом нашим: сим да знаменаемся, и сим вооружаемся.
еретичеству потребление, утверждение вере великое, сохранение и похвала Христианам, егоже Христиане на всяк день и нощь, и во вся времена и часы непрестанно приносят на всяком месте.
и в путь шествуя, аще и по морю плаваеши, аще и чрез реку превозишися, вся уды твоя животворящим крестом утверди, и не приступить к тебе зло сего бо видяще противные силы, потаившеся, отбегнут.
Святой Кирилл Иерусалимский, в Катехизисе Московскому в лето 7204 печатаном, приведеный на лист 43, учит, глаголя: Твори знамение честного креста, ядя, пия, седя, стоя, беседуя, или ходя.
Что убо речеши противу сих, о раскольниче, о знамении крестном усумневаяйся, и отвергаяй то, и бояйся якоже и бес крестного четвероконечия? Апостолы святые,
крестное знамение на себ сотвориша; святой Иоанн Предтеча, по многих кончины своея летех, Конону пресвитеру явльшися, крестным знамением страсть похотную в нем умертви.
Вся церковь Христова от начатка своего даже доселе той благочестивый Христианский обычай, еже знамением крестным знаменатися, и вся освящати, содержит.
имже образом Израилю обрезание; сим бо вернии от неверных разстоим и знательствуемся; сей щит и оружие и одоление на диавола; сей печать, да не коснется нас всегубительствуяй.
Се той учитель церковный, согласуй преждепомянутым учителем, знамение крестное четвероконечне воображаемое, нарече печатию Христовою, а не антихристовою.
Еще же и другое о печати антихристовой в Брынянех безумное умствование слышится: Треперстное к знамению крестному сложение нарицают печатию антихристовою.
Сице в еретическом злохульном их Свитце пишется: Аще кто знаменает лице свое щепотью, сиречь, тремя Персты, той отвержеся Христа, и предается сатане; занеже есть то антихристова печать. До зде Свиток.
дабы той был антихристовою печатию; убо якоже крест четвероконечный несть и не будет печатию антихристовою: сице и треперстное сложение несть и не будет печатию антихристовою.
Прочти всяк с прилежным вниманием и рассуждением оное Ипполитово слово, на неже Брыняне шлются, и разбери е по единому писменцу и реченийцу, обрящеши ли тамо кое о сложении перстов воспомянение? Никакоже.
Видех же в списках от писем Аввакумовых написано, яко той лжеучитель, двоперстного (по Арменску) сложения учай, треперстное же отметаяй, блядословит сице:
стекшимся дву естествам божества и человечества, нашею ради спасения, но знаменующеся трема персты в три духи нечистый, суть бо дуси демонстии, яко жабы.
патриарх Московский, муж в Святом Писании искусен и благочестив, и житием свят: но нам не родоначальник ни по плоти, ни по духу, не от него бо родихомся, ни от него веру прияхом.
Апостолы прияша от самого Христа: убо есмы Христиане, а не Никониане есмы, по словеси святого апостола Петра, род избран, царское священие, язык свят, людие обновления.
Лжет паки Аввакум, клевеща на нас, акибы мы не исповедуем в единородном Сыне Божием Христе Господе нашем двух естеств – божества и человечества, стекшихся нашего ради спасения.
имже мы благочестно и правоверно изобразуем три лица Пресвятой Троицы, и полагающе на себе треперстным сложением знамение крестное, глаголем: во имя Отца, и Сына, и Святого Духа.
неправо толкуя словеса, яже во Апокалипсисе, в главе 16, пишутся сице: видех из уст змиевых, и из уст звериных, и из уст лживого пророка, духи три нечистыя яко жабы исходящая, и проч.
Он же та словеса кривым своим толком наводить на наше треперстное сложение, акибы мы трема персты знаменаемся в три духи нечистыя, и в три жабы, на вселенную исходящая.
на едином убо перст написа са, на другом та, на третием на, сиесть сатана; и подписа, яко то имя есть скверного богоборца антихриста, еже он даст на десней руце верующим в онь.
И хулит нас правоверных, акибы мы во антихриста, а не в Христа веруем, и акибы антихристово имя на триех перстах носим, и антихристовым акибы именем знаменаемся.
