Розыск о раскольнической брынской вере — Димитрий Ростовский (Туптало), XVII век
يُعِدّ هذه الترجمة مستخدمو موقع bibleox.com.
يمكنك المساعدة في تحسين هذا النص! سجّل وانضم إلى العمل على الترجمة.
مثل محتوى ويكيبيديا، تُنشر النتيجة بحرية بموجب ترخيص CC BY-SA.
Слышите, правовернии, что учитель той безумный бредит, протопопом был, а часов на светлое Воскресение не читал или читая не уразумел, идеже пишется: во гробе плотски, во ад в же с душею яко Бог.
яко Христос Господь наш плотию лежаше во гробе, а душою своею пресвятою, с силою Божества своего, во ад сниде, еже возвести оттуду святых праотец души.
И святый Иоанн Дамаскин о том глаголет сице: низходит во ад душа (Христова) обоженная, да якоже сущим на земли правды возсия солнце: тако и под землею во тьме и сени седящим присияет свет. До зде Дамаскин.
а Аввакум сказует, яко Христова душа от плоти первее ко Отцу пойде, таже от Отца паки в плоть возвратися, и оживи ю, и тако Христос по Воскресении своем с плотию во ад сниде.
исправления требовавшая, исправлены: вы же новоисправленных книг не приемлюще, старую православную веру отвергосте, новую же себя некую веру богохульную изобретосте.
аки бы старую веру содержащии: но се яве изобличися новость веры вашея, а не старость, и уже не едина в вас вера, но многия: слышим бо, яко елико скитов в лесах Брынеких обретается, толико и вер. Не тако ли есть?
строитель Спаской Роевской пустыни, балахонского уезду, той даде нам малыя тетрадицы, в которых написано слово ответное противу раскольщиков, а кто слову тому творец, не написано имени.
И инии прочии по именам учителей своих, а вси окаяннии прелестницы меж собою несогласны, и друг друга гнушаются, и вкупе ни пиют, ни ядят, ни молятся и нарицают друг друга еретиками.
а после тех был старец Пахомий, иже в детстве из пошехонского уезду в леса оныя завезен быв, возрасте тамо, и перекрещиван был от раскольников дважды после здешнего истинного крещения.
ибо инии скитоначальники изомроша, инии же во иные страны преселишася, и в Польшу мнози поидоша; тамо бо в некиих местах множество их, якоже сказуют, поселилися, а зде инии вместо оных.
Крест четвероконечный якоже и прочии раскольники отмещут, имут же сожительствующия себе в единых келиях купно монахини; тоже и по других скитах бывает.
и веры тех различныя, и дела их странная, от коих некая рекутся в третией части книжицы сея, идеже раскольническая, церкви святей противная дела, имут изъявляться во обличение заблуждения их.
Зде же сие точию глаголется, яко вси скиты их верами своими с собою несогласны суть, в едином токмо сем согласуют, яко единогласно хулят церковь Христову, и таинства святая и нас правоверных.
друг другу враждебны бывают; церковь же Христову хулити содружаются, и согласно яко единьми усты от злобных сердец, лютая хуления, слуху невместительная, произносят.
И несть ли Брынская пустыня теми верами своими, яко химера зверь или страшилище, огнь, якоже о том повествуют, от ноздрий своих испущающее, емуже глава и перси Львовы, брюхо козино, а хвост змиин?
учители (глаголю) змионравные посылая во грады и веси, отторгает от церковного неба яко звезды души людей православных, и повергает я во свою пропасть.
Из начала не точию писании Евангельскими, Апостольскими, учительствы великих учителей, догматами вселенских соборов вера святая бе утверждаема: но и преданиями их законополагаема.
хвалю вы, братие, яко вся моя помните, и якоже предах вам, преданья держите, и к Фессалоником глаголет: Темже убо братие, стойте, и держите предания, имже научистеся или словом, или посланием нашим.
На кое место святый Златоуст пишет сице: отсюду явленно, яко не вся посланием предаша (Апостолы), но многая и без писания; равне же и оная, и сия достоверна суть.
обаче понеже суть церковная предания, и известное знамение правой веры правоверного человека; того ради храните я должни есмы, по Златоустову увещанию: предание есть, ничтоже вящше ищи.
и аще кто та предания, Владимиром с верою принесенная, хранит, того есть старая вера: не храняй же та, не имать старой веры, но новую некую себе изобрете.
но неправильно, от попов самоназванных, а не освященных, или от беглых запрещенных: ово же, яко мнози в них обновили ересь Николаитскую, еже обще жены имети, о чесом в третьей части речется.
убо и старую отвергоша веру, новую же некую себе изобретоша; и како не стыдятся веру свою старою нарицати верою, отвергше вся старая предания церковная, и ниже следа старыя веры в себе имуще?
От начала веры в России старыя и новыя иконы равно бяху почитаемы, ниже бо можаше тогда Российская земля довольствоватися приносимыми от Греков иконами но и у себе новые начата писати.
чесого ясное показание есть четвероконечный крест, Владимиром из Херсона принесенный, и до днесь на москве, в соборной велицей церкви, во олтаре за престолом стоящ зримый.