Таковыя хулы блядивый той Свиток наносит на ны, в Христа (а не в антихриста) верующия, и не антихристовым именем знаменующияся, но именем Пресвятыя Троицы, Отца, и Сына, и Святого Духа.
на другом мон, и тако будет на двух их перстах сидети демон, егоже они давно в сердцах своих носят, и того слушают, и егоже духом учими, мудрствуют хульная и ложная на Христову церковь.
Так они людей простых обманывают лжами своими, прилагающе к писанным не писанная, якоже и то, ся приложиша: ино бо есть крестити кого, а ино крестити себе.
Вемы написано в Евангелии Лукином, в последнем зачале, како Христос Господь, возносяся на небо, благословил святых Апостол: воздвиг руце свои, благослови их; а о сложении перстов тамо не пишется.
Но о сложении перстов беседы аз не простираю; понеже уже о том довольно написано и изъяснено в книге Жезл, и в книге Увет, глаголемой, и в Псалтырях исправленных; тамо да чтет изволяяй.
о тяжкие досады Владыце нашему от тех бесстудных и бесных псов, отверзших нань лаятельные уста своя, ихже часть с глаголавшими: возми, возми, и распни Его!
3) Пошлина, уставленная за поставление и развращенное иерейское житие, возбраняет ли найти Духу Святому, и действовати божественныя тайны, егда иерей литургисает?
В священнодействии божественных таин, что приносится под видом хлеба в жертву Богу Отцу о всем мир: крест ли кий либо, иже на просфоре печатию изобразуемый, или сам Христос, крестообразно распятый?
Аще крест в жертву приносится, убо не Христос; ибо подобало бы не существу тела Христова, но существу древа крестного под видом хлеба быти, еже есть безместно и нелепо.
Аще же сам Христос приносится в жертву, убо не крест; ибо не крест жрется за мирский живот и спасение, но Агнец Божий, вземляй грехи мира, крестообразно жрется.
разве четвероконечна: глава пресвятая в высоте крестной, протяженное тело в долготе, нозе в глубине крестной, руце же в широте: еже и на приносимой просфоре четвероконечным крестом изобразуется.
И аще жремый Агнец на четыре части четвероконечным крестом не оскверняется; кая убо скверна и препятие святей жертве от оного четвероконечного креста, иже с верхней страны Агнца напечатан?
И аще четвероконечным крестом осеняемые святые дары не оскверняются, но освящаются; то кая скверна и препятие может быти жертв от оного четвероконечного креста, иже печатию на Агнце изображенный?
ни молитвы, ни словеса Христова, ни призывание Духа Святого; но якоже в старых, сице и в новых непременно напечатано: кое убо препятие святой литургии от новопечатных Служебников?
то кое препятие от новопечатного Служебника, из негоже иерей чтет молитвы тыяже, яже и в старом Служебнике, и вся словеса таяжде глаголет, и все действо тоежде действует, якоже и в старом указася?
за венчание, за исповедь, за молебствование, за погребение, за поминание, за хождение со святынею и прочая: а вся та, яко дарования Божия, должна суть не продаема бывати, но туне подаватися.
И поистинне за спасение души пошлина бывает; та бо, яже даются клириком, в препитание им даются, а яже архиерею, та абие в милостыню нищим раздаются. Мзда же,
и яко лихоимство в тяжкий грех ставится; и отлучением и проклятием казнится; якоже то видети есть в книге Кормчией глаголемой, в главе 1, во Апостольских правилах, на листе 7 на оборот.
зри в тойже книге, Кормчией глаголемой, главу 42; в заповедях Иустиниана царя, число на брезе 32, на лист 319: тамо именно указуется, что давать от поставления.
да от поставляемого пресвитера дается святителю седмь златиц, расположением сицевым: от клиричества златица едина, от диаконства златиц три, и от священства три.
Смотри всяк, коль древних лет безгрешная от хиротонисаемых пошлина уставися благочестивыми царьми в Греческой церкви; отнюдуже мы прияхом веру и церковные уставы и законоположения.
Извествуется же и сие, чесо ради пошлина от поставляемых уставися: Должен есть новопоставленный поп, или диакон, по своем поставлении, представити архиерею и клиру его трапезу обеда.
Игнатий святой епископ Ростовский, Феодот Переяславский, Симеон Полоцкий; тии архиереи с новопоставленным утвердиша, да новопоставляемый поп дает на клирошан седмь гривен.
в правилах шестого вселенского собора, по 22-м правиле, и по толковании того, пишется сие: Приходящии к таинству священства на поставление, да приводятся к епископу местному.
Дают же таковии на проторы всякия и исторы: на свещи, на вино (церковное), на фимиам и на просфоры, и на служения священникам и на прочие проторы, и на трапезу епископу.
Таковая же не оклеветаются, ни оглаголуются, понеже ничтоже вреждается в сих, и поставление туне бывает, якоже рече Христос: туне приясте, туне и дадите.
Несть бо се продаяние и купование, и всюду чин сей бывает, и зазрения о сем, ум имеющим, несть, якоже и Апостол глаголет: кто воинствует своими оброки когда?
глаголемии Стригольники, (якоже нынешнии Капитоны Брыняне), иже хулы некия на церковь Божию наводяще, отторгошася от нея, и многия к своему еретическому упрямству привождаху.
кая его грамота обретается в старых рукописных правильных книгах, вложена между правилами шестого вселенского собора, между 22 и 23 правилом, юже зде полагаем.
подлежащей святей митрополии всея Руси, в Русском граде Пскове, и в пределах его обретающиися, чада о Господе возлюбленная нашего смирения, нарицаю бо вы вся сыны и чада!
отлучишася соборныя Апостольския церкве, вся еретики мняще, святителей и священников, и вся клирики, и прочия люди Христианы, яко се, поставляющия и поставляемыя; себе же токмо правоверных мняще.
с десныя подвижеся братися, ибо яве не возможе прельстити, да многим покланяются богом, научи убо некия, да Сына Божия тварь именуют: тако и прочия ереси введе изветом от десна.
без коего невозможно кому спасения имети надежды, аще бы и ангельски на земли жил: ложную же сию клевету всеет в вас, и сотворить веровати, акибы по мзде церковь Божия поставление творит.
от конец земли до конец пребывающая, благодатию и силою самого Христа Бога нашего в правоверии неподвижимо водружена крепце, и в священныя канонех извесгно есть пребывание ея и строение.
Аще же и суть нецыи епископи, по мзде поставления творящии, обаче не подобает сего ради отсещися от церкве, и мнети, вся еретики, но совокупленным быти и церкве причастником.
Творящего же зле епископа возвестити своему митрополиту: и аще он не сотворит исправления, то наказан будет от нашего смирения, егоже устави Бог отца, учителя, патриарха всея вселенныя, Царяграда. Сего ради пишем,
яко своим чадом, яко церкве участию, яко удесам самого Христа–главы всея церкве, престаните от раздоров и разлучений; и, совокупльшеся единомысленно церковному чину, согласно славу возсылайте Богу.
входяшу ему во многие домы со ученики своими, в достойныя приятия его, и учащу истинному слову и благоразумию, и чудеса многа творящу, приемлюща яже от них бываемая.
имать в Божественных, яже с разумом правым бываемая и благою совестию, ничтоже споны творят поставлению, туне, без мзды сотворяемому: яже вся разумевающе, потщитеся исправити зле бывшая.
и добродетельна, и священных Канонов известна хранителя, да видит вы от нас, и благословит, и поучит, и накажет, и увещает, и подобающая устроить и совокупить соборней Апостольстей Божией церкви.
и отсекаетеся яко от еретик, то уже Христос днесь на земли церкве не имать по вашему слову, и ложь есть слово оно, еже рече: яко с вами есмь до скончания века.
да увемы исправление бывшее благодатию Божиею, и прославим Бога, и возвеселимся о возвращении тех, и о покаянии, о немже радуются Ангели и человецы, по Господа нашего Иисуса Христа глаголу.
правоверные людие, ревнующе по благочестии, побиша Стригольников еретиков: диакона Никиту, и Карпа простца, и третияго человека с ними, и свергоша их с мосту, развратников!
воплощения же Бога Слова о лете 1409, и той такожде к Псковичам писа грамоту увещательную, еяже всея зде не полагаем, ради простертия речей, развв токмо некая от нея вкратце воспомянем.
слышах, и возрадовахся: о отлучающихся же Божия закона и православия, зовомых Стригольников, смутися, чада моя, скорбию сердце мое не мало, и неусыпающ о сих ум имех.