еже почитати книгу Евангелия святого, износимую на утреннях воскресных по прочтении Евангелия воскресного из алтаря к народу, да поклоняются и лобызают е людие.
яве то есть от писем ученика Аввакумова Ерофея Андреева с его товарищи, иже написа сице: поклонятися-де Евангелию, повести написанному чернилом, то татарский обычай.
Кланяющеея мы святому Евангелию, не веществу кланяемся, не дскам окладным сребром или златом, не хартиям, не чернилу, но слову Божию, в Евангелии написанному.
ни осмоконечия, но какий либо крест зряще, страдание Господне воспоминаем, и страданию Господню кланяемся: сице и святому Евангелию кланяющеся, не вещество почитаем, но Божие слово.
От начала веры в России священная действуют иереи в церкви Божией; неосвященным же не токмо действовати священная не дается, но ниже касатися святынь Божиих попускается.
грамотен же, наречеся попом, и хороняся в подпольях домов раскольнических долгое время, служивал литургию неосвящен бывши, и причащал тех, иже втайне раскольничествуют, и вся тайны им действовал.
людей исповедывала и причащала, не точию же простых людей, но и попов: ибо и попы некии безумнии к ней на исповедь тайно прихаживали, и причащение нечестивое от руки ея принимали. О крайнего безумия!
но безместные, беглые, иже или отлученны от священнодейства архиереями своими за не какую вину свою, или сами собою от благочестивой веры отпадшии, тии в Брынских жилищах некая таинства действуют.
Аще книги новые отметаете, о Брыняне, то подобает вам и попов новоставленных отметати: аще же попов новоставленных приемлете, убо и книги новыя прияти должни есте.
Аввакум бо роспопа лжеучитель, в раскольницех славный, написа книгу свою, еретического умствования исполненную, и нарече ю: Евангелие вечное, не мною-де писано, но перстом Божиим.
яко не ино что написа, токмо по злоумному своему еретическому умствованию хулы на святую Троицу, на воплощение Сына Божия, якоже вышше изъявихом, и на церковь Христову хульная злословия.
и ты вопроси бабы поселянки: скажи-де, государыня, о святей Троице, Троица-де что есть, так она тебе отвещает и скажет: и ты су, Федька, ну лбом, блядин сын, поселянке той о землю.
Тойже лжеевангелист и лжеучитель раскольнический Аввакум безумные своя учения, и видением неким чудесным, бывшим ему, утверждает, о коем видении пишет сице:
Не ял-де я в великий пост 14 дней, и видел себя велика, руки, и ноги, и зубы, и весь распространился по всему небеси: и потом-де вместил Бог в меня небо, и землю и всю тварь.
о коем сам повествует, глаголя: восклепа иногда демон во врата монастыря, и изшед аз видех человека паче меры великостию, возносяща главу даже до небес, и егда его вопросих: кто еси?
Обновили ересь Акефалитов, от безглавного Севира произшедшую, о коей месяца Августа в 30 день, в житии святого Иоанна Каппадока, патриарха Цареградскаго,81 пишется сице:
по умствованию своея главы безумныя, и измершим неправоверным епископом и пресвитером их, не бяше в них по обычному церковному чину крещения, ни Божественного литургисания.
по своему суеумию другие учаше, и многия от них иныя расплодишася ереси, едина друзей противный, о них же Никифор Каллистов, историограф церковный греческий, в книзе 18, в главе 45 пишет.
ни иереев, ни Божественныя литургии, ни причащения святых таин, ни крещения по церковному чину, ни архиереям православным повинуются, но суть весьма безглавны, якоже древнии Акефалиты.
якоже в Содомском красноцветном яблоке, не вкус сладкий, но смрадный прах и пепел обретохом; глаголю, яко несть вера их правая вера, но кривая вера: и несть вера их старая вера, но новая вера.
яко не токмо тя к веществам зримым и осязательным прилагают, но и к беззакониям своим, к воровству своему, к бражничеству, к неправдам своим, и к скверному житию своему.
юже соборы вселенские утвердиша, юже Владимир святый от Грек в Россию принесе, в нейже велицыи светильницы церковнии, и светила миру, святые Российстии отцы и чудотворцы просияша.
ниже сливаем лиц: но со святым Андреем Критским держим, поющим сице: нераздельное существом, неслитное лицы богословлю тя Троическое едино Божество, яко единоцарственное и сопрестольное.
а не Христородицу токмо, но по существу рождшую воплощшагося в ней Бога слова, во двух существах и естествах, в Божием и человеческом, несмесных, в лице же едином Христовом нераздельном.
якоже Аввакум и его ученики творят, и не делаем из Троицы четверицу, но единого и тогожде быти Сына Божия и Христа веруем и исповедуем, иже глаголется Сын Божий и сын человечь.
обаче не два сына, но един Сын, якоже и Церковь во Октоихе, в гласе 6, на вечерни догматически воспевает, глаголя: не во двою лицу разделяемый, но во двою естеству неслитно познаваемый.
и обычаи церковные по преданию и уставу Святых отец содержишь непременно и непорушно, якоже от Грек Владимир святой в Россию принесе, тако и до ныне содержим благодатию Христовою.