помраченнии прелестию диавольскою, и ослепленнии еретичеством лукавства его, и не ведят света истинного Христа, ни разумеют праведных судеб его, и не видят истинных путей его, и прочая.
Таже глаголет сие: аще и хульнейшая кто имать глаголати на епископа или на священника, не подобает отлучатися кому от причащения их, дóндеже будет истинно испытание, и прочая.
рече: Царство наше, поставлению священническому, по уставленных древних воображениях быти повелевает, да ничтоже лишше емлемо бывает от ставления, разве 7 златиц.
глаголем: Аще православными (якоже слышахом) царьми и патриархами Цареградскими, и древними архиереями Российскими уставися даяние на поставлении; убо даяние то несть мзда, но указная пошлина.
В святом литургисании, приносиму сушу Сыну Божию в жертву Богу Отцу за грехи всего мира, кого ради Дух Святой на предложенную жертву сходит: иерея ли ради, или Сына Божия ради?
Воистинну Сына Божия ради; ибо Бог Отец со Святым Духом смотрит паче на приносимого Сына своего, неже на приносящего иерея, аще и тому подобает не недостойну зрения нань Божия быти.
Аще бы иерей себе в жертву приносил, и иерея ради аще бы сходил Дух Святой, то вправду было бы препятием развращенное житие иерейское нашествию Духа Святого.
и Сына Божия ради Дух Святой приходит; кое убо от развращенного иерейского жития возбранение Духу Святому, еже приити на предложенныя дары, и преложити я в тело и кровь Сына Божия?
Подобает убо иерею житием праведну и святу быти, дабы жертва, юже он приносит, была благоприятна Богу: грешну же иерею сущу, жертва, не жертва, не приятна бо есть Богу, яко и Каинова.
а не на приносимое, и по усердию приносящего приемляше приносимое; сице пишется: призре Господь на Авеля и на дары его, первее на Авеля призре, и видев того боголюбие истинное, призре и на дары его.
А идеже не видяше в приносящем боголюбия истиннаго, тамо и на приносимые жертвы не призираше, глаголет бо: не прииму от дому твоего тельцов, ниже от стад твоих козлов.
Обаче и грешное иереево житие несть препятием действию Святого Духа ко освящению и совершению святых даров: вси то учители церковные согласно утверждают.
в нравоучении 2, извествует: яко истинный есть принос, аще и нечисто житие имать приносяй, и глаголет: нравами действоваше Бог у Кивота, егда хотяше спасти люди.
не мощно сицевым, яже дарует Бог, еже от священническия добродетели, совершатися все благодати есть, сего (иерея) есть отверзти точно уста, все же Бог соделовает; образование сей токмо исполняете.
(принесет), тойжде есть (принос), егоже Христос учеником даде, и егоже ныне священницы творят: и ничимже сей меньши оного, зане и сего не человецы освящают, но сам той, иже и оного освятивый.
Еще же во утверждение сея истины да приведется зде и повесть о преподобном Марке прозорливом, о немже в Прологе, месяца марта, в 10 день, пишется сице:
акибы молитву и благословение прияти; наученный же диаволом человек, прежде всего глаголаше старцу: пресвитер твой полн есть всякого смрада греховного, и уже не даждь ему внити к тебе.
вси людие скверну вон измещут; ты же ко мне ю прииесл еси; а писано есть: не судите, да не осуждени будете; обаче аще и грешен есть, но Бог спасет его.
хотящу бо пресвитеру стати пред святым алтарем, виде старец Ангела Господня с небес сошедша, и положивша руку свою на главу пресвитера, и абие пресвитер бысть весь яко столп огнен.
Аще бо земный царь не хощет вельможам своим скверно предстати пред собою; но чисто и со славою многою; кольми паче Царь небесный не очистит ли служащих святым тайнам, и предстоящих престолу его?
И бысть отшельник яко в восторге, и виде студенец изряден, и ведро злато, и уже злато, и вода чиста зело: зряше же некоего прокаженна, черплюща от студенца воду ведром оным златым и преливающа.
Пришед же в себе отшельник, и видения силу разсудив, призва пресвитера сотворити святое приношение, якоже и прежде, и причастися от руку его пречистых таин.
От сих доводов и свидетельств яве показуется, яко развращенное иерейское житие несть возбранением благодати Духа Святого приходити на святыя дары, и совершати я.
Свиток же их раскольнический, хуляй Божественные тайны, приносимую нами бескровную жертву, и ругаяйся проскомисанию, в немже хлебного Агнца режем, и закалаем, глаголюше: жрется Агнец Божий, и проч.
пишет сице: Господа (де) на крести единожды копием в ребра прободоша, тогда изыде кровь и вода; понеже Иисус на кресте смерть вкуси, в кресте прободение, сиречь в ребра.
Но досадная та хула на Божественныя тайны, от них произносимая, на ревность мя подвижет; и должность архиерейская не молчати, но защищати честь пречестнейшего таинства повелевает.
и постыдится; принуждаюся и не хотящ (нужда бо и закон изменяет) объявити им вкратце некая от тех, яже в Божественной жертве деются тайны, ихже они слышати и ведати не суть достойни. Обаче да ведят:
обаче потребе надлежавшей, да заградятся уста его хотевшая хулити и проклинати Израиля: Ангел Господень с мечем обнаженным явися ему, и запрети да не хулить, ни кленет Израиля.
самого Христа Господа в пречистых его тайнах хулящая: буди им ответ наш, тайну Божественной жертвы открывали, яко меч претяй и отсецаяй хулу тех еретическую.
Совершаемая священнодействием Божественная жертва несть убиение и самая смерть бессмертного Христа Бога нашего на небеси прославленного плотию со Отцем царствущего во веки,
о немже глаголет Апостол: Христос воста от мертвых, ктому уже не умирает; смерть ему ктому не обладает 619; но воспоминание преждебывшего убиения и смерти его.
И егда жрется на дискосе часть, от просфоры во образ тела Христова изъятая, Агнцем нарицаемая, жрется в воспоминание самого Агнца Божия Христа, на кресте за ны пожерта бывша.
И егда закалается копием на дискосе часть, глаголемая Агнец, закалается в воспоминание самого Агнца Божия Христа, на крест за ны копием в ребра прободена бывша.
сие творите в мое вторичное убиение, в мое заклание, но в мое воспоминание, сиесть, в воспоминание вольного страдания моего и смерти, в воспоминание преждебывшего ми от Иудей убиения и заклания.
А святой Златоуст в своей литургии, моляся ко Христу, глаголет: поминающе убо спасительную сию заповедь, и вся, яже о нас бывшая: крест, гроб, тридневное воскресение, и проч.
Се убо видите окаянные хулители, яко приносимая нами Божественная жертва не убивает Христа, но воспоминание преждебывшего ему от Иудей убиения совершает.
егда режется и закалается, не самое тело Христово режется и закалается, но простой хлеб, непресуществлен еще в тело Христово, образ токмо тела Христова сущи.
Образу же чиему на чесомлибо начертанному, режему и закалаему сущу, страждет ли живой человек телом своим то бываемое начертанному его образу резание и заклание? Никакоже.
прославленным своим телом, никоему же страданию уже подлежащим и бессмертным, ничтоже страждет, ни умирает, егда образ тела его Агнец хлебный в проскомисании режется и закалается.
но уже хлебу тому Духа Святого действием и пресуществившуся, и уже не хлебу, но истинному сущу, под видом хлеба, телу Христову, Христос никаковагоже страдания имать раздробляемый и снедаемый.
бесстрастием и бессмертием прославленное, совершаемой Божественной жертве, ничтоже страждет; убо совершаемая нами Божественная жертва Христа вторицею не убивает, ни уморяет.
ни умерщвляется; обаче режемый есть, и закалаемый, и кровь проливали без всякия болезни своея, еже Божественными откровении древле святым отцам бывшими известися. Слышите,
и огнь сходящь со множеством святых Ангел, и верху тех ина два лица прекрасна, еюже несть мощно доброты исповедати, бе бо свет их яко молния, и посреде двою лицу мало отроча.
И егда скончавашеся Божественных таин действие, и приближишася диаконы преломити хлеб предложения, видех аз (глаголет старец) два лица, яже беста верху святыя трапезы.
еже бе верху тех; и иместа нож, и закласта отроча, и излияста кровь его в чашу, яже бе верху святыя трапезы; и содробивше тело его, положиста верху хлеба, и бысть хлеб тело.
И прочая тамо писанная чтите даже до того места, идеже пишется, яко по совершении святой литургии видены быша тыя Божественные силы на небо возносящияся, и отроча посреде их живо, а не умерщвлено.
еже преломити хлеб, узреша Ангела Господня с небеси сошедша, имуща в руку нож, иже заклав отроча, излия кровь в чашу: и егда преломляше иерей хлеб, Ангел раздробляше тело на части.
прииде и неверовавый брат, и прият в руку мясо сыро и кроваво, и в чаше такожде виде кровь, и убоявся, возопи, глаголя: верую, Господи, яко хлеб тело твое есть, и вино кровь твоя.
иерея, святую литургию служаща, виде, яко закла детище, и источи кровь его в потир, а тело на блюд раздроби; и по скончании литургии, вси людие мясо ядоша, а кровь пиша.
и подаде ему святитель, якоже и прочим Христианам, святых даров часть, юже прием жидовин в руку, виде, яко истинная бе плоть; посем к чаши приступив, вид яко истинная в ней кровь бяше.
и закалаемый, и кровь источаяй за спасение наше; обаче страданиям не подлежащь, ни убиваемый, ни умерщвляемый, но присно живый, и ядом, никогдаже енедаемый.
И аще бы тако по вашему безумному еретическому уметвованию, было; то чесо бы ради Христос повелел святым Апостолом, глаголя: сие творите в мое воспоминание?
И уже в безумном умствовании их не едина мерзость запустения мечтается, ово бо крест четвероконечный, ово церкви наша святые, ово же Божественные тайны, мерзостью запустения нарицают.
егоже Христос учеником даде, и егоже ныне священницы творят; и ничимже сей меньши оного, зане и сего не человецы освящают, но сам той, иже и оного освятивый: и прочая, якоже напреди уже сказахом?
егда жидове воззрят нань, егоже прободоша, а они раскольщики воззрят нань, егоже в Божественных того тайнах похулиша и обругаша, мерзостию запустения нарекше.
Ныне же не слышится то, дабы владущими и начальствующими кая мзда взыскивалася от возводимых на степени архиерейства; но благодатию Божиею кождо по достоинству своему приемлет туне степень свой.
не по моему желанию, ни исканию, ни по мзде, свидетель ми есть Бог, (да со Апостолом реку), емуже служу духом моим; но смотрением и строением Божиим, грамотою великого Государя призван.
оттудуже призванных, и на степени святительские возведенных известно свем, яко туне, не по мзде, но благоволением Божиим, государевым же изволением, по достоинству своему сан святительский прияша.
ниже оставляема есть от господина своего ради не многих между ею обретшихся плевел, но ждется до жатвы; тогда господин повелит жателем собрати пшеницу в житницу свою, плевелы же воврещи во огнь.
Обаче тех ради не оставляет Христос Господь церкве своея, и даже до кончины века не оставит, якоже обещал есть, глаголя: Аз есмь с вами во вся дни до скончания века.
кольми паче верному Христианину не подобает отлучатися церкве Святыя некиих ради преждебывших архиереев, мздою сан поискавших, ихже мы не вемы, ниже ведати хощем.
Аще отъятся благодать Божия от церкви Святой; то где неложная словеса Христа Бога нашего, пречистыми усты его реченная: Аз есмь с вами во вся дни до скончания века?
Аще церковь ересей ныне исполнена; то где словеса Христова к святому Петру, Христа Сына Бога живого быти исповедавшему, реченная: на сем камени созижду церковь мою, и врата адова не одолеют ей?
земля суще, брение, персть, прах и пепел, неже Христос Сын Божий и Бог наш; и безумное свое мужицкое умствование тщатся простому народу во уверение подати паче, неже Божию силу и Божию премудрость.
Церковь бо аки камень высок, посреде моря стояй, и от волн морских выну во дни и в нощи биемый, не повреждается: хульники же, аки волны о камень разбивающейся, без вести бывают. Та прославится, а тии постыдятся;
а тии с предводителем своим диаволом в бездну геенскую вринутся; та во веки восторжествует на небеси, а тии во веки восплачутся и возрыдают в подземных адских заклепах.
истинный Христова стада овцы, и Святой церкве его искренняя чада, разломихом здравым рассуждением и другой Брынского сада плод, учение их, и подлинным розыском розыскали трое то:
